La me morosa quando la sc....
Se pol sentirla a star distanti un mio;
Se par disgrassia la se càta in Cesa
La smorza i lumi che la gà de drio!

Un giorno un poro prete che 'l l'à itesa
El s'a messo a sigàr: << ma Signor mio,
E'-lo un rispeto? questa l'è 'n' ofesa
Par la Casa santissima de Dio! >>

E me morosa da la lengua s-cieta
Come 'n galeto la ghe salta su:
Sior Reverendo, l'ò tegnuda streta

In fin che proprio n'ò podudo più!
L'è inutile star lì a pensàrghe sora;
Gh'è manco largo drento che de fora!