curvasup
rena
titoli
museo del carnevale verona
El Cantòn del Berto - "Inno" al Papà del Gnoco
Composto nel 1927 da Berto Barbarani e da Gianni Monicelli, musicà a 4 voci dal M.o Carmelo Preite e cantà in Arena durante la cerimonia del'incoronassiòn.

Sona el Rengo! - El nostro canto
par l'Arena se despande.
e l'è questo un giorno grande
che in la Storia restarà...

Finalmente, o Papà Santo,
della piassa la Madona,
la se cava la corona
Te sì el Re de la cità!!!

T'eri morto par 'na finta
ma no mai par la to gente
che g'à el Baldo (e la lo sente)
e San Zen par protetor.

Anca st'ano l'emo vinta
col favor de bona stela
e de Marco Paparela
degno e forte batidor!

Ti vegnù da la contrada
che g'à el burcio come stema,
con la man che mai non trema
te dispensi vita e umor!

Lavandar de gran bugada
no te adopari malissia,
la passion te meti in lissia,
te resenti ogni color.

Gloria e gloria! In fin che negro
Bate el Rengo venerando
leva in segno de comando
el gran gnoco sul piron.

Alto el gnoco, forte e alegro
par che el diga a tuti quanti:
Veronesi - Forsa - Avanti!
sempre alegri e mai passion.




Poesia - La Cabala del Gnoco

Eco qua, mondo pitoco,
la gran cabala del gnoco!

Drita in mèso a la cusina,
co la càpola de gala,
me comare moscardina,
la se giusta la grembiala,
che bisogna celebrar
el gran Vendri gnocolar...!

Come capita el bon estro,
co ‘na ociada da maestro,
la marida a poco a poco,
la farina a la patata
e da forte inamorata,
la manipola el paston...!

Che el marcia in bigoli
longhi e sutili
ben tenerini,
come che va...

E ogni tanto ‘na bela infarinà...!

Fin, che via i rùgola,
tochi e tocheti,
oh che tocheti,
che nassarà...!

E ogni tanto ‘na bela infarinà...!

E ti lavora,
gratacasola,
daghe el miracolo
de la parola;
faghe i so brufoli
a fior de pansa,
che in esultansa i ridarà...

E ogni tanto ‘na bela infarinà...!

Desteso in rango
su la tovaia,
sto fido popolo,
che mai no sbaia,

che a mesogiorno
sfida el canon;

sereno intrepido 
chieto onfà l’oio,
che speta el boio
del caldieron...!

E ti lavora,
gratacasola,
daghe el miracolo
de la parola;
Grata el formaio,
sensa creansa,
che el se ghe intrufola,
drento la pansa...

E ti destrighete
butier balosso:
spiuma, desfrìsete,
sàltaghe adosso...

Pronti, el risponde
rosso brusà:

Zzzz...zzzz che el sìsola...
Gnochi, son qua!
cartolina baccanal
BERTO BARBARANI
Inno al Papà del Gnoco e la Poesia "La Cabala del Gnoco" del poeta Berto Barbarani vai
DAL 1650 AL 2000
La storia del carneal e de la çità de Verona dal 1650 al 2000 vai
COME FAR I GNOCHI
Léngua Macaronica de Francesco Dionisi del 1740. "Pro Venerdie Gnoccolario"vai
PAPA' DEL GNOCO
Le curiosità sul Papà del Gnoco. Come l'è vestì el Sire del Carneàl de Verona? vai
LE CORSE DEL PALIO
Cosa liga el Palio decantà da Dante Alighieri al Carnevàl Veronese vai
EL BOGÒN
La sfilata carnevalesca de Piassa dei Signori in onòr del Podestà vai
MUSEO CARNEÀL
Cartoline storiche e documenti dal 1600 vai