Dimande & Risposte 1° TURNO
in rosso le risposte esate - no jè presenti le dimande foto e i cruci.

Dimande Storiche
punti 3
1-Come se ciamàela prima del 1890 via Cairoli? Via Galina b-Via Galeto c-Via Pulsin d-Via de le Vache

..."Durante el consilio Comunal de Verona del 28/2/1890 el cavalier Giacomo Peroni l'à proposto de dedicar l'alora Via Galina, dal'insegna dell'ostaria "la Galina sul Portel" che ghera ne le visinanse o forse dal nome de la fameja Galina, a la fameja de eroi del Risorgimento Cairoli e più precisamente a Benedetto Cairoli che el 15/5/1887 l'era vegnudo ad inaugurar el monumento a Garibaldi lì visin e che con el so discorso l'avea entusiasmà i veronesi. Nonostante el parer contario de parte del conilio che non volea perdar un nome così radicato ne la tradision anche se de origine incerta el Consilio Comunal ne la seduta del 3/4/1890 el decide de cambiar el nome. Fra l'altro risulta che in secoli precedenti l'atuale via Cairoli la risultasse ciamarse "via al Portelo" come risulta da una pianta del 1628 o "via Portelli" come indicà nei Statuti Veronesi del 1450. Questo faria pensare che l'origine vera della via Galina la sia proprio quela che fa riferimento a l'ostaria"... Rh Bardolino +

punti 5
2-'Ndoe l'imperador Federico I° Barbarossa, l'è stà sconfito dal Comune de Verona in bataja?
a-cologna veneta b-Legnago c-tressolan d- bovolon e-peschiera

punti 5
3-In che ano in contrada Madona de Erbè, ià costruido l'Oratorio dela Madona del Carmine?
a-1721 b-1731 c-1741 d-1751

...."La prima piera l'è sta posta el 20 otobre del 1721, dopo che ‘n' imagine dela Madona del Carmine piturà su ‘na casa del paese de Erbè la fusse diventà famosa par far ‘na serie de prodigiosi miracoli. Esendo proprietari dela casa i monaci de San Zenon de Verona, i decise de costruir un santuario, che el fu benedìo l'8 setembre del 1723. Le campane che ghè sul campanil le se ciama Maria (par la Madona) e Zenona (par sanZen)"...... I Mussi Catalani

punti 5
4-Come se ciamaéla anticamente Via Nizza?
a-delle Beccarìe b-del Capitanio c-Stallaggio Pesce d-Via dei Verza

...."Via Nizza dal dopoguera la se ciama così ma prima la se ciamava "via Stallaggio Pesce" par che sia da una casa con stala detta "del Pesce" e per continuità con le visine Piassette Pescheria e Pescheria".... Rh Bardolino +

Dimande Dialetali
punti 3
5-Cosa vol dir "far chèo"?
a-Far schei b-Far fiasco c-Far da magnar

"Far chèo" vol dir far fiasco "sta tento che quela carega la fa chèo". Da dove vegna sto modo de dir non se sa de preciso, forse dal verso che fa le galine e i piti quando i ghe tira el col. Infati far chèo vol anca dir morir, tirar i'ultimi. "Toni stanote l'à fato chèo" Rh Bardolino +

punti 3
6-Cosa vol dir "far la ciupa"?
a-Brusàr qualcosa b-Imbriagarse c-Far la conta

Conossudo come Ciupascondi da no confondarse con far la Ciuca ('mbriagarse)

punti 3
7-Una de queste parole no la g'à gnente a che far con "l'ua", qual'éla?
a-Arzimo b-Graspo c-Récio d-Riba

-(graspo e rècio i se ten par forza: el primo l'è el zimo senza i grani, el secondo un toco de zimo formà da tri-quatro grani. Se ten arzimo par assonanza con zimo, de probabile derivazion dal latino "racimus,i" che vol dir grappolo: l'è facile el passajo par deformazion a arzimo) Amizi del Pistor

punti 3
8-Se mi te digo che "te sì on mutrion" vol dir che te si na persona:
a-soridente b-piena de boréso c-che no la parla

"te sì un mutrion" vol dir uno che non parla, ansi mejo ancora uno che sta su le sue, che non dà confidenza, che l'è chiuso in se steso, che l'è scontroso. Insoma uno che g'a na "mutria" (dal greco mutria che vol dir facia) da far paura....Rh Bardolino +


Dimande & Risposte 2° TURNO

Dimande Storiche
punti 7
1-In che ano l'è stà instalada a Verona la prima fabrica del giasso?

....."Lo sviluppo industriale de la cità l'e scominsià quando in Basso Acquar ià costruido el canal industriale, inissià nel 1884 e finì nel 1886. Da quel'ano je comincià a nassar industrie, la prima l'è stada un'industria chimica, dopo l'è sta costruida la centrale par el primo acquedoto de la cità e dopo la fabrica par el giasso artificial e sucesivamente nel 1888 la Cartiera Fedrigoni. De sicuro ghè riferimenti a questa fabrica del giasso nel 1902 quando una polemica fra i giornai citadini l'acusava gli imprenditori veronesi a non investir ne le industrie citadine visto che la fabrica del giasso l'era sovensionada da capitali francesi e 2 ani più tadi, nel 1904, "L'Arena" la riporta notissie de un sciopero generale a cui avea partecipà anca i lavoratori de la fabbrica del giasso. Po' nel 1924 co la nascita dei Magazzini Generali" l'è sta fata la più importante fabrica del giasso d'Europa in ZAI, inaugurada nel 1930"...Rh Bardolino +

punti 5
2-Quale scultor veronese l'à scolpido i "2 leoni", le sculture davanti al çimitero monumental? a-Briolotto b-Giolfino c-Pegrassi d-Giuseppe Trezza

...."El scultor veronese che ha fato i leoni l'è : donca no de serto BRIOLOTO che l'è quel che l'ha fato la RUDA de San Zen parchè l'è visudo nel medio evo , gnanca Giolfino, nè Nicolò e tantomeno Bartolomeo, che iè vissudi nel 500, podaria esar stà Trezza, ma l'è morto qualche ano prima che i fesse el cimitero monumentale, donca l'è stà Salesio Pegrassi"..... I Sucoi dai Querni

punti 5
3-Quanto l'è alto el campanil del domo de Monteforte d'Alpon? a-82m b-71m c-65m d-40 m

punti 5
4-Ci l'è stà el primo presidente del Tiro a Segno a Verona dopo el 1866?
a-Cattaneo b-Sirtori c-Tirapelle d-Pindemonte e-Nievo

La Società de Tiro a segno l'è inissiada a Verona el 20 diçembre 1866. Dai primi de genàr 1867 secondo le cronache fin a fine lujo l'è stà presidente Tirapelle. El 7 agosto 1867 ghe stà la regolar costitussion con presidente Tessari.

Dimande Dialetali
punti 5
5- In una de le poesie de Berto Barbarani, con quale nome el poeta l’à ciamà el sò can?
a-Alì b-Babà c-Bubù d-Leon

Vegnea dimandà el can de Berto non de la morosa. Donca no l'è Bubù de la poesia "L'ombra de Bubù", ma Alì de la poesia "Val de Poro".
.....E me rùgolo zo par quei sentieri,
col me cagneto che 'l g'à nome Alì
e par quanto che g'abia assè pensieri,
tuti, ma tuti i porto via con mi!......

punti 3
6-Un dotor cosa pol prescrivarte?
a-un Cotàl b-'na Rèsipe c-'na Reièstola d-'na Refendina

la resipela l'è na malatia dela pele da batteri: ghè vol l'antobiotico (e na olta no'l ghera e se podea anca morir…) I Tri Dotori
Un dotor l'è mejo ch'el prescriva una resipe (o recipe come i ghe dise in altre parti de la provincia) cioè una riceta. El cotal invese l'è una pigna de l'abete rosso o, come i dise a Bosco, un omo mia tanto furbo. La Reiestola o Redhestola un tipo de usel e la Refendina una sega a telar usada par otegnar asse tajando i tronchi par la longa. Rh Bardolino +

punti 5
7-Una de queste parole no la g'à gnente a che far con "un tipo de moneda", qual?
a-Genuina b-Ghèl c-Gèdena d-Ghèia

L'unica parola fra queste che non ga gnente a che far con i schei l'è Ghèia o Ghèa che vol dire grembo infati "in Ghèa" vol dir essar sui genoci de qualcun. Ghel vol dire scheo, Genuina l'era una moneda da 80 lire e la Gèdena una moneda da 10 centesimi prima e da 10 lire dopo. Rh Bardolino +

punti 3
8-Ne la poesia "L'Adese" de Tolo da Re, cosa el fa el nostro fiume a Ceraìn?
a-sbrega la divisa b-el ciapa fià c-el sbòrdela d-el stranùda

(Poesia presente sul sito)
....A Ceraìn el sbréga la divisa,
el spua na parolassa
contro el forte de Rivoli tognìn.....


Dimande & Risposte PLEI-OF

Dimande Storiche
punti 5
1) Sul stomego de la statua equestre de Cansignorio (presente a le Arche Scaligere) ghe scolpida una scala. Quanti piroi la g'à? a-3 b-4 c-5

punti 10
2- L'11 noembre del 1924 ore 17,28 el trenin Verona-Cavrin al'altessa de Gargagnago cosa l'à investido?
a-1 leon b-2 mussi c-3 ochi d-4 vache e-5 cavre f-7 porsei

..."Un episodio curioso el se verificava l’11 noembre 1924,el treno direto n° 10 ale ore 17,28 l’invenstia 7 porsei che i rassolava sule sedi dei binari,nei pressi dela fermada Gargagnago-Bure in Valpolesela.Se sa che du de essi i era adulti e i altri cinque da late.Dopo vari interrogatori sia del personal che del paron, la diression la decise de afibiar una contravension al paron dei porsei colpevole de no aver tegnudo a bada le propie bestie. La pena pecuniaria l'è stà de diese lire".... I Rusteghi

punti 10
3-Quale tra i “fioi” de “Guglielmo de la Scala” el s'à sposà con la bavarese “Amalia di Frauenberg?” a-Brunoro b-Paolo c-Nicodemo d-Fregnano e-Antonio

..."Guglielmo I Della Scala, fiol de Cangrande II (quel copà da -Cansignorio tanto par capirse) e signor de Verona par ben 11 giorni dal 17 al 28 Avril 1404, el ga avu 6 fioi, uno de questi, Paolo, l'a sposà Amalia fiola del Conte Hans von Frauenberg e de Barbara Marschak von Obendorf. A dir la verità anca so fradel Brunoro l'à sposà una von Frauenberg ma quela la se ciamava Mathilde. Da ricordar anca che quel saugo de Giovanni I fiol de Paolo el sà naturalisa todesco e l'à cambia el me ben cognome de "De la Scala" in "von der Leiter" ...... RH Bardolino Positivo

punti 10
4-Nel menù utilisado in ocasion de l'incoronassion de Re Giorgio VI e de la Regina Elisabeta d' Inghiltera el 12/5/1937 quale vin veronese l'è stà utilisà? a-Bianco de Soave b-Bianco de Custosa c-Amaròn d-Recioto e-Bardolin

-Nel menù compare il Soave Bianco (alora non l'era ancora doc), in particolare quello del’azienda Bertani....... I Rusteghi

punti 5
5-A Bevilacqua ai tempi dei romani quale strada passava?
a-Aquae b-Vicinalis c-Bevilae d-Lontanalis

Ai tempi dei romani Bevilacqua l’era in do che adesso gh’è la località Castelletto, da indoe passava la strada romana Vicinalis, che la nasea da Ostiglia (Hostilia), sul mantoan, a Este (Ateste) nel padoan...Amizi del Pistor

punti 5
6-Qual'é l'origine del nome “Lazise”?
a-Lacus b-Laxisae c-Laxisium b-Gardae Lax

Se pol consultar la rubrica "Provincia In" o el sito del Comune de Lazise

Dimande Dialetali
punti 10
7- Da dove deriva la parola Bagigi? a-dal turco Bayazid b-dal greco Epìouros c-da l'Arabo habb'aziz d-dal tardolatino Bagolisque.

I bagigi i è le noselete americane, anca se habb’aziz in arabo stà a dir mandorla o baca. Se pol dir anca “babbagigi”. Par la cronaca, in lenga serbo-croata se dise “kikiriki” ! carnou, invece, el sarìa “noce” in greco.Onto de Gombio

punti 5
8-Quale tra questi no l'è un “strumento agricolo”?
a-Mesàrol b-stegàgno c-usèla d-gatéio

L'unico a non esar un strumento agricolo l'è el Gatéio che l'è invese un rovejo de cavei o de fili. El mesarol l'è un falceto, lo stegagno l'è na roncola e l'usela l'è n'atreso par tajar i rami...Rh Bardolino Positivo

punti 5
9-Quale tre questi no l'è un “contenidor”?
a-piston b-mastego c-vésa d-tràasaora

L’è el mastice o el smalto; opure el podarìa anca essar el pavimento de argìla batuda e sassi. El piston l’è un fiascon de vin; la vesa l’è ‘na grosa bote; la traasaora la tinossa... Onto de Gombio

punti 5
10-Metar in ordine dal pì grande al pì picenin le seguenti bestie:
a-sucàra b-vaca c-dugo d-scorson
Dimanda a risposta multipla: BCDA o BDCA

Scorsòn el pol éssar o un porsel o un bisso
vaca (vaca); dugo (gufo real, barbagiani); scorson (bissa o porsel); sucara (grilotalpa)