Verona e la so storia
freccia Angelo Dall'Oca Bianca
Scheda 15

foto 1858 Angelo Dall'Oca Bianca l'era nato el 31 marso a Verona in vicolo Cavalletto al numero çivico 1084 da Beatrice Resi e Giuseppe Dall'Oca. El pare, vernisador, l'avea investìo i propri risparmi in un'ostaria. El falimento de sta atività l'à portado la fameja in miseria. Nele Note biografiche scrite nel 1897 el pitòr l'à parlà dela sò infansia trascorsa nei cantoni e nele strade de Verona, lontano dala scola e dalo studio. 1873 Dopo la morte del pare, l'avea comincià a laorar come manoval, imbianchin, murador e a studiar. A 15 ani dipinse el ritrato "Me pare (Mio Padre)", par convinsar la mare dela consistensa del sò talento pitorico. Con l'aiuto delo scultor Ugo Zannoni, el diretor Napoleon Nani e Angelo Pegrassi, entra al'Academia Cignaroli - Scola Brenzoni de Pitura e Scultura de Verona fino ala primavera del 1876, anche se'l Registro dele Matricole d'Iscrision del'Academia veronese riporta el sò nome solo nel'ano 1873/74. 1876 In una biografia, scrita par el catalogo dela Bienal venesiana del 1912, Dall'Oca el se ricordàva el sò ingresso nel 1876 all'Accademia de Bele Arti de Venezia, ometendo l'iscrision e la frequensa al'Academia veronese. El risentìa dela "pitura vernacolar" de Giacomo Favretto che l'avea influensà el sò indirisso artistico. Nele Note biografiche del 1897: "devo al'arte sinceramente viva del povero Favretto - amirada visitando el sò studio - la bona luçe che si è fata nel me indirisso artistico". Le prime esposissioni iè stade insieme ad altri artisti veronesi come Milesi, Novello, Cristani, Navarra, De Stefani. Per la prima olta una sò partecipassion al'Esposision dela Società de Bele Arti de Verona fin al 1892 con regolarità (anuali fino al 1886 e bienali sucessivamente). 1880 Secondo l'articolo de Ricardo Avanzi, publicado su "L'Arena" del 2 diçembre, Angelo l'è soto le armi. Nelo stesso articolo el critico difende el pitor dale accuse de essar un imitator de Giacomo Favretto. Nelo stesso ano l'avea parteçipà a tri esposissioni quela dela Società de Bele Arti, quela de Brera a Milàn e de Torìn. Chi el conosse el pitor Francesco Paolo Michetti. 1881 Nel mese di april la stampa parla del sò trionfo al'Esposission Nasional de Milàn, dove l'era riussido a vendar, ancora prima del'inaugurassion, tri quadri. Questo apuntamento, l'esposisioni del'ano precedente e quele sucessive, i l'avea messo in contato con le diverse corenti artistiche italiane e europee come l'impressionismo, el divisionismo e el simbolismo. 1882 A Roma, conosse omeni de cultura come Carducci, D'Annunzio, Pascarella, adiritura presentado ala Regina Margherita che ghe farà dipensàr molti quadri. Sempre al periodo romano i primi interessi par la fotografia, dovudi, anca al'amicisia con Francesco Paolo Michetti. El primo dipinto, comunque, per el qual l'è documentabile l'uso dela fotografia l'è "Il lavatoio", esposto nel 1881 a Brera. Dopo Roma n'altro sogiorno a Firense 'ndoe a causa dela piena del'Adese el ghe stà poco, avenuda la note del 15 setembre. L'esposision dela Società de Bele Arti de Verona, programada par novembre-dicembre, non l'è stà efetuada. Molti artisti veronesi, tra cui Dall'Oca, con i piè nel fango, iavea dipinto la Verona che la stava par sparìr. 1883 Non avendo podudo espor nela propia çità nel 1882, a causa del'inondasion, Dall'Oca, Sorio, Avanzi, Cabianca, Nani, De Stefani i avea inviado le proprie opere, al'inisio del 1883, al'Esposision Internasional de Bele Arti, ospitada nel novo Palasso dele Esposisioni de via Nazionale, a Roma. 1884 Al' Esposision Nasional de Torin i sovrani d'Italia i-avea aquistado do sò tele e la regina Margherita gavea comissionà altri lavori. Al'Esposision Internasional de Barcelona otien el primo premio con Pelarine e Punto? 1885 Con Mosè Bianchi e Luigi Nono espone a Anversa. A Viena tien una personal. La regina Margherita gavea comissionà dò quadri, Ritorno dai campi e Vendemia. 1886 Nominado membro del'Academia de Bele Arti Cignaroli e dela Società de Bele Arti de Verona. In autuno altra partecipassion al'Esposision de Brera a Milano otegnendo el premio Principe Umberto par el quadro Ave Maria gratia plena, che resta nela Galleria d'Arte Moderna dela çità. 1887 Esposission Nasional de Venessia. 1888 Esposissioni a Monaco, a Barcelona, a Viena, a Bologna, a Torìn, a Milàn. 1891 Sul finir del'ano, do opere al'Esposissione Nassional de Bele Arti de Palermo; con lu ghe anca Avanzi, Nani e Calvi. A Monaco de Baviera ala Mostra Internassional esposission insieme a Vincenzo De Stefani e Francesco Danieli. El De Stefani vinçe la Medaia d'oro con el sò dipinto. La cosa l'avea fato scalpor sui giornai de Verona e numerose le polemiche: el Dall'Oca "batudo a Monaco da un sò compaesan"; ma l'artista retifica "no l'è vero che sia stà batudo, còrea nele sène de figura mentre el De Stefani l'è stà premiado par el paesagio". Inoltre altra partecipassion ala Trienal de Brera, a Milano. 1892 L'era tra i soci fondadori del Circolo Artistico che, travolto in breve tempo "dal spirito de fasion e dale beghe", el finirà dissolvendose. Ala mostra inaugurada el 2 majo el pitor no'l ciapa parte, giustificandose con i massa impegni fora Verona. A partir da st'ano el mancarà a tute le esposissioni dela sò çità. Parteçipa inveçe al' Esposission Nasional de Bele Arti de Palermo e de Genova. 1893 A Cicago se tien l' Esposission mondial. El Veneto l'era rapresentado da Nani, Dall'Oca, Ciardi, Fragiacomo, Nono, Milesi, Da Molin, Gasperini, Lancerotto. 1894 Partecipa a majo al' Esposission internassional de Berlìn con La Prima Messa, comprado dala Società Artistica par el Museo çivico de Berlìn. 1895 In april presenta dò quadri al' Esposission de Berlìn e, altri dò, a quela de Praga. Nel mese de setembre ataca, con lo seudonimo B. Gugole, el maestro-diretor Napoleone Nani, del'Accademia de Pitura e Scultura Cignaroli. 1896 Continua a lotar, contro Napoleone Nani, par el rinovamento del'insegnamento al'Academia Cignaroli e a espor al'estero. 1898 Lavora al dipinto "Gli amori delle anime", esposto a Torìn e giudicado la pì forte opera del pitòr. El dipinto, premiado nel 1900 a Parigi, sucessivamente a Saint Louis e nel 1908 a Verona, l'avea costituido una svolta importante nel'atività pitorica del'artista. 1899 El se unisse in lota ale polemiche nate al'interno del'Academia Cignaroli a Mosè Bianchi che'l giudica Nani conservator. Su "L'Arena" iera publicadi dò articoli, firmati G. N., con i quali el pitor l'era acusado de "trufare el publico avalendosi del'uso de fotografie" e de agire con "talentone da industrial". fotoEspone par la prima volta a Venezia ala III Esposission Internassional. 1900 Partecipa al'Esposission Universal de Parigi otegnendo la Medaja d'oro par l'opera "Gli amori delle anime" del 1898. Altre du esposissioni - Trienal de Milàn e infine al' Esposission Internassional de Berlìn con "Anime assolte". 1901 A Budapest espone 56 opere. 1903 Altro invido de partecipassion al'Esposission de St. Louis. Prima del'apertura dela V Esposission Internasional d'arte dela çità de Venessia, nasse polemiche: Dall'Oca l'avea presentado ala giuria 8 opere e espresso el desiderio de essar "in tute acetade o in tute rifiutade", par poder mostrar" ognuna dele forme in cui la se çimenta l'arte moderna". Par la giuria solo tri i-era bele e Dall'Oca l'era deciso a ritirarle tute. Grassie al'intervento final del presidente, el pitòr l'era stà acontentado. 1905 Partecipassion ala VI Esposission Internassional de Bele Arti dela çità de Venessia. 1907 Presenta du quadri ala VII Esposission Internassional de Bele Arti dela çità de Venessia e du a Barcelona. 1908 Torna ad espor nela propria çità dopo disdot'ani de asensa in ocasion del 25° dela fondassion dela Società de Bele Arti de Verona con l'opera "Gli Amori delle anime" e "Testa de dona. Par tuto l'ano le cronache le riporta el caso de "Gli Amori delle anime" (1898): la Giunta Comunal de Verona interessada al'aquisto la ritien el presso (25.000 lire) massa costoso par el proprio bilancio; el quadro el viene, acquistado da Rodolfo Angheben, asessor comunal, e da lu donado al Comun de Verona. 1910 Partecipa ala IX Esposission Internassional de Bele Arti dela çità de Venessia. 1915 El vien invitado a partecipar ala Bienal del 1916. Malgrado risponda positivamente al'invido, no'l partecipa: el sò nome, infati, no'l risulta nel catalogo dela sucessiva Bienal del 1920. Da questo momento, pur continuando a laorar, rifiuta de partecipar a altre esposissioni e deiventa el difensor, dela "Vecia Verona minaciada dal progresso çivil". Diversi iè i sòi scriti e articoli contro le istitussioni moderniste. 1921 Al Teatro Filarmonico, el 18 diçembre, Renato Simoni l'avea tegnudo un discorso in onor dei amiçi Dall'Oca e Berto Barbarani. In april el Comune de Verona organisa, nela sede museal del Teatro Roman una mostra de disegni del pitor. Intorno a questi ani el sogiorna de spesso sul Lago, a Garda e a Tori del Benaco dove l'11 otobre del 1925 l'avea tegnudo un discorso de ringrassiamento par aver ricevuo la citadinansa onoraria del paese. 1931 Butei alievi de Guido Trentini, al'Academia Cignaroli, par protesta iavea spacà in 52 tochi un nudo giovanil del 1875. El disegno ricatado in un posseto stradal l'è stà ricostruido da un restaurador e conservado ala Galeria d'Arte Moderna de Verona. 1932 Reclama, indignado, la restitussion del quadro Piassa Erbe, esposto ala Bienal de Venessia del 1903, rimasto par ani nela Galeria d'Arte Moderna dela çittà lagunar, rimosso dale sale verte al publico e confinado nei magasini dele "croste". El dipinto entra a far parte, in deposito permanente, dela Colessione Civica dela Galeria d'Arte Moderna e Contemporanea de Verona. 1937 Dona el ricavado dela vendita del dipinto Ave Maria (un primo bosseto del quadro Ave Maria gratia plena) a favore dele povere fameje dele Casemate. 1939 El 24 diçembre l'è inaugurado el Vilajo Dal'Oca, costruido grassie ad una donassion del pitore e in seguito ampliado con il suo lassito testamentario. Nel'istà iè inaugurade 4 sale "dalochiane" nela Galleria d'Arte Moderna de Verona e el Comun publica un fassicolo Opere de A. D. B. ala Galeria d'arte Moderna, con prefassion de M. Biancale. L'è publicada, a cura de Carlo Manzini, dal'editore Mondadori, la monografia Angelo Dall'Oca Bianca nel'arte e nela vita, con sagi de R. Simoni e G. Marangoni, coredada da 91 taole in bianco e nero e in tricromia, con le opere pi significative del'artista. 1941 El 26 majo dispone, par iscrito, del proprio patrimonio e nomina erede universal el Comun de Verona al quale lassa le opere, lo stabile de via S. Maria Roca Magior 13, titoli e denaro. Dimanda al Comun de catar su le sò pi importanti opere in una Galeria, disposta in modo "che la luçe dal'alto la ilumini tute", e de costituir, con queste e quele donade du ani prima, "in perpetuo un complesso, una galeria, a carico del'Erede Universal". Autorisa la vendita dele altre opere e dispone che, con i rediti del patrimonio, sia garantido un asegno anuo (50.000 lire) ala neoda Teresa, che la riceverà anca l'usufruto dela casa de via S. Maria Roca Magior; dispone che le vegna istituide tri borse de studio anue (2.500 lire) per i-alievi del'Academia Cignaroli e vegna dato un sussidio a favor dele vecie povere de S. Tomaso, ai bambini abbndonadi del'Istituto E. Caldara, e del Vilajo. 1942 El 18 majo el more a 84 ani, in via Santa Maria Roca Magior 13.

Verona e la so storia - www.larenadomila.it
sutorna su indrio indrio stampa stampa