Brindesi al Gnoco
Carnovale Veronese 1869

Veronesi, guardè el dotor Da - Vigo
primo campion del Gnoco e Vostro amigo,
ch' è come dir el gran papà dei mati,
de tuti i Macaroni e Sanzenati;
ai quai, per dar un dì senza balanza
e sensa schei da sgonfar su la panza,
otegnendo dirito a un monumento
con la so rispetabile figura,
l' ha credù de lassar in testamento
che sora un tavolon de piera dura,
in fin de Carneval cora i pitochi
senza passion a sgnocolar dei gnochi
caldi, caldi, fumanti, onti, bisonti
e senza che nissun ghe fassa i conti;
e perchè sia completa la cucagna
e per la voja che nissun se lagna
de farina, de pan, botier e vin,
formajo da gratar de quel più fin
l'ha volù far regal ala contrada
tanto che tuti sguassa, e che la vada.