www.larenadomila.it - Museo Berto Barbarani

El Poeta Barbarani

Nome: Roberto Tiberio
Soranome: Berto
nato: a Verona 3/12/1872
Via Ponte Novo n°5 (ora 10)
+27/01/1945

Berto da buteleto: La scola

I fioi de Bortolo viste le condissioni economiche modeste, i vien mandà nel Colegio Vescovil e col tempo i va a studiar al Ginasio Liceo Maffei.

Con la morte de so bupà nel 1883, Berto l'è stà costreto a lassar el Liceo par darghe la possibilità a Vitorio de seitar coi studi in maniera completa.

Nel 1889 la licensa Liceal par Berto dopo aver studià privatamente con Renato Simoni a Vila San Leonardo del Sindaco-Avocato Augusto Caperle.

Curiosità

Prima poesia publicà: Berto el vien convinto dai amiçi a far publicar "Letara a Nina" sul giornal "Can da la Scala" nel 1892 / firma Barbi-cane.

Opere

Prima racolta de poesie: Publicà nel 1895 "El Rosario del Cor".

Seconda racolta: Grande sucesso con "I Pitochi" nel 1897 con la prima declamassion de Berto a Zevio nel 1898.

Publicà el Canzoniere Veronese e 'l poemeto "El Campanar de Avesa" nel 1900.

Consacrassion de Berto Barbarani con el poemeto "Giulieta e Romeo" nel 1905 tanto da essar ciamà "El Poeta de Verona".

Altro sucesso con la publicassion del Nuovo Canzoniere Veronese nel 1911.

Prima publicassion del volume "l Due Canzonieri" nel 1916.

Vien publicà nel 1922 el 3° Canzoniere Veronese "I Sogni".

Publicassion fora comercio in poche copie de l'edission In Val Polesela nel 1925.

Publicassion fora comercio in poche copie de la racolta Matinade nel 1934.

Vien publicà nel 1936 el 4° Cansonier "L'Autuno del Poeta"

Publicassion definitiva del poemeto Giulieta e Romeo nel 1941.

Publicassion de la racolta de prose "Bozzetti e fantasie - Natale e la neve" nel 1942 a cura de l'amigo Ferruccio Albarelli che sarà el paron de le opere de Berto a la so scomparsa.

Fondazione Berto Barbarani

El 24 diçembre 1939 vien inaugurà el Vilajo Dall'Oca Bianca onorando el famoso pitor. El giorno dopo in Prefetura, jè rivà dei schei dei simpatisanti de Berto. A la Cassa de Risparmio vien deposità 1.200.000 lire e costitutì nel 1942 la "Fondazione" con l'intento de costruir un Istituto par l'educassion e l'istrussion professional dei buteleti pitochi de la çità e de la Provinçia de Verona.

Un saludo

Ci vol saludar Berto el pol passar arente a Piassa Erbe tacà a l'inissio de Via Noa, e metarghe un fior ai piè de la statua in bronso posissionà nel 2004.

In Piassa Pozza tacà a San Zen gh'è un bel busto in so onor.

Al' Ingenio Claris te pol catarlo tacà al so amigo Angelo Dall'Oca Bianca

Fameja

Bupà: Bortolo +1883
Mare: Anita Poggiani +1909
Fradel: Vitorio +1917
Sorela: Maria

El bupà Bortolo el g'avea 'na botega de feramenta tacà a casa. Vitorio l'è deventà dotor (a Dolçè) come so zio Gioani. De Maria savemo che l'è stà ricoverà par esaurimento.

I neodi: Elda l'è restà tacà al leto de l'ospedal fin a l'ultimo respiro de Berto, mentre Bertino l'è morto sul Fronte Russo.

Laoro

Grassie a Renato Simoni che ghe laorava da tempo, Berto finì i studi liceali el vien assunto al quotidian democratico L'Adese nel 1895 'ndoe conosse Angelo Dall'Oca Bianca.

Nel 1902 vien assunto al quotidian "Il Gazzettino" colaborando fin al 1932 Berto oltre a scrivar le so poesie el g'avea colaborassioni con giornali e riviste regionali e nassionali.

I primi sucessi

El 26 genàr 1900 el lese le so poesie a Milàn presso "La Famiglia Artistica" con gran sucesso 'ndoe conosse numarosi artisti, tuta la stampa ghe ne parlava.

Con Crespi, e soratuto Testoni e Trilussa scomincia a girar le çità italiane in longo e in largo con gran sodisfassion del publico.

Festegiamenti del 1921

Dominica 18 diçembre 1921 al Teatro Filarmonico festegiamenti par el 40° aniversario del primo sucesso de Angelo Dall'Oca Bianca a "l'Esposizione" de Milàn e par l'arivo del 25° de la publicassion de Berto "I Pitochi". Discorso celebrativo de Renato Simoni e letura del testo de congratulasioni spedì da Gabriele D'Annunzio.

Berto e Arnoldo Mondadori

El 30 setembre 1921 Trilussa l'è rivà a Verona con Arnoldo Mondadori par farghe conossar Berto.

El 5 otobre la firma ufisial del contrato e la stampa nel stabilimento Apollonio del Terzo Canzoniere Veronese.

Berto se sposa

Gnanca ai so amiçi ghe parea vera, che "el scapolon" el se sposasse. Nel 1927 sposa Anita (Ana) Turrini (+1944) che g'avea 'na botega de zugatoli, conossù durante le so leture a Cremona.

Nissuni a parte i du testimoni savea del matrimonio ne la sala muniçipal de la çità lombarda. Du mesi dopo Don Bassi el celebra el matrimonio de Anita (Ana) e Berto ne la çèsa de Santa 'Nastasia.

El Ministero

Par l'interessamento de le Autorità e de amiçi, el Ministero de la Cultura Popolàr ghe conferisse "Honoris Causa" una pension de 2.000 lire al mese a partir dal genàr 1940.

Ciao Berto

Dopo essar sfolà a Soave con so mojer a causa de la IIa guera mondial, Berto l'è tornà a Verona dopo la morte de Anita/Ana (31 otobre 1944) ne la so casa de via Pigna.

El 4 genàr 1945 dopo el disastroso bombardamento el s'à malà. Portà in ospedal nel studio del professor G.Cevolotto, dopo numarose cure el n'à lassà el giorno 27 genàr.

^ torna su ^