curvasup
rena
titoli
museo del carnevale verona
Riçeta de Francesco Dionisi del 1740 par far i gnochi
In léngua Macaronica, missioto de latìn e volgàr veronese.
Pochi i sà che a Verona gh'è un grandissimo archivio de latino-macheronico, un missiòto de latìn e volgàr veronese. Eco come cusinàr i gnochi secondo F.Dionisi nel 1740 

Optima de mostris nascuntur multa cosinis,
Sed quae se Gnocchis postulet esse parem?

Tanta roba da magnàr nasse da le nostre cusine,
ma qual la merita de èssar paragonà al gnoco?

Omnigenos siquidem farsitos, atque bodinis / Hunc Antenates nostri travavere piattum,/ Hunc conservabit sedula posteiritas./  Qui fandi Gnoccos bramasset habere ricettam, / En Verona docet bravior Hippocrate; / Ante tamisatae sex libras sume farinae, / et misce quantum sit satis intus aquae; / Totum impastetur, grandis pyrolona fiatur, / Inque quater centum divide particulas; / Has sfregolando super digito cum pollice, rizzas / Roversis faciat gratacasola busis; / Comque parechiatus steterit parollus ad ignem, / Extemplo in calida praecipitentur aqua; / Quae postquam mediam ad summum bolliverit horam, / Gnocca procul dubio cocta, stracota dabit, / Ne perdas igitur temps, sbosoque manestro / Collige; dum fumant, dumque bazota tremant, / Grattati libram casei, librasque botèri / Adde duas; nec quod sint nimis uncta time; / Gnocca debent etenim cunzari semper abunde, / Ut per gargatum plu molesina fluant. / Composita est pietanza magis bona nectare divum /  Felix, si totam solus habere potes!

La famèia dei gnochi l'è più importante de quela de torte e budini. Un piato inventà dai nostri vèci, conservà da le nove generassioni. Ci vol la riçeta par far i gnochi, Verona pol insegnarghelo mejo de Ipocrate. Bisòn ciapàr siè "libre" de farina ben tamisà, roersàndoghe drento aqua, quel che serve; impastàr el tuto e fato un gran bigolo, dividerla in quatrosento parti; se sfrega el deolòn sui gnochi, che i se inrissola su la gratacasòla roersàda o dai busi roèrsi. Quando el paròl el sarà sul fogo, se buta drento i gnochi ne l'aqua calda e dopo el bojo de mes'ora i sarà ben coti. Col manestro sbusà te devi pescarli che i fuma e jè drio tremàr. Te devi zontàr 'na libra de formajo gratà e do de botiér e no 'verghe paura se jè massa onti; i gnochi i deve èssar ben consà fin a quando no jè bei morbidi e i va zò par el gargàto. Una pietansa divina. Feliçe, se te pol 'verghela tuta par ti!
El vènardi gnocolàr

La storia in cùsina

Ne l'ultimo vènardi de carnevàl la nostra çità l'à celebrà la "Funzione dei Gnochi" o "Festa de la Bondànsa". Un tempo l'era ciamà Vènardi Casolàr da "caseus" come dito dal podestà Barberigo a la fine del '500. I gnochi un tempo i era impastà co' sola aqua e farina come i "gnochi sbatùi de malga" e ciamà "Macaròni". Solo nel '700 gh'èmo l'introdussión de la patata in cusìna grassie a un cogo francese.

I gnochi in cusina
Secondo la tradissión veronese, in faméia o nei ristoranti se magna i gnochi el vènardi gnocolàr,  consà co': 1) botiér desfà e formàio parmigiàn 2) co' sugo de pomodoro e formàio parmigiàn 3) Gorgonsola desfà 4) Pastissada de cavàl par I veronesi D.O.C. 5) Pastissada de musso par i Sanzenàti D.O.C. 6) Sùcaro e canèla ne la Bassa Veronese al confine co' Padòa. 

cartolina baccanal
COME FAR I GNOCHI
Léngua Macaronica de Francesco Dionisi del 1740. "Pro Venerdie Gnoccolario"vai
DAL 1650 AL 2000
La storia del carneàl e de la çità de Verona dal 1650 al 2000 vai
PAPA' DEL GNOCO
Le curiosità sul Papà del Gnoco. Come l'è vestì el Sire del Carneàl de Verona? vai
LE CORSE DEL PALIO
Cosa liga el Palio decantà da Dante Alighieri al Carneàl Veronese vai
BERTO BARBARANI
Inno al Papà del Gnoco e la Poesia "La Cabala del Gnoco" del poeta Berto Barbarani vai
EL BOGÒN
La sfilata carnevalesca de Piassa dei Signori in onòr del Podestà vai
MUSEO CARNEÀL
Cartoline storiche e documenti dal 1600 vai