La Storia de Verona - el toponimo Scheda 19
La çità de Verona l'è nata in colina e precisamente nela zona 'ndoe ghe l'atual Castel San Piero a sinistra de l'Adese par opera dei "Galli" e dei "Veneti" dove i avea creado el primo insediamento. Nel 2° secolo a.C. i romani i à fato la sò aparission conquistando la çità e i teritori viçini. Nel 49 a.C. Verona deventa municipio romano, e la çità l'à scominsiado la sò espansion. Sula colina l'era stà costruida l'arx (la roca), pì in alto Castel S.Piero, pì in basso el Teatro Roman e tuto intorno le mura e l'è stà zontà un ponte nòo vissin quel in legno de drio ala Cesa de Santa 'Nastasia con el nome de Postumio. Col tempo i Romani, come in altre çità jà realisado numerose opere de ingegneria idraulica par portar l'aqua potabile ala zente. Così la çità la se svilupa, secondo un criterio urbanistico che se ispirava ai acampamenti militari cioè su un impianto base costituido da du grandi viai incrosadi a 90° con i nomi de Cardo e Decumano. Nel caso de Verona el Decumano l'era rapresentado dale odierne Corso Portoni Borsari e Corso Santa 'Nastasia, mentre el Cardo l'era rapresentado dale odierne Via Leoni, via Capèl, Piassa Erbe, vicolo Monte e via San Egidio. Al'intersecassion se catàa el foro dove ghera el comando e tuta l'organisassion militar. El lato sud l'era stà serà con mura bele alte riforsandole con tòri a destra de l'Adese in corispondensa del Ponte dela Vitoria fino al Ponte Navi (viçin ala basilica de S.Fermo). L'ingresso l'era consentido atraverso dò porte: Porta Borsari a Sud e Porta Leoni a Est. Nel 489 d.C. Teodorico re d'Italia, l'à fato costruir altre mura che le seguiva el percorso del' Adeseto, alargandose a est dela çità, piegando verso San Zen in Monte e proseguendo inglobando la Roca e lassando fora la cesa de San Stefano. Sul cole de S.Piero, Re Teodorico l'à rinforsado le mura e al'interno el l'à fato costruir inoltre, la Cesa de S.Piero in Castel. Nei secoli sucessivi i Scaligeri ià dovudo ampliar la çinta muraria 'isto l'espansion dela çità e raforsando così la rocaforte militar e nel 1390 Gian Galeasso Visconti l'à fato costruir a nord dela Roca, Castel S.Feliçe dito anca Castel Novo cambiando el nome così de quel de San Martin in Aquaro in Castel Vecio. Al' inissio del 19° secolo tuta la zona de Castel S.Feliçe e la cesa de Castel S.Piero l'è stada distruta dai Francesi prima de darghe el teritorio ai Austriaci. Quest' ultimi jà rinforsado tute le fortificassioni in colina, sia Castel S.Piero che Castel S.Feliçe tanto che nel 2000 se pòl 'edarle nel so splendor.
Probabile origine del toponimo "Verona"
Secondi alcuni studiosi, la Verona colinar l'è stà fondada nel'età del bronso dal popolo dei Euganei (unidi ai Liguri). Sucessivamente jè subentradi i Veneti vegnudi dal' Asia minòr tra el 13° e 12° Secolo a.C. nel'ambito dele migrassioni dei "popoli del mar". I Veneti i era penetradi dal'Illiria par via mar, spostando i Euganei verso le Alpi. Inveçe i Reti de origine etrusca, probabili inissiadori in Valpolesela dela produssion del vin "Recioto", i sà posissionà sucessivamente a Verona nel'ansa del' Adese dove l'è stà fondada la Verona Romana. In epoca preromana i Etruschi i era presenti anca a Verona ma col tempo paradi via dal' Italia setentrional par le ripetude invasioni dei "Galli". Da ricordar anca insediamenti dei "Galli Cenomani" in boni raporti coi Veneti nela destra de l' Adese e forse in Lessinia. Con i Romani el flusso de novi popoli verso Verona no'l finisse. Col tempo i fa comparsa anca i popoli dei "Magiari" e dei "Unni". Dunque, l' Adese insieme con el Còl S.Piero e la val sotostante i gà dato el via libara ala fondassion dela nostra çità. Numerosi studiosi i sostien che el toponimo Verona el sia de origine Etrusca parchè la raisa silabica VE la dovarìa far riferimento ale popolassioni Venete sul còl S.Piero, la raisa silabica RO dovarìa derivar dal verbo greco reo (scorro) che caraterisa molti antichi toponomi de fiumi e de çità nate sule rive de fiumi (in alcune çità compare RE) mentre nela raisa silabica NA se intravede el significado etrusco de çentro abitato. In pratica Verona l'è "la çità dei Veneti sul grande fiume".
Probabile origine del toponimo "Verona"
Secondi alcuni studiosi, la Verona colinar l'è stà fondada nel'età del bronso dal popolo dei Euganei (unidi ai Liguri). Sucessivamente jè subentradi i Veneti vegnudi dal' Asia minòr tra el 13° e 12° Secolo a.C. nel'ambito dele migrassioni dei "popoli del mar". I Veneti i era penetradi dal'Illiria par via mar, spostando i Euganei verso le Alpi. Inveçe i Reti de origine etrusca, probabili inissiadori in Valpolesela dela produssion del vin "Recioto", i sà posissionà sucessivamente a Verona nel'ansa del' Adese dove l'è stà fondada la Verona Romana. In epoca preromana i Etruschi i era presenti anca a Verona ma col tempo paradi via dal' Italia setentrional par le ripetude invasioni dei "Galli". Da ricordar anca insediamenti dei "Galli Cenomani" in boni raporti coi Veneti nela destra de l' Adese e forse in Lessinia. Con i Romani el flusso de novi popoli verso Verona no'l finisse. Col tempo i fa comparsa anca i popoli dei "Magiari" e dei "Unni". Dunque, l' Adese insieme con el Còl S.Piero e la val sotostante i gà dato el via libara ala fondassion dela nostra çità. Numerosi studiosi i sostien che el toponimo Verona el sia de origine Etrusca parchè la raisa silabica VE la dovarìa far riferimento ale popolassioni Venete sul còl S.Piero, la raisa silabica RO dovarìa derivar dal verbo greco reo (scorro) che caraterisa molti antichi toponomi de fiumi e de çità nate sule rive de fiumi (in alcune çità compare RE) mentre nela raisa silabica NA se intravede el significado etrusco de çentro abitato. In pratica Verona l'è "la çità dei Veneti sul grande fiume".
