LRNotissie: Fusión tra comuni, co' calma

Fusión tra comuni, co' calma
Fusión tra comuni, co' calma
Fusión tra comuni, co' calma

L'è da un poco de tempo, almanco un ano, che se pensa a come métar insieme più comuni par sparagnàr schèi. Forse, podarìa èssar la 'olta bona, ma bisón spetàr el referendum. Entro fine 2017, in teoria se vota in 4 comuni, Roncà, San Gioàni Larión, Caldièr e Belfiór, i primi do i dovarìa dar vita al Comùn de "Valdalpón" mentre i altri do "BelfiòrCaldièrTerme". Quèl tra Roncà e San Gioàni Larión, disémo, che pol un métar insieme quasi 10 mila abitanti e ciapàr più forsa co' un nome specifico, che sia façile da catàr su le cartine geografiche. L'altra fusión la supera i 10 mila abitanti, ma la diferensa l'è ben diversa, Caldièr l'è ben più grande de Belfiór. No se capisse se a livèl de contributi sià un afàr, se i servissi par i çitadìni i sia mèio o se tuto resta solo ne le promesse eletoràli. Soratuto, semo sicuri che i çitadini i sia contenti? Semo sicuri che tuto sia stà ben spiegà a la popolassión. Un tempo se parlaràva de métar insieme i comuni da Negràr a Sant'Ambròso soto el nome de Valpoleséla; el nome el te descrive ben la zona, ma anca in quèl tempo no se n'a fato più gnente, la zènte l'à deciso cossita, forse no l'era un afàr. Vedémo dal 2018 quanti comùni sparisse e quali i nassarà.





Pin It