Polenta e Rénga
Do-tri renghe, un bicér de oio de oliva, polenta, asédo a piasèr.
Netàr el pése, suca, coa, rèsche. Cósarlo su la gradèla e consàr el tuto con l'oio. Se consilia polenta calda o polenta brustolà tiepida. Finì el carneval, "Mercoli de le Ceneri", podì 'ndar a la festa de Parona a gustarVe 'sto magnifico piato, 'ndoe da ani i le cusina veramente ben. La Renga nasse ne l'aqua e more nel vin....quindi un bicér a la nostra salute. Me racomando de no esager col vin....
Polenta e Osèi
seteçento gr. de osèleti netàdi çento gr. de panséta, salvia q.b., meso bicér de oio de oliva, çinquanta gr. de botiér, polenta soda, sal, péar.
Bisogna netàr i osèleti, cavandoghe oci, sate e passandoli sul fògo, e poco dopo bisogna vèrzarli. Consarli con sal e péar, metendoghe intorno la panséta, fissada con un caùcio da parte a parte. Cósar ne la teja dopo aver rosolà el botiér e diese foje de salvia, poi a fogo lento ròersarli zontandoghe un poco de botiér che el deve desfarse. La polenta bela soda, la deve èssar tajada del spessòr de du schei e postada arènte ai osèleti con un poco de salsa.
^ torna su ^
Fasoi con Codeghin
e Polenta
500 g. de fasoi borloti, 1 codeghin, una spiga de aio, mesa çeola, un cuciar de parsémolo, foie de salvia, 'na rameta de sgulmarin, 'na nosa de botiér, oio estra-vergine, sal e péar.
Métar in una terina i fasoi ben lavè, se zonta la seola, l'ajo, el parsemolo, la salvia e el sgulmarin e se i trita ben insieme a una nosa de botiér. Consàr con sal e péar, querzar con aqua e consumar a fogo lento fin a 3/4 de cotura. A parte, far bóiar el codeghin anca lu fin a 3/4 de la cotura e cósarlo ne la terina coi fasoi. Consàr con oio a piasèr.
^ torna su ^
Disionario La Renga
asédo=aceto,
bicér=bicchiere,
binar=raccogliere,
bóiar-bójer=bollire,
botiér=burro,
códega=cotenna,
consàr=condire,
cortèl=coltello,
cósar=cuocere,
cuciàri=cucchiai ,
fàe=fave,
figadin=fegatino,
gratacasóla
=grattugia,
métar=mettere,
miòla de bò=midollo
molona=testa,
panséta=pancetta,
paparele
=pappardelle,
parsémolo
= prezzemolo,
péar=pepe,
pése=pesce,
pirón=forchetta,
pìsego=pizzico,
pomo=mela,
radécio=radicchio,
resche=lische,
sèleno=sedano,
gulmarin=rosmarino,
sofrisàr=sofriggere,
strìcole=strisce,
sùcaro=zucchero,
tendarine=tenere,
zeola-çeola = cipolla
zontàr=aggiungere.
asédo=aceto, bicér=bicchiere,binar=raccogliere,bóiar-bójer=bollire,botiér=burro,códega=cotenna,consàr=condire,cortèl=coltello,cósar=cuocere,cuciàri=cucchiai ,fàe=fave,figadin=fegatino,gratacasóla=grattugia,
métar=mettere,miòla de bò=midollo molona=testa,panséta=pancetta,paparele=pappardelle,
parsémolo= prezzemolo,
péar=pepe,pése=pesce,pirón=forchetta,pìsego=pizzico,pomo=mela,radécio=radicchio,resche=lische,sèleno=sedano,gulmarin=rosmarino,sofrisàr=sofriggere,strìcole=strisce,sùcaro=zucchero,tendarine=tenere,zeola-çeola = cipollazontàr=aggiungere.