El Palio l'è del 1200 c.a.
El Palio l'era diviso in quatro gare:
1-done a pìe / 2-òmeni a piè / 3-plebei sui mussi / 4-nobili a cavàl. L'era conossudo in tuta Italia, tanto che Dante el l'à messo parfin nel canto XV del'Inferno. Par descrivar la corsa velocissima dei danà soto la piova de fogo, l'à scrito:

"....e parve di coloro a Verona il
Drappo Verde per la campagna;
e parve di costoro quelli che vince,
non colui che perde".

Le antiche corse i era sancide dalo Statudo
de Alberto dela Scala e finansiade a spese
del comune con schei tiradi ià dala cassa
dele multe par asegnar i palii.

Premi:
1-dodese brassi de pano erde (done a piè - vedi prima foto)
2-dodese brassi de pano scarlado (omeni vedi seconda foto)
3-una pessa bianca de Valesio (plebei - vedi tersa foto)
4-una pessa de veludo "cremisino"

I vegnea concorenti nobili da tuta Italia.
percorso: Porta S.Croce (vissin a porta Nòa), Porta Rofiolo, Cesa de San fermo.

Soto i Venessiani l'à cambià date e traciado.
date: a- 1a dominica de quaresima b- ultima de carneàl. percorso: Porta Palio, Corso Porta Palio (ciamado così parchè i coreva), la metà posta a Santa Anastasia. Arivo unico Partense diverse:
1-done, Piassa Santa Apostoli
2-omeni, davanti a Castelvecio
3-asini, difronte a Cesa de Santa Lucia
a metà stradon Porta Palio
4-Cavai, Porta Palio

Porta Palio nel 1630 l'era stà serada par motivi de contagio (peste) e ciamada Porta Stupa, verta solo in ocasion del Palio.

Col passar del tenpo la corsa i le fasea de dominica e i premi modificadi.

premi:
-5 brassi de pano erdo e rosso
-24 brassi de "valesio" bianco
-25 brassi de veludo "cremisino"

premi de consolassion:
per la corsa dei cavai i premi i-era
du mesi porçei e un gal.

Nel 1756 l'era stà deliberado de corar el Palio la prima dominica de majo par le mejo condissioni climatiche e par la fiera.