Dimande & Risposte 1° TURNO
in rosso le risposte esate - no jè presenti le dimande foto e i cruci.

Dimande Storiche de Verona
punti 3
1-Come se ciamàelo Castelvecio prima che vegnesse i Visconti a Verona? a) Castel de San Martin in aquaro b) Castel de S.Giorgio c) Castel de S.Zen d) Castel de S.Bernardin

....." Castel de San Martin: le sta cotruio dai scaligeri e par la precisiona da Cangrande II tra el 1351 e el 1354. Sucesivamente con l'arivo dei visconti, par la precision de Gian Galeazzo, la prima preocupasion l'è sta quela de raforsar le difese, completando el castel de San Martin e scumisiando el castel de San Felice, deto anca Castel Novo, par cui par la tradision popolare quel de San Martin l'è diventà Castelvecio" ......I MAGNARONI

punti 5
2-Ci elo stà el primo Vescovo de Verona?
a) Zeno b) Euprepio c) Procolo d) Annone e) Raterio

......"El primo Vescovo de Verona l'è sta San Euprepio (236-250), che l'era uno greco si insoma uno del'Hellas. La tradission la dise ch'el sia sta mandà diretamente da San Piero ad evangelisar Verona, in più sto qua par ch'el fusse anca uno dei 72 primi discepoli de Gesù, insoma uno importante. La verità l'è ch'el Papa ch'el l'à manda qua l'era S Fabiano. Le spoje de San Euprepio ià fato un viageto fra la ciesa de San Procolo dove i'era originariamente e la basilica de San Zen nel 1806 e dal 1988 iè tornade, speremo definitivamente a la ciesa de San Procolo. San Procolo (260-304) l'è sta el 4° vescovo veronese, quel simpaticon de San Zen(one) (362-372 o 380) ch'el continua a sganassar l'è sta l'8°, S.Annone e Raterio invesse iè freschi freschi S.Annone (750-780) l'è sta el 43° e Raterio (932-968), che par nol fusse gnanca santo, l'è sta el 55° dei 139 vescovi che gh'emo avù finora." ......RH BARDOLINO POSITIVO

Dimande Storiche Provincia Veronese
punti 3
3-Cosa ghe rafigurà nel stema del Comun de Vigasi?
a) un castel b) 'na rava e un pesse c) 'na piantesela de riso e un pesse
d) 'na rava e 'n gambaro (presente nela rubrica "Provincia In")
e) ''na rama de olivo

......."'na rava e 'n gambaro. I simboli delo stema comunal de Vigasi iè ‘na rava e ‘n gambaro e i deriva dala puressa dele acque del Tartato che, ani fa, podèa dar molta pescosità de gambareti de fiume, che i vive solo in acque purisime (infati adeso no ghi n’è più!). Par le rave, l’era ‘na coltivasion molto difusa in pasato".....
I TACA BRIEGEL

punti 3
4-El nome del paese Soave el deriva da:
a) dal latin "suavis" b) dala dinastia dei Svevi c) dal vin bon d) dal clima mite e) dala belessa de Giulièta Capuleti

"El nome soave l’è cità sin dal 568 (a darghe el nome iè stadi i svevi o suavi), ma tanti poeti i gà ricamà sora “quando il fiero ghibellino sorsegiò il nostro vino disse allor in tono grave questo è un nettare soavve e soave ancor la vigna e la terra dove alligna” fasendo si che fosse stado Dante a darghe el nome al paese"....
I TRI DOTORI
......."dala dinastia dei Svevi (ANTICAMENTE CIAMADI SOAVI PERCHE’ PROVENIENTI DALLA SVEVIA O SOAVIA O SUAVIA FONDARONO LA CITTADINA IN EPOCA LONGOBARDA NEL 500 D.C.".....la stessa risposta par 5 squadre

Dimande Dialetali
punti 5
5-Sa vol dir "verghe on roscoff" ?
a) verghe un fusìl b) verghe un orolojo da scarsèla c) verghe un bruto mal d) verghe un baìl

....."El roscoff l’era na marca de orologi da taschin abastansa difusa in tuta italia nel primo otoçento...." I TRI DOTORI
....."Verghe on roscoff vol dir verghe uno de quei bei oroloj da scarsela da siori, con la cadena d'oro che va da na parte a l'altra del pancioto e con la cassa che se verze e che fa vedar tute le medaje d'oro vinte a le esposisioni 'ternassionali"....
RH BARDOLINO POSITIVO
....."dorea essar un orolojo da scarsela, e la definission la deriva dal mecanismo de carica, l'è el nome de un ingranagio. I dise anca che la sia na marca de 'n orolojo russo" ......I MAGNARONI

punti 3
6-A ci se dise "malmostoso" ?
a) a un ladro b) a na persona scontrosa c) a na persona furba d) a na persona schersosa

......."l'è uno scontroso, sgarbà, che se uno el ghe fa nà caressa o ghe mostra un po' d'amor par ch'el ghe fassa un dispeto"......
RH BARDOLINO POSITIVO

punti 3
7-Sa vol dir soasa a Verona?
a) granàr b) suòcera c) cornisa d) tipo de sisora

...."l'è na cornisa. In termine figuraDo uno da metar o da non metar in Soasa l'è uno da tegnar o manco in considerasion, uno importante o no insoma. Usato ironicamente el sostituisse farghe le corna .... "la l'à messo in soasa" vol dir "la ga fato le corna"....
RH BARDOLINO POSITIVO

punti 3
8-Quali fra questi no l'è un mestier?
a) marangon (FALEGNAME) b) becàr (MACELAIO) c) ofelìn (PASTICER) d) parolòto (STAGNAR) e) lumeta LUMICINO
EL CAVAL DE GONELA


Dimande & Risposte 2° TURNO

Dimande Storiche de Verona
punti 3
1-La "Casa d'i Puòti", l'è un palasso dove ghe ai do lati del portàl d'ingresso 4 figure col turbante. Qual' elo el nome del Palasso e in che via se catelo?
a) Palasso Tebaldi in via Emilei b) Palasso Turchi in via S.Cosimo c) Palasso Aleardi in via Duomo d) Palasso Canossa in Corso Cavour

Nel 1571 el cavalier Pio Turchi (o Turco), avocato e proveditor del comune de Verona in quei ani, l'erà andà a Venessia con la delegassion citadina par complimentarse col doge Marco da Ponte par la vitoria de le armate cristiane, e venessiane in particolar, contro i turchi a Lepanto el 7 otobre 1571. De ritorno da Venessia, colpito dale feste fate e proprio par ricordar la vitoria di Lepanto, el decide de far costruir, o mejo dotar de na nova faciada, el Palasso de fameja acquistà circa nel 1440 dai so antenadi in Contrada S.Andrea (l'atual via S.Cosimo) metendo ai do lati del portal do copie de schiavi turchi con turbante o come i disea in quei tempi "alcune figure grandi di preda del paese, vestite alla persiana in forza de' schiavi" o come si dese adesso "i puoti". El belo l'è sta che i veronesi a prima vista no jè sta tanto contenti visto che poco dopo la fine dei laori (1579), o forse adirittura durante, qualcun el ga cavà de note la testa a tute 4 le statue e el l'à portade in Piassa Erbe par metarle dove gh'era la Berlina. Comunque dopo i l'a ritacade e iè ancora lì. Bardolino RH +

punti 5
2-Ando elo stà copà Berengario 1° Re d'Italia? a) nel "Palatium" vissin a Borgo Tascherio b) nela Cesa de Santa Libara c) nela Cesa de San Piero in Castel d) in riva al'Adese, vissin al Ponte Piera

Berengario, Marchese del Friuli, el deventa Re d'Italia nel 888 quando dopo la deposision de Carlo el Grosso (887) le tre regioni principali dell'Impero Carolingio -Italia, Francia e Germania - iè deventade 3 regni. Berengario subito tacado da altri nobili che vol el so posto el cata in Verona rifugio e difesa ma nel 900 el vien sconfito da Lodovico III, re de Borgogna, che l'era sceso in Italia ciamà dai vassalli ribelli e ostili a Berengario. Berengario dopo n'ennesima sconfita alcuni ani più tardi l'è costreto a scapar in Baviera e Lodovico, deventà re e Imperatore, el se stabilsse a Verona nel Castel de Teodorico. La lota tra i du la ga fine nel 905 quando Berengario, favorì da l'ostilità dei veronesi verso el novo re, el torna, l'entra de note nel Palasso e sorprende Lodovico, el ghe cava i oci e el lo rimanda a casa sua. Berengario el 7/4/924 el vien copà a tradimento nela, o davanti, Cesa de San Piero in Castel da Flamberto (dove l'era solito andar a pregar), che l'era anca un so parente e come tuti i parenti el gavea fato anca dei favori. Bardolino RH +

Dimande Storiche Provincia Veronese
punti 5
3-In che ano la Republica de Venessia l'à costruido a Negrar davanti ala Cesa, la colona col Leon de San Marco, come autorisassion a tegnar el marcà setimanal? a) 1574 b) 1601 c) 1684 d) 1699 e) 1791

Nel 1780 la Republica de Venessia, forse anca soto la spinta dei tedeschi che jera riconoscenti a Negrar parchè nel 1746 la popolassion l'avea favorido le loro armate dandoghe 9 cari de paja, la riconosse a Negrar el dirito de tegnar un marcà setimanale "di soli animali". Dirito che però efetivamente el taca a essar esercità dal 1791. In quel'ano la Serenissima la fa costruir davanti a la Cesa na colona col Leon alato proprio par darghe uficialità a l'autorisassion.
Bardolino RH +
Sula colona de Negrar ghe segnado:
-1781: el dirito de tegnar un marcà setimanale "di soli animali".
-1791: Serenissima la fa costruir davanti a la Cesa na colona col Leon alato proprio par darghe uficialità a l'autorisassion.
Nel 1870 l'e' stada rimessa in pie' grassie ai schei dei abitanti de Negrar

punti 7 (bisogna indoinar 2 dimande su 2 par ciapàr tuti i punti, altrimenti non se ciapa gnente)
4a-A Peschiera del Garda, par entrar in paese, ghe du' porte. Ci elo stà a farle ?
a) Sanmicheli b) Fraccaroli c) Giolfino d) G.M.Falconetto
4b-Come se ciamele?
a) Porta Leona e Porta Verona b) Porta del Dazio e Porta Verona c) Porta Brescia e Porta Verona d) Porta Brescia e Porta della Rocca e) Porta Verona e Porta della Rocca

Nel 1551 e nel 1553-1554 Michele Sanmicheli el progetta a Peschiera do porte la prima dal lato verso Brescia, "Porta Brescia", che adesso la se apogia al lato occidental de la fortessa austrica e dove se vede ancora i settecenteschi Bastion Fortin e Bastion Tognon e l'altra verso Verona, "Porta Verona", a la facia de la fantasia, che ai giorni nostri la se ragiunge pasando el ponte sul Mincio e l'Arsenal. Bardolino RH +
Le porte i è Porta Verona e Porta Brescia e i è ste fate dal Sanmicheli (soto la direzion de Michele Sanmicheli è sta costruia la grande forteza pentagonal,è sta fato i terapieni atorno ale mura vecie e l'è stà verta Porta Verona che la sà zontà ala Porta Brescia che l'era sta verta nel secolo precedente).
Quei del Paesin.....

Dimande Dialetali
punti 5
5-L'espression "mètar l'endegaro nel coato", cosa vol dir?
a) metar n'ovo nel nìo dele galine b) metar el fièn nel luamàr c) metar la legna sul fogolàr

Quando nel'economia contadina far el "pulinarol" ambulante l'era uno dei mestieri più reditissi, par evitar che la galina l'andasse a far l'ovo dove la volea ("la galina l'e stupida , la perde anca l'ovo") la braa dona de casa la ghe metea "l'endegaro nel coato" cioè la ghe metea nel nio na specie de "invito" che l'era un ovo, o un sasso che sembrasse un ovo, che ghe ricordava a la galina dove andar a depor. Bardolino RH +

punti 5
6-A ci se dise la frase "te si na sirambola"?
a) a na buteleta smonà b) a na dona grassa c) a na persona che la fa del mal d) a un buteleto che'l spaca la roba

Te si na sirambola" se lo dise a na buteleta smonà, specialmente ne l'età de la pre adolesensa, quando "l'è sul vegner". Dito in bon dialeto quando "l'è tra el duro e el molo" proprio come la carne sirambola che non se riesse a mastegarla. El termine par ch'el deriva da due termini greci: Siraion che vol dir sugo e Amblis che vol dire senza energie. Praticamente un sugo che non sa da gnente, fiacco. A volte l'è usà anca par dir che una l'è ottusa.Bardolino RH + ...Par ci vol aprofondir: in alcune parte dela provincia Sirambola vol dir Salamandra.

punti 3 - 2 risposte possibili
7-Quali tra questi l'è un tipo de usèl?
a) slusìrol qua te parti de la provincia anca un buteleto ch'el vien su maladin, insoma uno come na luciola flebilin flebilin.
b) scorsòn l'è un tipo de usel nele zone d'aqua come el Lago de Garda, un bisso veloce dala Lessinia al Viçentino e un porco zoeno a Negrar
c) scroa l'è la la scrofa
d) sigarol El Tordo Sassello

punti 5
8-Quale fra queste parole no lè un zugo de na olta?
a) s-ciocaròl Lancio de baratoli mediante esplosion de carburo b) scondilèoro Rimpiatino c) l'orbesìn Moscacieca d) paiòla Forfora


Dimande & Risposte PLEI-OF

Dimande Storiche de Verona
punti 5
1-Quale piassa fasea parte nel '400 dela contrada Ferraboi?
a) Piassa Dòmo b) Piassa Citadela c) Piassa Bra d) Piassa San Zen

Fin dal XII° secolo Verona l'è sempre stada divisa in contrade anche se dopo una prima division in 8 contrade el numero l'è sempre più andà aumentando. Fonti certe ghe n'è comunque molto poche. Generalmente, specialmente dal 1500 in su, le contrade iera poco più che de le parochie visto che anca nei nomi le ricordava la ciesa de riferimeto (S. Agnese, Braida, S.Martino, S.Zeno Oratorio, , ecc.) e che adiritura a volte nei anni de la loro massima proliferasion na strada l'era divisa con i numeri pari in una contrada e quei dispari in un'altra. Una de quele che le gavea un nome,disemo così, "laico" l'era la Contrada Feraboi. El so nome alcuni i le fa risalir al Foro Boario o mejo alla Fiera dei bo ( Fera Boum) anca parchè in Bra nei tempi antichi gh'era un bel marca dei bovini. Altri invece i ritien ch'el nome ed dipenda da quei che i'esercitava el mestier de ferar i bo e che i dovea essar tanti in quela contrada dove gh'era el "foro boario". La contrada la se estendea, almanco nel 1500 e passa, tra Piassa Bra, via Carlo Cattaneo e i rispettivi tratti de Via Roma e Scalette Rubiani. La contrada la appartenea a la Parochia de S.Donato alla Colomba, ciesa soppressa nel 1806 e demolia nel 1837 par far un albergo.
RH BARDOLINO +
La contrada Ferraboi la ndasea tra Piassa Bra (sensa parò la parte de S.Agnese) e via Cattaneo (na olta via Colomba) con i tochi de via Roma e Scalette Rubiani (che però le fasea parte del Falsorgo). El nome el deriva da fera boum (mercà di boi). Nela contrada gh’era la cesa S. donato ala Colomba (che l’è stada tirada so per far posto al’albergo)
I TRI DOTORI

punti 7
2- Nel 1802 la parte dela çità governada dai Francesi l'era divisa in rioni con relativi çircondari. La contrada de San Zen, de qual circondario faséela parte?
a) dela Fratelansa b) dela Libertà c) del' Ugualiansa d) del' Uniòn e) dela Forsa f) dela Pace

Nel Febbraio 1801 a seguito del "trattato di Luneville" tra Austria e Francia, Verona la vien divisa in do e la linea de confine fra la repubblica Cisalpina francese e la parte austriaca la deventa el corso de l'Adese. La republica Cisalpina a destra e l'Austria a sinistra. Ma mentre in Veronetta, così la vien ciamada la parte austriaca, non cambia gnente nella numerasion de le case ne la parte Francese gh'è stà una mutasion radical. El 1/1/1802 sparisse i rioni e i cantoni precedenti e la cità la vien divisa in 2 grandi rioni e ognuno de questi in 3 circondari. Nel 1° rion gh'era el 1° circondario ch'el se ciamava de la Fratelansa che comprendea Ponte Piera, S.Eufemia, S.Giovanni in foro ecc., el 2° el se ciamava de la Libertà e el compredea S. Matteo, S. Maria Antica, el 3° e ultimo del 1° rion l'era el circondario de l'Ugualiansa ch'el comprendea S.Fermo, S.Andrea, S.Piero Incarnario, S. Nicolò. El 2° rion el cominciava col 4° circondario, quelo de l'Union, con le vecie contrade S.Croce, S.Agnese, Braida e Falsorgo. El 5° l'era el circondario de la Forsa con la ex contrada Ferraboi (sempre ela), S.Silvestro, Ognissanti, S. Martino in Aquaro. L ultimo, ma quel che n'interessa de più, l'era el Circondario de la Pace e el comprendea le vecie contrade Beverara. S.Zen Oratorio e S.Zen Superiore.
RH BARDOLINO +
el sesto circondario dela Pace el comprendea (fasendo riferimento ale contrade del secondo rione le contrade Beverara, S. Zeno in Oratorio e S. Zeno. Gh’è da dir che sto sistema el gh’avea numeri de casa enorme fin anca al 5623 infati l’a resistido poco: dopo s’è deciso de dar ad ogni strada un nome pitura sui muri ai cantoni. Solo verso la fine del’800 con l’anesion al regno d’Italia s’è deciso de meter el nome de Via (e non pi strada) su una lastra de marmo e el numero civico scrito en blu su matonele de maiolica bianca (come gh’è adeso)..
I TRI DOTORI

Dimande Storiche Provincia Veronese
punti 5
3-Come se ciamàelo el vecio castel de San Piero Incarian del 1106 ?a) Castrum b) Semonte c) Saibante d) Rotario e) San Piero

El vecio castel de S.Piero Incarian, o de Castelroto, ch'el domina l'imboco de la Valpolesela, sembra el sia sta costruì dal re longobardo Rotario, o Rotari, nei primi ani del VII secolo d.C. su un antico "castrum" romano e che ne la so quiete l'abia anca pensà a la stesura del so editto che l'è sta a la base de la legislassion Longobarda (643). Lo storico Scolari el scrive: "Nel 1106 questo castello chiamavasi ROTARIO, ritenendosi che venisse fabbricato da Rotario, Settimo re dei Longobardi, ma lo si chiamò anche Castel Rupto il che non impedisce che sia stato chiamato <Castrum Rotharii> "El castel el fu asedià varie olte, una de le tante el se arese a le trupe dei Carrara dopo lungo assedio e dopo essar sta riconqistà da Francesco Gonzaga el fu incendià par impedir che i padoani i ve trovasse rifugio (1405) Da alora del Castel ghe resta poco gnente tanto che Zambusi Dal Lago nel so libro "Storia di alcuni paesi e castelli della provincia veronese" del 1886 così el le descrive: "Del castello non ci rimane che la cinta esterna, le cui mura hanno forse la grossezza di due metri e poco si sollevano dal suolo. Entro la cinta vi è una cisterna quadra che circonda un muro di antica fattura che ne fa intuire l'antico splendore ..... "
RH BARDOLINO +
a S. Piero incarian nel 1100 gh’era El castel “Castrum” Rotarii.. (Dal nome del 7° re longobardo).. se dise che in valpolicela ghe ne fuse pi 200 de castei e de questo che gh’a dato el nome al borgo de castelrotto de S. Piero Incarian adeso ghè resta un toco de mura de cinta e pochi altri ruderi.
I TRI DOTORI

punti 7
4-Fin poco tenpo fa', un paese dela provinçia de Verona el vegnea ciamà Càpavo, come se ciàmelo adesso?
a) Rosegafero b) Bure c) Sorgà d) Zimela e) Torbe

Capavo l'è l'antico nome de Torbe. Fra l'altro proprio a Capavo gh'era la prima cava de piera mensionà ne la storia de la lessinia e la risal al 1204 quando:Armenardino e Zugno de Capavo sono in lite "de quadam prerra et nemus". RH BARDOLINO +

Dimande Dialetali
punti 5
5-Quali fra queste parole no l'è un tipo de terèn?
a) piatéra=Piattaia, rastrelliera per piatti
b) saonela=Teren contenente scaje di silice
c) tònega=Tera argillosa compatta
d) sboldrà=Tera sabbiosa de scarsa tenuta.
e) biancàr=Tera calcarea de color biancaisso

punti 5
6-Quali fra queste parole no l'è un problema de salute ?
a) boiàna=rantolo di catarro b) fèrsa=morbil c) dermàna=sorela d) maruèle=moroidi e) scaisàra=Lombagine

punti 5
7-Quali fra queste parole no l'è una parte del corpo umàn?a) nosèla=rotula e anca la parte tonda final de l'osso b) pùpola=polpacio
c) palòta=scapola d) coirola=atresso che serve par stacar i fruti dai albari. e) grépa=cranio

punti 5
8-Indoinel: Peloso de drento, peloso de fòra, also la gamba, el tiro fora.....sa l'è?
Risposta libara: El Calseto, Calseton de lana, doposci mammuth....