El nome Rena el deriva dal latin, che vòl dir sabia. La Rena l'era posissionada fora dale mura citadine, ma nel 265 d.C. Galieno el l'avea inglobà nela recinsion muraria. L'anfiteatro l'è sta fato con volti ben arotondadi e muri radiali che i se slarga a onda e i finisse al'esterno con 3 arcade, una sora l'altra. In caso de aluvioni, gh'era 'na canaleta che portava l'aqua pasando soto stradon Mafei nel' Adese. In marmo dele cave de S.Ambrogio, l'è el terso anfiteatro romàn par via de grandessa dopo Roma e Capua. Ancò la circonferensa esterna l'è de 391 m, na olta l'era 435 m. Ogni piano el gà 72 arcade su 73 pilastri. El terso anèl l'è croà nel XII sec. par un teremoto. Ospitava ben 22000 persone e podea essar quertà in caso de sòl leòn (se pòl notàr ancora i apogi sul'ala). In epoca romana l'era usada par combatimenti tra gladiatori e lote tra animali catii che i vegnea dal'Africa. in epoca scaligera, Alberto dela scala l'avea usado dei gradoni par rinforsar le mura citadine, così La rena l'era diventà na cava de marmo, baracopoli e sito 'ndoe butàr material de riporto. Nel 1913 la prima rapresentassion lirica de l'Aida.

schema: a: misurassion assi in metri (esterno)
b:misurassion assi in metri (interno)
c:altessa Rena in metri a 3 piani e 2 piani (atual).