Le prime mura costruide i è sta in epoca romana (prima metà del I sec.a.C.). Le partìa da la riva sinistra de l'Adese arente al'Arx (antico edificio romano 'ndoe 'desso gh'è el Castel S.Piero). Dal punto pì alto de la colina, partìà le mura, una a ponente del ponte Piera e l'altro a levante del ponte Postumio. Se pòl notar ancora Porta Leoni, Porta Borsàri (Porta Iovia) e segni de mura de via Diaz e via Leoncino. Nel 265 Galieno par difendar la çità dai Barbari l'avea costruì altre mura così da riparar anca La Rena. Tochi e trase de ste mura se pòl edarle ancora de drio a La Rena, Via Diaz, via Cantore e in vicolo San Mateo. Mura romane rifate anca da Teodorico (vedi iconografia Rateriana). Nel XI sec. re Arduino l'avea fato costruir el vecio muro de Campo Marso. Nel XII sec. altre mura le partìa dal ponte Castelvecio andando verso via Adigeto finendo vissin al Ponte Aleardi. sucessivamente rafforsade da Ezelin da Romano. In epoca Scaligera Alberto e Cangrande dela Scala jà ampliado el perimetro difensivo comunal e infine Gian Galeazzo Visconti l'à costruido la Citadela e rinforsà Castel Teodorico con diese tori colegandolo con le mura de Cangrande.

nela prima foto i Portoni dela Bra
nela seconda foto la Verona de Raterio.