curvasup
rena
redassion
larenadomila redassion


Saludi dal Diretòr
Andrea dr.Toffaletti ve porta in giro par la Redassión
imgGrassie de èssar passà de qua. Caro letòr, rispeto a tanti, savémo de sparàr vacàde, ma nel limite de la decensa. L'è giusto no stracàrTe nel lésar el sito co' robe massa serie, ogni tanto come te pol védar, gh'è un buso par sganassàr. No butèmo tuto in vaca. Molti i pensa a la nostra lèngua come a una paiassada, ma no i pensa che drio gh'è la tradissión del nostro popolo veronese. Ci séita a dir vacade no l'è bon de far cultura. Fa un giro ne la nostra redassión e te vedarè che no schersémo. No savì quante personalità iè passà de qua e quanti studiosi i n'à dimandà aiuto par esami universitari. La riçerca no se ferma mai da 'ste parti e semo sempre pronti a dar 'na man a tuti 24 h su 24 compreso Nadàl! Se te vol contribuìr co' del materiàl, 'na poesia, un libro, 'na foto, varda la rubrica che fa par ti e spedissi 'na meil a la nostra Redassion
El Diretòr


(Foto:"El Diretòr" Andrea Toffaletti e la pinacoteca La RenArt)

Ricessión - Reception
Se scominçia da qua el nostro giro
imgGiusto par farse i oci, l'è giusto che quando un omo o una dona entra ne la nostra sede, possa catarse davanti a 'na bùtela e a un butèl a seconda dei gusti, pronti a indicarte 'ndoe nar. Quatro piani no iè pochi da giràr, un soriso e 'na ciàcola l'è sempre pronta. El clima l'è quèl in tuto el stabile, se sganàssa spesso e volentieri. Tanti butèi iè passà de qua par logo_camera2farse esperiensa lavorativa e capìr come funsiona una redassión. Tanti iè passà da questa porta e tanti iè deventà grandi giornalisti a livèl nassionàl. ogni tanto vién a catarne qualchedùn par dar el propio contributo, anca solo par ricèvar le telefonade e stàr insieme a veronesi pronti a contàr le propie storie. Ne la foto, un amiga che tempo fa l'è stà modela e miss, che prima de partìr l'è stà co' noantri. 'Desso fa la hostess su i aerei e ogni tanto la torna a farne compagnia co' una parlada anglo-veronese. Ma ghe volémo ben, porta folclòr e tanta alegria. Tra le varie esperiense, le interviste impossibili come quela al musicista Allevi, co' dimande in veronese e risposte in italiàn. Quanta zènte l'è passà da quela porta dal 1999. E ne par ieri.

(Foto:"Ricessión - Reception"

Reparto Uorcstéscion - Workstation
Tuti insieme sui compiuter sganassùndo
imgNel 1998 La Rena Domila podéa contàr su un reparto tenologico tra i più importanti nel veronese configurà par internet, L'inissio no l'è stà façile, pochi schèi, tanta passión e tuto co' le nostre forze. Semo partì co' la grafica e i montagi video par eventi a livèl amatoriàl co' l'idea de archiviàr tute le manifestassioni a Verona. Compiuter sempre piassè potenti par far nàssar Canàl Camussoni e I-Taia Uno, le camera1nostre tv in giro par Verona. Internet l'era a l'inissio e no l'era a gratis e te dovèi pagàr la conessión tra l'altro co' un modem a carbonela. Cossita el sito l'è stà impostà soratuto dal punto de vista grafico e dal primo de aprìl 1999 le prime pagine. Pc Windows, Linux e Macintosh la storia de la tenologia. Nel 2001 visto l'espansión del sito in giro par el mondo, s'à pensà che i colaboradori podesse laoràr da casa, come el tele-laòro. Cossita el logo de ritrovo par pochi l'è deventà globàl co' 25 dipendenti nel 2003 sensa busta paga. Dal 2006 la Rena Domila pol contàr su le divisioni: La Rena Digitàl, La Rena World Mondo, La Rena Italia. In quest'ultima catémo le varie aree tra cui quèla grafica, divulgassión, media e tecno co' el reparto Uorcstéscion. Dopo studi e progeti nel 2016 el novo sito par smartfon e tablet, ma la strada da far l'è ancora longa. Nel 2017 l'è previsto un investimento par i compiuter e video film no da poco. E tuto sensa sponsor e sensa guadagnàr schèi. 'Desso i "dipendenti" iè concentrà soratuto ne la sede de Verona, nel novo reparto creà grassie a un eredità de un veronese emigrà in Brasìl.

(Foto:"Reparto Uorcstéscion"

Biblioteca
I libri sul nostro teritorio ne la biblioteca
imgMa quanti libri dovèmo digitalisàr? Tanti e tanti e tanti ancora. I nostri dipendenti pol lésar uno dei tanti libri par scrrìvar al meio i propi articoli o par rispòndar a le meil de aiuto, sia a studenti che a persone amanti de le tradissioni. El piassè vecio l'è de fine '400 e te devi vérzarlo pianìn o te resta le pagine in man. Par questo l'è stà realisà un sistema de logo camera5digitalisassión importante par cavàr la carta, tegnèndo solo i libri de un çerto valòr e vendedndo el resto par tiràr su schèi e investìrli in altri libri. L'è tuto 'na rua che gira. In pratica tuti volontari par el ben comune e la salvaguardia storica che conserva questo paradiso. In totàl la biblioteca conserva più 1000 libri cartacei e oltre 600 digitalisadi. Se par caso qualcuno dei nostri dipendenti scoèrze notissie storiche interessanti le vién segnalà al nostro Diretòr che nel giro de mésa giornada pol fissàr una riunión straordinaria par capìr insieme co l'omo de le statistiche e de la strategia, se la segnalassión podarà deventàr una nòa rubrica del sito. La Biblioteca l'è importantissima

(Foto:"Biblioteca"

La Rena Digitàl
El reparto tenologico
imgAltro reparto importantissimo l'è quèl 'ndove se digitalisa i libri, passando da carta a formato digitàl. Qua la temperatura l'è costante sui 25°C co' un umidità massima del 55% in modo che i microorganismi no i possa magnàr i libri più antichi che qua i vién conservà e consultabili ne la biblioteca in formato pdf. In più la parte de l'archivio del sito l'è un logo camera6qualcosa de incredibile. Vién conservà i articoli dei vari giornali veronesi, in modo che, quando ghe da védar le promesse fate dai politici, savémo se l'è stà dita la verità. Oltre a questo, nemo a pescàr i eventi che'l nostro sito l'à organisà nel tempo e i nostri articoli o scup. In più la parte dedicà al montagio video e a Radio Scarpa co' la sala prove riservà al Diretòr par recitàr le so poesie, el tuto insonorisà. La luçe ne la stansa, come se vede ne la foto, l'è studià in modo de no sassinàr i libri e la vista dei nostri operatori durante le longhe ore de laòro.

(Foto:"Reparto Digitàl"


diretor
Intrà (Entry)


Staf Tenico
pointDiretor e Capo Redassion Andrea Toffaletti email
pointVice Diretor Stefano Toffaletti email
pointUebmaster & UebDesainer el primo de la lista email
pointFotografo e Pub. Relassioni el secondo de la lista
pointConsilieri e Publiche Relassioni Antonio e Giorgio Gioco
pointSegreteria Giuliana "Mama"
pointResp.Tenico Luciano "Ciano" Bupà
pointForum resp. Cav.Sebi

La Rena Mondo
pointLa Rena Domila World email

Colaboradori
pointColaboradori con pochi femo tanto, pochi ma boni

La Rena Digital
pointSistemi de archiviasion digital Andrea & Stefano

N.B. Sito gestido dal Diretor sensa scopo de lucro e con passion
> Le foto jè da considerarse puramente indicative <


radio scarpa
museo
Material inedito, storie, cartoline, poesie. Unico al mondo! >vai
menù
La Rena Menù
Se te vol tornàr al menù del sito in pochi secondi....