Canpionato Dialetàl

El Canpionato del mondo de le tradissioni veronesi, un qualcosa de unico, par imparàr qualcosa e portàr la veronesità nel mondo. Ognuno de voialtri pol parteçipàr e no costa gnente, l'importante l'è gòdarse. Ogni canpionato finisse co' la consegna de le pergamene e dei premi durante la serata evento, par darghe la possibilità a ci pol, de incontrarse, far do ciàcole e passàr un momento in alegria. Varda le foto, lèsi le dimande e le risposte de l'ultima edissión.

 



REGOLAMENTO CANPIONATO 2018

REGOLAMENTO CANPIONATO

REGOLAMENTO CANPIONATO v.2018

El Diretòr el farà de le dimande (da 8 par turno) che'l spedirà via imeil
(par 3 turni) a tute le squadre parteçipanti su:
-Parole dialetali -Storia de Verona, Provincia, Carnevale Veronese
-Cruciverba e Anagrama
-Cartoline vecie de Verona e Provincia
-Foto su l'arte a Verona e de cantoni sconti de Verona e Provincia
-Poesie
-Cultura Moderna Veronese
Le squadre le dovrà rispòndar entro un dato periodo (vedi p.4.1) al'indirisso Questo indirizzo email è protetto dagli spambots. È necessario abilitare JavaScript per vederlo.

ISCRISSIONI - dal 1 marso al 15 aprìl 2018 - Min 10 / Max 20 squadre
(in caso de nùmarose richieste el nùmaro pol aumentàr)
Par iscrivarse bisogna lésar tuto el regolamento e scrìvar a Questo indirizzo email è protetto dagli spambots. È necessario abilitare JavaScript per vederlo. specificando:
-Nome dela Squadra (es. Paese, soranome, roba da magnar o qualsiasi altra cosa che la g'à a che far Verona e la cultura Veronese)
-Nùmaro Conponenti: da 2 a 4 Veronesi Provinsia – da 1 a 4 Veronesi fora Provinsia – 6 se presenti dei parenti (es.moiér o fioi ecc.) – Squadre miste da 1 a 4
-Nome o Soranome dei componenti (gnente cognomi)
(L' è vietado canbiar i componenti durante el canpionato)
-Indirisso I-meil del capitàn dela squadra (par ci vol anca un secondo indirisso) L' indirisso no'l pol essar canbià durante el canpionato.
-Logo de Proveniensa
-La Diression ve spedirà via imeil la conferma d'iscrission entro 24 ore da la data de spedission de la vostra imeil con un codice identificativo de squadra.
-Una 'olta iscriti vegnarà spedì la locandina ricordo del canpionato.
-No pol partecipàr al Canpionato ci l'è membro o ci l'è stà membro de la giuria (e relativi familiari) e/o ci colabora nel sito con rubriche storiche, cruciverba, proerbi, modi de dir. Ci l'a protestà o invià imeil de protesta no pol parteçipàr.

1.Canpionato:
1.1 Canpionato Dialetàl su 3 turni.
1.2 El Canpionato l'è a giron unico

2.Puntegio:
2.1 El puntegio el vien somà dal'inissio a la fine del canpionato. puntegio I° Turno + II° turno + III° turno.
2.2. In caso de parità de puntegio se varda ci l'à sbajà de manco.
2.2.1 Se persiste la parità se varda l'ordine de arivo dele risposte. Se in questa speciàl classifica la difarensa la risulterà inferior a 50 punti le squadre le sarà classificade a pari merito.
2.2.2 L'ordine de arivo el sarà convertì in puntegio e vegnarà publicado: es: 1° punti 200 - 2° punti 170 - 3° punti 160 ecc. (oviamente el vegnarà somà par tuti i 4 turni) tegnendo conto de velocità (1°-2°-3° ecc), giorno d'arivo (1°giorno-2° Giorno ecc), erori comessi ne le dimande.
2.3 La clasifica del canpionato la vegnarà publicada dopo 3 giorni dal termine del tempo de risposta.

3.Dimande:
3.1 El Diretor el spedirà a tute le squadre le dimande via imeil, sié par turno. Se par motivi tenici le squadre no le riceve le dimande, bisogna consultàr obligatoriamente el sito.
3.2 Come zà specificado ne la "Presentassion" le dimande i è divise par categorie
3.3 Le Dimande le vegnarà spedì la sera prima de la data stabilì entro le ore 22. In caso de problemi la giuria Ve risponderà entro 24 ore da l'invio de la "richiesta d'aiuto".
3.4 "No serVe essar poeta!" - Inventa 'na Poesia... La Poesia sarà composta in 8 righe; a esempio le righe dispari le sarà inserì dal Diretor (dopo aver siélto da le poesie del Berto) mentre le righe pari da le squadre. Deve vegnér fora 'na poesia de senso compiù. Vien premià soratuto "l'idea" e la "fantasia". Par eventuali erori de ortografia seremo un ocio, basta che no sia gravi da impedir de capir el senso, fasemo nojaltri le eventuali coressioni prima de publicarle. Le poesia le vegnarà composte a partir dal primo turno. 8 righe (se in più e in manco el voto sarà 0)

Un esempio:
Diretor: Eco qua mondo pitoco
Squadra: ...la balada de l'oco!...
Diretor: Drito in meso a la cusina
Squadra: ...su na teja picenina...
Diretor: Me comare moscardina
Squadra: ...ghe da 'na saladina...
Diretor: Che bisogna festegiar
Squadra: ...che diman 'ndemo al mar!

3.5 "Coeficente de dificoltà" se la squadra lassa le righe ne l'ordine proposto dal Diretor, le g'avarà un puntegio piassé alto. Se una squadra vol missiàr l'ordine de le righe proposto, ghe vegnarà cavà 1/2 punto.

4.Risposte:
4.1 Tempi de risposta via imeil a Questo indirizzo email è protetto dagli spambots. È necessario abilitare JavaScript per vederlo.
I° Turno: dal 18-28 aprìl 2018
II° Turno: 04 april - 14 maio 2018
III° Turno: 21-31 maio 2018

4.4 Se pol rispòndar a partìr da le ore 12 del primo giorno (ci risponde prima, el vegnarà considerà come ultimo a rispòndar).
4.5 Ci risponde: un giorno oltre el termine stabilido ghe vegnarà cavà 5 punti du giorni oltre el termine stabilido el vegnarà cavà 10 punti ci no risponde el vegnarà espulso
4.6 Ogni 'olta che se spedisse le risposte a Questo indirizzo email è protetto dagli spambots. È necessario abilitare JavaScript per vederlo., in automatico Ve sarà spedì un imeil de ricession da parte de l'organisassion. Se par caso non Ve 'riva la risposta de ricession entro poche ore, vol dir che l'organisassion no l'à ricevù nissun imeil da parte Vostra.
4.7 Ci risponde in maniera justa a tute le dimande e in poesia el ciapa almanco 6 (soto al 6 l'è considerà eròr), entro el 21 april nel 1° Turno -entro el 07 màio nel 2° Turno -entro el 24 majo nel 3° Turno, el riceverà in regàl 2 punti in più in classifica a la fin del canpionato. Con 1 eror 1 punto.

5. Par i partecipanti: A tuti i partecipanti che i à risposto a tuti e tri i turni, ghe vegnarà spedì via imeil el diploma de partecipassion....

Premiassion Sabo 9 Dugno ore 21, ne la sala culturàl de San Roco a Quinsàn. A le prime 3 squadre classificà ghe vegnarà consegnà la "Pergamena de la Veronesità".

5.1 Premi de Categoria
La squadra che risponde in maniera completa a le dimande (zontando altre informasioni a la risposta da dar) la gavarà el dirito al premio "Secia" e al capitàn ghe vegnarà consegnà el premio "Testina da Brodo". altri premi:
Premio Asso de Cope = A la squadra seconda clasificada
Premio Sinpatia = Par el nome pi bel votà da le squadre partecipanti
Premio 8° Concorso Poesia Barbarani = A la poesia pi bela
Premio Mastino = A le squadre più combative che le rimonta almanco 8 posissioni in tri turni.

p.s. Ci parteçipa al canpionato l'è obligà a presentarse a la serata de premiassiòn co' almanco un componente (a parte i veronesi fora provinsia). El canpionato l'è 'na festa par Verona, par ci parteçipa e par ci organisa che ghe mete l'ànima, la Vostra presensa l'è fondamentàl par la riussida!

6. Concorso de Poesia Berto Barbarani: A la poesia più bela (p.3.4) vegnarà consegnà una cartolina-diploma inedita del grande Berto Barbarani. Par entràr tra le candidate al premio, te devi rispòndar in maniera giusta a 1 dimanda par ogni turno.

7.Reclami: IscrivendoTe al canpionato, Te si d'acordo sul regolamento in tuti i so ponti chi de sora indicadi e del giudissio insindacabile dela Diression. Dunque l'è proibido reclamàr. Ci reclama durante el canpionato el vegnarà espulso.

8.Conclusioni: Lo spirito justo par partecipàr al Canpionato l'è: -Averghe voja de imparàr qualcosa de novo. -Contribuìr con la propia sapiensa a la divulgassión de la nostra léngua. -No preocuparse se i risultadi jè negativi, non sà mai finìo de imparàr. -No 'bandonàr el Canpionato in corso, bisogna savér ciapàr anca i risultadi negativi, avendoghe così anca rispeto par ci organisa e de ci partecipa. -L'importante l'è parteçipàr, parchè quel che deve vìnsar l'è la léngua veronese.

P.S. Come da lege su la Privacy i dati de persone, indirissi imeil dei partecipanti non vegnarà ne distribuidi e ne publicadi sensa l'autorisassión dei interessadi su internet o altri sistemi de comunicassión. Questi dati i vegnarà utilisadi solo par comunicasioni tra La Rena Domila e i interessadi par invio dimande e/o comunicassioni relative al canpionato o al sito.

I CANPIONATI - LIVRE D'OR

I CANPIONATI - LIVRE D'0R
Edissión 01-2000 Primo Canpionato - Viva la pearà
Edissión 02-2000 Trofeo Barbarani - Viva la pearà
Edissión 03-2001 Trofeo XII Apostoli - Viva la Pearà
Edissión 04-2002 Trofeo Botega del vino - I Tri Dotori
Edissión 05-2003 Trofeo Papà del Gnoco - El Cavàl de Gonela
Edissión 06-2004 Trofeo Verona Rateriana - I Cavassini
Edissión 07-2005 Trofeo Tomaso Da Vico - La Famèja
Edissión 08-2006 Trofeo Porta San Zèn - Fritàja co'la sèola
Edissión 09-2007 Trofeo de l'Adese - Straca Massele / Bala che vegna
Edissión 10-2008 Decimo Canpionato - Butelèti sensa buganse
Edissión 11-2009 1°Trofeo Al Camiere - Fritàja co' la sèola
Edissión 12-2010 2°Trofeo Al Camiere - Le Ave Mate
Edissión 13-2011 3°Trofeo Al Camiere - I Du Falcheti
Edissión 14-2011 Cenpions Lig Trofeo de Santa Lussia - Taca la cola
Edissión 15-2013 4°Trofeo Al Camiere - Pescantinopoli
Edissión 16-2014 5°Trofeo Al Camiere - Fritàja co' la sèola 
Edissión 17-2015 Trofeo Sandokan - Dighe ochi ti a le ànare
Edissión 18-2016 Trofeo San Roco - Élo gnente?
Edissión 19-2017 2°Trofeo San Roco - Le Ave Mate


>> tute le edissioni

SQUADRE PARTECIPANTI 2017

SQUADRE PARTECIPANTI
01-Briscola & scartin + tajèto 3 Verona
02-Taca la cola 4 Ceo
03-Ave Mate 3 Sanguinè/Regio Emilia
04-Ganassoni 2 Toronto (CAN)
05-Elkjaer sindaco 2 Stadio Golosine
06-Fritaja co' la Seola 2 Verona
07-Veciadespade.it 2 Bussolengo/Verona
08-I 3 Farfarei e so sio Fanfaro 3 Stadio e San Michèl
09-I Fioi del Bandàr 2 Stadio/Borgo Milàn
10-Polenta Paulista 2 San Paolo (BRA)
11-I Cavalèri 5 San Roco de Quinsàn
12-Dighe Ochi ti a le ànare 4 Bècasiéta/Setimo Pescantina
13-Gnoche de malga 4 Lugo de Gressana / Breòni
14-Gratacasóla 4 Verona

DIMANDE & RISPOSTE 2017

DIMANDE & RISPOSTE 2017

PRIMO TURNO

1. Verbo da "Barbièr" p.3:
a) sforbesàr
b) sforconàr
c) sfragolàr

2. Verbo da "Campana" p.3
a) sbafàr
b) sbatociàr
c) sbalàr

3. El 2 de agosto del 1919 s'à smigassà in tanti tochi, un "triplano da viaggio" tra Porta Palio e Porta Noa. Ci gh'era tra la vintina de persone su l'aeroplàn? p.5:
a) l'ex sindaco de Verona
b) l'inventòr de la pizza al tàio
c) l'inventòr del Giro d'Italia (presente su internet, archivio storico La Stampa)
d) l'inventòr del panetòn

Quel che ghera su l’aeroplan le Tullo Morgagni aministrador e giornalista de la “Gazzetta dello sport” e soratuto inventor del giro d’Italia. L’ato ne nassita del giro d’Italia l’e datà el 5 agosto 1908 (Ave Mate)

4. Secondo l’Ente Fiera de Isola de la Scala e le riserie, la nova riçeta del Risoto a l’Isolana deve ‘verghe: p3
a) Solo vedél
b) Solo porco
c) Più vedèl che porco
d) Più porco che vedèl (presente su internet, sito ente fiera)

La nova riceta del risoto a l’isolana data dal chef Giorgio Gioco e adotà da l’ente fiera del comune de Isola de la Scala el prevede par ogni chilo de riso 600 gr de lombata de porco e 200 gr de polpa de vedel magro. (Ave Mate)

5. Drento l’Ossario de Custosa catémo un bel mucio de ossa de soldà italiani e austro-ungarici. Ma quante cràpe i è presenti? p.3
a) 894
b) 1894 (presente su internet, sito ossario) 
c) 2894

(Ave Mate) Le crape de l’ossario de Custoza j’e 1894. L’ossario le sta voluo dal prete del paese Gaetano Pivatelli par racogliar i osi dei soldà austriaci e italiano morti ne le guere d’indipendensa. L’architeto che’l l’a progetà el se ciamava Giacomo Franco da Verona, l’opera le sta inaugurà el 24 giugno 1879.

6. Questo afrèsco l’è presente: p.5
a) Domo
b) S.Zèn (bastava nar in césa)
c) S.Gioàni in foro
d) Santa Nastàsia
e) altro....

L’orologio afrescà l’è presente a San Zen ne la zona presbiteriale. L’è de la fin del 1400, e el presenta una dopia numerasion de numari romani e arabi par far capir mejo e a tuti i numari (Ave Mate)

foto dimanda

7. Ne la vècia cartolina semo a: p.5
a) Tregnago
b) Montorio (presente su internet, campanìl césa lago Squarà sx e Molìn a dx)
c) Volargne
d) San Gioàni Larión

Ne la vecia cartolina gh'è rapresentà l’asilo d’infanzia “Regina Margherita” de Montorio. Inaugurà ne l ‘ano 1904 con tanti sforzi e par la tenacia de la volontà popolare. L'è sta fata parfin ‘na loteria de beneficensa par l’asilo con i biglieti vendui a 50 centesimi par un primo premio de un valor de 800 lire: un par de bo. (Ave Mate)

foto dimanda

8. Se catémo a: p.3
a) Madona de Dossobón
b) Moruri
c) Menà (presente su internet)
d) altro……

foto dimanda



2° TURNO

1. Tacà a la porta (p.3):
a) Càncano 
b) Càncàn 
c) Canàia

2. Su le scale (p.3)
a) pàto 
b) pantegàna 
c) piòpa

3.(p.5) El 5 agosto del 1905 riva el cinema drènto La Rena co' la proiessión "fantastica colorata" de:
a) King Kong
b) Cabiria
c) Viàio ne la luna
d) Vintimila leghe soto i mari (Le prime do i era oltre el 1915, Viaio ne la luna l'è del 1902 ma quela proietà ne la Rena el 5 de agosto 1905 l'è Vinti mila leghe soto i mari. El titolo l'era 20,000 Leagues Under the Sea, regia de Wallace McCutcheon (1905), cortometragio de 18'. Dopo gh'èmo le versioni del 1907, 1916 e tante altre dopo el 1945. 
e) altro specificàr….

4. (p.3) Par la produssión del vin bianco de Custosa, ghe vol de le uve ciapà da le vigne de Trebiàn Toscàn, Garganega, Trebianèl, Malvasia, Riesling Italico, Pinot bianco, Chardonnay, Manzoni Bianco e:
a) Bianca Domenica
b) Bianca Fernanda
c) Bianca Alighieri
d) altro specificàr….

5. (p.3) Questa foto l’è stà scatà da:
a) Rìole
b) Monte de S.Ambròso (No l'era da indicàr el paese ma da andóe l'è stà scatà) 
c) S.Giorgio ingànapoltrón

foto dimanda

6. (p.3) Questa cartolina la ne dise che semo a:
a) Ponte Novo a Verona
b) Albaredo
c) Pescantina
d) San Bonifacio
e) altro specificàr.......

foto dimanda

7. (p.3) Questo tochetìn de quadro de l’800, andòélo ambientà?
a) Piasseta Tirabosco
b) Via Ponte Piera
c) Piassa Erbe

foto dimanda

8. Poesia par el secondo turno. Completàr max 8 righe (no de manco), co' fantasia e bon senso; punti da 4 a 7. Se no te rispondi 0 punti, parole italiane/italianisàde 1/2 punto in manco e 1/2 punto in manco se te vol modificàr l'ordine de le righe

Su par i monti e drento de le stale
nele scaèssagne e in meso ai verdi prà
Vache, galine, pegore e farfale
me dise: Primavera lè rivà !
Me mete intorno un giùbilo, un bisogno
de ridar e de volerghe a tuti ben
Dio no svejème, che son drio che sogno
che la vita l’è bela come che la vien. Fritaja co' la sèola (v.7)


Su par i monti e drento de le stale
tra el porco, el gal, le anare e l'oco,
vache,galine,pegore e farfale
la nova stagion che riva de boto,
me mete intorno un giubilo, un bisogno .
Arfio el fen, snaso el luame,
Dio no svejème, che son drio che sogno...
son el paron de tuto el reame. Fioi del bandàr (v.7)


Su par i monti e drento de le stale
se spande el profumo de la nova stajòn:
vache, galine, pegore e farfale
le sente el borèsso, le va in confusion.
Me mete intorno un giubilo, un bisogno
de saltar, de ridar, de tornar butìn...
Dio no svejeme, che son drio che sogno
la me Giulieta, che me dà un basin! Briscola, Scartìn + Tajèto (v.7)

TERSO TURNO

1. Persona che va piàn e co' poco fià, disémo che la g'a, una (p.3):
a) Moscaròla 
b) Polegàna 
c) Mostaròla

2. Persona che rompe le scatole e/o che no la g'à voia de far gnente (p.3):
a) Bogón 
b) Braghér 
c) Bocàra

3. (p.5) L'oto de agosto del 1509 dei soldà venessiani i cata a Isola de la Scala el marchese Francesco Gonzaga pronto a ocupàr Legnago. Vién portà in galèra:
a) in camìsa e descàlso
b) vestì da "Pantalòn"
c) co' i cavéi piturà de verde
d) vestì da dona

L’è sta’ questo un avenimento militar che le sta’ ricordà da tute le cronache del tempo: el marchese de Mantoa Francesco II Gonzaga, uno de quei che avéa firmà Cambrai, l’era stà trasferio a Isola de la Scala da Verona, con 50 lance francesi, col proposito de riocupar la perduta Legnago. Ne la vicina Erbè a gh'era de stansa el so amigo Ludovico Pico, sior de la Mirandola, con 100 òmeni d’arme del papa. Eco la descrission dell’episodio come el ne lo dise ne la so cronaca el mantoan Amadei, chel se rifà al Guicciardini, all’Equicola, all’Agnelli e a altri storici. “Avendo avuto aviso i Venessiani che el Marchese e el Mirandolan i stava con le poche loro forze divise e posadi in tere non fortifichè, i gha spedio de note Luzio Malvezzi, Zittolo da Perugia, Piero Spolverini, Girolamo Pompei, el Menteccato, Il Cassino e altri loro capitani, par sorprender el nostro marchese. El Malvezzi el gh’aveva soto el so comando 200 cavalleggeri e Zittolo 800 fanti, fati passar in segreto da Padoa a Legnago, i quali tuti, unii a le soldatesche de sta ultima fortessa ed ingrossè da 1500 paesani, jè ste acostè da varie bande con un falso “chi vive” su l’alba del giorno 8 de agosto al quartièr del Marchese, el quale el se catava in leto bastansa malà ed el g’avea ciamà par farghe compagnia, el so preferio Jacopo Rami e el sior Rovisy, francese e neodo del cardinal Rohano. El primo ataco dei Venessiani le sta contro que le poche sentinele che no le s’avea ancora postè dal so posto, e che jè restè tutte trucidè; ma quando el sa svejà dal rumor de le trupe mantoane con a la testa el Rami, i gha fato tuta la possibile resistensa contro un così grosso numero de armadi. Le lance francesi, inveçe de correr a le armi, jè scapè; par tale sorpresa al Marchese non ghè restà altro tempo se non sotrarse semivestio da l’iminente pericolo de la so inerme vita, butandose fora da na bassa fenestra de la camera e scondendose in un campo de folta sagina o come dise el Mocenigo de meio. El Mirandolàn, che con le altre poche so genti el stava tra Vigasi ed Erbè, sentendo el rumor l'è montà a caval, e difidando de poder aiutar el Marchese, l'à pensà a la propria salvessa, girando le briglie del caval verso la cità de Mantova e darghe la triste notissia. Ricolmo intanto el Marchese de pensieri sdegnosi e agitè, nel campo de sagina indoe el s’avea sconto, qua le sta trovà da alcuni contadini, ai quali el ga promesso bone somme de schei se i le portava in salvo. Ma i vilani infigardi, imbroiandolo con bele parole, i ghe lo ha da’ ai so nemici, i quali, contenti de un tal prigioniero de alto affar, i la mandà ben scortà la sera stessa a Padova e la matina seguente a Venessia che le andà a festa. Le sta tegnù prigioniero par quasi un ano subendo anca de le umiliassion. Grassie a l’intervento de so mujer Isabella d’Este e del papa Giulio II le sta liberà. In cambio però la dovù darghe come pegno so fiol piassè picolo Federico che la vissuo cossì a la corte papale (Ave Mate).


4. (p.3) Questo tochetìn de quadro del 1853, el ne parla de la costrussión del ponte de la ferovia. andòélo ambientà?:
a) Parona
b) Verona
c) Peschiera de Carlo Ferrari

foto dimanda

5. (p.3) La foto scatà prima del 1945, la ne dise che semo soto al:
a) Ponte Navi
b) Ponte Novo
c) Ponte Castélvècio
d) Ponte Pièra

foto dimanda

6. (p.3) Cosa ghe vol par far un bon Mandolato de Cologna in compagnia de Màndole, Mièl e Sùcaro?
a) Sirése
b) Menta
c) Ciàra de l’ovo

7. (p.5) Nel 1937 un inglese de 63 ani l'à nodà da Campión a Malsésen (Malcesine) par un totàl de 7km in:
a) 2h e 30 minuti
b) 5h e 15 minuti
c) 58 minuti e 30 centesimi
d) l'è morto de crepacòr al km 6

Un serto Weitte de nassionalità inglese el se cataa in vilejatura ne' nostro paese, l'era un nodador brao e l'à compiudo la traversada del Lago de Garda partendo da la riva bressiana a quela veronese. L'era partio da la sponda bressiana a le 12,30 e lè rivà a Malsesen sensa mostrar strachessa. L'era scortà da 'na barca guidada da un serto Giacomazzi Benedetto che l'a seguido el Weitte fin a la riva de Malsesen. El brao nodador l'è stà festegiado dai vilejanti de sta stajon (I Fioi del Bandàr)

8. Poesia par el terso turno. Completàr max 8 righe (no de manco e no de più), co' fantasia e bon senso; punti da 4 a 7. Se no te rispondi 0 punti, parole italiane/italianisàde 1/2 punto in manco. Te pol missiàr le righe come te vol.

Ma, se l'è legna suta
parchè mai stò fumo?
Buta su legna, buta
e mi nel fogo rumo.
Se un stisso verde el rusa,
el s-cioca e po' el s-ciopa
e mi lasso che el rusa
parchè la sarà legna de piopa.
(I Fioi del Bandàr v.7)


FOTO PREMIASSIÓN 2017






 
// Podarìa interessarte
Canpionato + Tamara SuperEnaloto  Tarochi + Test Veronesità  CruciVerona



Pin It