Frìtole
400 g. de farina, tri ovi, un bicér de late, sié cuciàri de sùcaro, 100g de sùcaro vanilià, 100g de uva passa, 20g de lievito de bira, 1/2 bicér de graspa, oio da frìsar q.b., 2 pomi gratadi, 'na scorsa de limòn, un pìsego de sàl.
Métar in 'na terina, la farina coi ovi, late e sùcaro, e versàr al çentro el sàl con l'ua passa messa in precedensa a moio par un 1/4 d'ora, i pomi e la scorsa de limòn gratà. Malgamàr con un cuciàr de legno zóntando el lievito, 1/2 bicér de graspa e spetàr che la pasta la lievita (20 minuti). A 'sto ponto butàr l'impasto a scuciarade in 'na teja de oio de semi deventà de bojo, e quando le frìtole i è dorade tirarle via da la téia e butarle sora un foio de carta; completàr el tuto con el sùcaro vanilià.
^ torna su ^
Galàni
çinquesento gr. de farina, tri ovi, 1/2 bicér de soave, 60 gr. de botiér, 120gr. de sùcaro, 'na scorsa gratà de du narànse e un limon, 'na bustina de vanìlia, sùcaro a vél, oio de semi pàr frìsar, un pìsego de sàl.
Métar la farina a fontana, co' in in meso tuti i nostri ingredienti. Malgamàr l'impasto e lassàrlo ponsàr par n'ora, ben coèrto. Ciapàr la méscola e spianàr fin al spessòr de un par milimetri; taiàr la sfoia a strìcole longhe 'na spana e larghe tri dièi con 'na ruèla, fasendoghe nel mèso du taiéti. Butarle nel'oio che bóie e binarli quando i g'a 'n color dorà. Lassàr rafredàr e portàr in tòla con sora el sùcaro a vél.
^ torna su ^
Crostada de Pomi
Tresento gr. de farina, tri cuciari de miél, tri cuciàri de oio de oliva estra vergine, tri pomi, un limòn, un pochetìn de marmelada, sal, canela 'n pòlvar.
Impastar la farina col miél, oio, canela, un pìsego de sàl, 'na scorsa de limòn gratà, aqua fresca parché deventa morbido. Lassàr sponsàr l'impasto par n'ora. Dopo ciapàr 'na méscola e disténdar la pasta spessa un scheo. La tortiera la va onta con oio e marmelada. Métar le fete de pomo, 'na spiansà col limòn e infornàr par 40min. 180°. Me racomando de ciapàr pomi de Zevio e Belfior che jè veramente boni!
^ torna su ^
Nadàlin
çinqueçento gr. de farina, dosentoçinquanta gr. de botiér, çentoçinquanta gr. de sùcaro, tri ovi, sesanta gr. de lievito de bira, sugo de limòn, setanta gr. de mandole tritade, sal, gusto de vanilia.
Dolçe a forma de stela a çinque ponte con 'na bogna 'n meso. Impastar i òvi con la farina, el botiér, el sùcaro, el sugo de meso limòn, un poco de aqua e par ultimo un pìsego de sàl e la vanilia. Ciapàr l'impasto e cassarghelo drénto al carateristico stampo. Métar sòra le mandole e sùcaro, infornàr a 150°Tempo 1h.
^ torna su ^
Manso al' Amaron
1500gr de polpa de manso (bò), 1 çeola, 3 salsicie, 1/2 bicér de oio de oliva, 1 litro de Recioto Amaron, 3 cuciàri de farina, sal, péar.
Nel çentro de la carne se ghe buta drento carote e salsicie. Se liga la polpa de manso con un toco de spago. Se trita la çeola e se la sofrìse con l'oio. Dopo averla passada ne la farina, se ciapa la carne farçida nel sofrito e se ghe dà 'na rosolada col vin. Consar el tuto con sal e péar. Lassar cósar a teja querta e a fogo non direto par tri ore. Tajàr a fete el manso, se'l méte sul piato, e se spiansa col sugo (quel de cotura). Completàr con polenta o patate cote..
^ torna su ^
Disionario La Renga
asédo=aceto,
bicér=bicchiere,
binar=raccogliere,
bóiar-bójer=bollire,
botiér=burro,
códega=cotenna,
consàr=condire,
cortèl=coltello,
cósar=cuocere,
cuciàri=cucchiai ,
fàe=fave,
figadin=fegatino,
gratacasóla
=grattugia,
métar=mettere,
miòla de bò=midollo
molona=testa,
panséta=pancetta,
paparele
=pappardelle,
parsémolo
= prezzemolo,
péar=pepe,
pése=pesce,
pirón=forchetta,
pìsego=pizzico,
pomo=mela,
ponsàr=riposàre,
radécio=radicchio,
resche=lische,
sèleno=sedano,
gulmarin=rosmarino,
sofrisàr=sofriggere,
strìcole=strisce,
sùcaro=zucchero,
tendarine=tenere,
zeola-çeola = cipolla
zontàr=aggiungere.
asédo=aceto, bicér=bicchiere,binar=raccogliere,bóiar-bójer=bollire,botiér=burro,códega=cotenna,consàr=condire,cortèl=coltello,cósar=cuocere,cuciàri=cucchiai ,fàe=fave,figadin=fegatino,gratacasóla=grattugia,
métar=mettere,miòla de bò=midollo molona=testa,panséta=pancetta,paparele=pappardelle,
parsémolo= prezzemolo,
péar=pepe,pése=pesce,pirón=forchetta,pìsego=pizzico,pomo=mela,ponsàr=riposàre,radécio=radicchio,resche=lische,sèleno=sedano,gulmarin=rosmarino,sofrisàr=sofriggere,strìcole=strisce,sùcaro=zucchero,tendarine=tenere,zeola-çeola = cipollazontàr=aggiungere.