El magnàr in tòla e la Carne

La rubrica de la cusìna in tòla nel segno de la tradissión veronese. Parlémo de "secondi", la carne, quela bona, che catémo su par le nostre montagne o ne le zone de campagna.
L'importante l'è magnàr quel che vién tirà su ne le nostre tere. Par ci magna solo verdura ghe convién saltàr questa parte, anca se, no i sà cosa se perde. Brustolàr do fete de polenta co' vissìn un bel toco de brisòla in compagnia, l'è el massimo. Me racomando, al sangue o ben cota, l'importante l'è ciamàr che vegnémo a tastàr....






MANSO A L'AMARÓN

manzo
Cosa ghe vol:

- 1500gr de polpa de manso (bò),
- 1 çeola,
- 3 salaméle,
- 1/2 bicér de oio de oliva,
- 1 litro de Recioto Amarón,
- 3 cuciàri de farina, sal, péar.

Come far: 
Nel çentro de la carne se ghe buta drento carote e salaméle. Se liga la polpa de manso con un toco de spago. Se trita la çéola e se la sofrìse con l'oio. Dopo averla passada ne la farina, se ciapa la carne farçida nel sofrito e se ghe dà 'na rosolada col vin. Consàr el tuto con sal e péar. Lassàr cósar a téia querta e a fogo non direto par tri ore. Tajàr a fete el manso, se'l méte sul piato, e se spiansa con el sugo (quel de cotura). Completàr con polenta o patate cote..
 

Pin It