Dame 'na man

Se te vol darghe 'na man al nostro Diretòr, te femo de le proposte che no te podarè dir de no.
Se te si un veronese che vive nel mondo, la possibilità de colaboràr l'è diese volte superiòr de ci vive in Italia. Le rubriche iè oltre 50. Tién presente che qua nissùn ciapa schèi e che la figura del volontario l'è la sola. In pratica o te gh'è passión o no te si de La Rena Domila ! La politica no la gh'è, no se parla de questo argomento sul sito e nissuni de ci vol dar 'na man, deve èssar iscrito a un partito. La Rena Domila deve restàr indipendente e fora dai zughi politiçi. I sponsor no i gh'è, o in caso contrario el pagamento l'è in natura se l'è un frutaròl, un saco de pàn se l'è un pistòr o un cunèl se l'è un becàr. Tanti schèi o gnente! Par 100 euro no volémo èssar ligà. Te pol colaboràr anca regalando un libro o del materiàl tenologico ecc..

 

 

COLABORA CON NOANTRI

Se te vol mandàrne foto, poesie, scrìvar articoli, parlàr de storia ecc., (o anca un poche de congratulassioni... ahahah) basta 'na meil al'indirisso redassion@larenadomila.it specificando la rubrica interessada. La Redassiòn dopo avérghe pensà sora Te darà istrussioni su come spedìr el materìàl, par le poesie e articoli no gh'è mai problemi. No l'è dito che la to proposta la possa 'nar ben. Inveçe, se tuto va ben, vegnarà publicà e te ricevarè 'na meil. A 'olte el materiàl pol èssar publicà a distansa de mesi, se l'argomento parla de Nadàl ma semo a marso te capiré che publichèmo la roba de Pasqua! I articoli no i deve èssar longhi più de dieserighe@larenadomila.it

COLABORA CON NOANTRI DA LA PROVINCIA

Se te vivi in Provincia de Verona e te vol far conòssar la to contrada, la to festa o el to paese in tuto el mondo, basta che te spedissi un articolo a redassion@larenadomila.it co' informasioni utili, storia e curiosità, da publicàr ne la notissie, 'na 'olta al mese o ogni du. Prima de publicàr qualcosa vién sempre vardà el to materiàl da la Redassión e no l'è dito che vaga ben. Quindi no insustarte! Se vol far conòssar la to festa, vegnémo fin da ti con un contributo spese de un risoto a testa!

COLABORA CON NOANTRI DA FORA ITALIA

Se te vivi a l'éstaro, compreso Màntoa oe te vol far conossar el to paese in tuto el mondo o parlàr con altri Veronesi o Veneti, La Rena Domila te mete a disposissión una pagina. Basta che te mandi a redassion@arenadomila.it o mondo@larenadomila.it
 1-una to foto con el paese,
 2-una foto del paese,
 3-una breve descrissiòn su de ti e el to paese, ricordi de la tera d'origine e tuto quel che te passa par la molona.
 4-un breve articolo de dièse righe, quando te pol o ogni mese che'l verà publicà ne la rubrica La Rena Mondo. Altrimenti spedissi una to foto e un breve articolo che vegnarà publicado entro pochi giorni, se va ben a la Redassión ne la rubrica La Rena Mondo e/o La Rena Notissie.

PAR CI CAPISSE MA NO SCRIVE EL VERONESE

Scrivi el to articolo in Italiàn, se te gh'è paura de far figure magre, parò, ocio, la Redassión, la publicà solo in veronese. Se ghe ne vàl la 'pena ghe sarà la tradussión e dopo, vegnarà la publicassión; i tempi iè piassé longhi visto che ne toca laoràr piassè.

PAR SEGNALASSIONI MANIFESTASSIONI O EVENTI

Le rubriche prinçipali del sito le vién agiornà una volta al mese mentre i articoli a seconda de le situassioni. Quindi segnala la to festa, un mese prima de l'evento anca par un discorso de visibilità. Se te gh'è un evento importante da farne presente, urgente, ricorda che 'l can no moe la coa par gnente!