curvasup
rena
titoli

tarochi veronesi
carta
Tarochi Veronesi
Ogni giorno te pol colegarte in 'sta rubrica par scoerzar come sarà la to giornada. El risultado l'è veloçe, in direta, solo el tempo de caricamento de 'sta pagina! Varda chi a sanca (sinistra).... Grassie a un metodo sièntifico, studià fin dal '700 e rimodernà da La Rena Domila, el risultado el sarà sorprendente. Le carte jè 17 par el sempliçe motivo che 98 jè i Comuni Veronesi compresa Verona, quindi 98 = 9+8= 17. El 9 l'è un numaro dispari che secondo la numerologia setecentesca rapresenta el maligno o la negatività mentre l'8 essendo pari rapresenta la positività. Da la soma de 'sti du nùmari risulta 17 che solitamente i dise el porta sfiga, ma che inveçe l'è un numaro che nei Tarochi Veronesi svela el prossimo futuro. Su le carte gh'è rafigurà i simboli de la cultura, de la storia e de la tradission Veronese, da Cangrande a Bartoldo passando par el Monte Baldo, l'Adese e Santa Lussia. Un pochi de 'sti simboli che proponemo i era conossù 300 ani fa, veneradi dal pitòco e dal sior. Par conossar el significado de la carta lesi chi de soto:
Carte Significà
El Gobo Fortuna soratuto coi schèi
Giulieta e Romeo Incontri amorosi o vita de copia al mejo
San Zen Giornada tranquila e serena
Palasso Barbieri Promesse non mantegnù nei To confronti
o da parte Tua
El Campon 79 Bruta giornada, problemi da risòlvar
o che i stà par 'rivàr
El Papà del Gnoco Festa o sagra, se magna e se beve.
Un momento par non pensàr ai problemi
El Stadio Ciapa i risultadi come i vien, se te gh'e dei problemi pian pian i se risolverà. Se te ve a 'édar 'na partìa de balòn la to squadra no la vinse e/o al marcà del sabo i Rom i te ciava el tacuin.
L'Eremo dei Camaldolesi de Garda Smorsa el telefonin, staca el telefono, no vérzar la porta a nissuni, ogni tanto l'è belo farse i cassi propi
Cangrande Più combativo, no farTe pestàr in testa, buta el cor oltre l'ostacolo, te devi lotàr!
El Bartoldo Te risolvarè i problemi o un poche de situassioni strane, pensandoghe sora e usando la furbissia. No fidarTe de ci vol star col cul su du scragni
L'Adese No andar drio a la corente, a le persone o a un amigo fidà, pensa con la to testa, esprimi un parèr.
La Spluga de la Preta Te vol andàr in profondità ne le cose, çercàr a tuti i costi de risòlvar un problema tuo e/o dei altri o situassioni poco ciare.
El Monte Baldo Una persona fidà Te darà 'na man, dandoTe un senso de protessiòn e de stabilità che te mancava.
La Bassa La giornada la sarà come quela de tuti i giorni, piata, sensa grandi novità.
La Bissa
del Garda
Te gh'e da darTe da far, l'è ora de remàr, sensa star li con le mane in man con la speransa che ghe sia vento a to favòr.
Santa Lussia Te pol ricèvar un regal o una notissia che te farà contento o te farè un assiòn o un qualcosa da far feliçe una persona arente a Ti. Novità o sorprese le stà par 'rivàr.
L'Aeroporto V.Catullo Momento de relacs o de andàr in vacansa te si stressà.
^ torna su ^


zughi
tarochi
TAROCHI
VERONESI
el to futuro prossimo in un clic. Varda come sarà la to giornada con i tarochi
>vai
cruci
CRUCI
VERONA
el cruciverba preferì in léngua veronese. Varda le definissioni... >vai
tamara
EL LOTO
DE TAMARA
zuga al loto con i nùmari magici de la nostra Tamara l'Indiana da Aesa.... >vai
gobo
ENALOTO
COL GOBO
zuga i nùmari del Gobo de Santa 'Nastasia e..... >vai
canpionato
CANPIONATO
DIALETAL
varda el regolamento del mitico canpionato del mondo de le tradissioni veronesi >vai