Comun de origine Medioeval situado ai piè del Monte Moscal (427 m.s.l.m.) ne le vicinanse del Lago de Garda. La popolassion l'è quasi tuta conçentrada a Afi e ne le contrade de Caorsa, Le Cocche, Castello, Incaffi. La parte storica del paese l'è carateristica par le so vie e le case in piera. A est del Monte Moscal podemo catàr, su un dolçe teren pianegiante, l'elegante Vila Da Persico Poggi costruida nel XVII secolo ma modificada nel '700, con la zonta de du porticadi laterali (su disegno del Barbieri) al corpo çentral de la costrussion. A l'interno antichi sofiti decoradi, statue e opere artistiche del Perini e del Brentana i te fa restar a boca verta par la magnificensa e la belessa. In 'sta vila jè stadi conservadi i archivi dei Da Persico, una de le piassè vecie fameje de Verona, celebre l'era el conte Giovan Batista Da Persico, podestà de Verona al tempo de Napoleon e autor nel 1820, de la guida Descrizione di Verona e della sua Provincia. Gh'è da notar che i Da Persico i gavea anca una seconda residensa, otoçentesca, Vila Elena. A poca distansa ne compare davanti la Césa de S. Piero in Vincoli costruida dopo aver modificà e slargà un preçedente edificio sacro del XI sec. 'ndoe ne la sagrestia l'è conservà un magnifico afresco de Giovanni Francesco Caroto rafigurante San Giovanni Battista. Nel borgo de Incafi podemo amirar la Vila Fracastoro del XVI secolo, residensa del famoso medico e poeta del çinqueçento veronese Girolamo Fracastoro. Chi el medico l'a trascorso longhi periodi de isolamento scrivendo libri e riçevendo amiçi e leteradi oltra al' imperador Carlo V. In un momento de vena poetica el descrive la belessa del panorama intorno (trad.lengua italiana del Pelegrini): "a mattina, dalla parte dove le radici del colle toccano l'adige che, col rapido corso lungo il Baldo, defluisce dal Tirolo, si gode la vista della lontana città di Verona e degli innumerevoli villaggi sparsi nella sottostante pianura ricca di greggi vaganti e di armenti di ogni specie, mentre quando annotta si scorgono i fumanti comignoli che si ergono dai tetti; a sera la facciata della Villa del Fracastoro è invece rivolta verso il Benaco, e gode di una uguale vista dei colli che si presentano allo sguardo, ma ancor più incantevole e gioconda, perché permette di ammirare lo specchio del lago, mosso e agitato talora da frementi flutti, e di vedere la fortunata penisola di Catullo, mentre da lontano si profilano i navigli a vela, le eranti minuscole barchette dei pescatori, e i numerosi paeselli posti sui ridenti promontori..." Sora al monte a poca distansa da la vila gh'è el complesso de Sant'Andrea con césa romanica e case d'epoca, un tempo del'Abassia de San Zen de Verona, regal de Pipino nel 807. A testimoniansa de l'apartensa de Sant'Andrea a l'Abassia Veronese gh'è el diploma de Enrico II, re d'Italia, del 1014, dove gh'è scrito "in Cavi cellam Sancti Andree cum pertinentiis suis", seguido da 'n altro diploma de Enrico III, del 1047, con le stesse parole, sensa contar altri du diplomi de Federico I, nel 1163 e de Urbano III, del 1187, che i ne ricorda "curtem Castelli novi cum famulis utriusque sexus et omni onore et districtu et redditu cum ecclesie Sancti Andree et ecclesia Sancte Eufemie et Sancti Petri in Affi". La ceseta de Sant'Andrea l'è stada ricostruida a cura e spesa dei monaci de San Zen de Verona, nel XV secolo, rifasendola a tri navade divise da pilastri quadrangolari, e modificada dai proprietari i nobili Bottagisio. Anticamente i teritori de Afi e dintorni jera de proprietà de l'Abate de San Zen de Verona, infati el paese el se ciamava Castelnuovo dell'Abate forse par la presensa de un Castel costruido ne l'ano 1000 e modificado nel corso dei secoli. Che domina el teritorio de Afi ghè el Monte Moscal de origine morenica, non un sempliçe monte. Infati, drento ne la "pansa" ghè la base Nato e le origini geologiche le ghe dà el nome. Basta pensar ai fossili foraminiferi incastonadi nel calcar del monte come "l'Operculina complanata" e la "Leopoldicina elephantina" che, sesionadi, i par de le mosche. Tra questo monte e l'interessante anfiteatro morenico de Riole teatro de la famosa bataja napoleonica sembrerìa che ghe fusse stà secondo el studioso Mor, costrussioni militari e popolasioni de origini longobarde: "Al'ingresso dell'altipiano, salendo dall'Adige (sopra Cavaion) e di fronte Monte Alto di Gaiun (gahagium), a sopraccapo di Affi: Ari e, di fronte, guardante l'Adige, Gaiun; immediatamente a nord di monte Moscal una frazione è chiamata Pertica ( che in genere indica i cimiteri longobardi, come a Pavia e Cividale) distante poco più di tre chilometri da Costermano (Costa Arimannorum), di fronte al quale, a due chilometri, stanno Valdonega e Gazzoli". Se podarìa pensàr che tuta l'area da Afi a Costermano e Valdonega la sia stà teritorio arimannico cioè de omeni libari, anca dal punto fiscal, ma un documento del 825 el ne convinse del contrario 'isto la dipendensa da la camera Regia de un çentro economico non molto grande, ne la contrada Bestones. Se podarìa inoltre pensar che'l teritorio de Afi el fusse in man a Re Pipino prima de la donassion del'807 a l'Abassia de San Zen, infati, beni reali i se trovàa a Moratica e Bardolin "la chiesa de Sant'Andrea nel luogo de Cavi, hora chiamato Incaffi con ville, campi, prati et con la giurisdizione sopra gli abitanti nel modo che havea esso re". Secondo el Sartori par la val del Tasso passava "la grande strada di Val d'Adige che, valicando il fiume a Ponton, puntasse a Rivoli o direttamente o facendo il più lungo tratto, ma più dolce , per Affi e Caprino. Non dimentichiamo che in questa zona sia accampò Leutari, nella vana attesa del fratello; che qui dovette arrestarsi l'offensiva franca del 590 e che al suo sbocco fu sempre la zona tradizionale dell'acuartieramento degli eserciti imperiali, fino al XII secolo, tra Lazise, Pacengo e Pastrengo".