Prima de costruir el teatro, gh'era sta fato un arzarosu l'Adese vissin ala sèna e una bela busa par stacar da la colina la gradinada. Col material ricavado dalo scavo i à fato el teatro. La parte sènica l'era costituida da postsènio, frontesèna e prosènio che se alsava sul pian del'orchestra da 'n doe el separàa dala fossa sènica profonda 1,40 m. Dela sèna davanti se pòl notàr ancora la metà de sinistra. 'Na 'olta l'era divisa in tre nicie: una in meso bela profonda e du pi picenine de fianco retangolari. El spassio par l'orchestra, el coro e dela dansa el gavea un diametro de 30 metri. Al'inissio dela gradinada sora ale' entrade che ghera dale parti te podei catar i tribunalia che i era i posti d'onor (poltronissime). La gradinada centrale superiore l'era sostegnuda da muri arotondadi con olti in conglomerado. De fora se vedea tri stili diversi: ionico, tuscanico e n'altro pì elaborado. La parte de soto dela gradinada (ima cavea) l'era divisa in sei setori con çinque scalete. La parte de sora, dentro el teatro, l'era rifinìa da 'na galeria. El Teatro l'era alto trenta metri. foto: Incision del XVIII secolo del Teatro. Come el dovea presentarse ai tempi dei romani.