La Rena Londra (LRLND)

londra
londra
Saludi da la Redassión de Londra, magari in questa pagina no gh'è segnalà tanta roba, ma dovì savér che La Rena Domila l'à contribuì a creàr uno dei più importanti siti internet par italiani in tera inglese. Lì podì catàr tute le informassioni par vìvar o par passàr una vacansa a Londra. Se par caso vegnì qua, podì far un fis-cio e organisémo un incontro co' altri veronesi, co' La Rena Domila e Italiansunited!







Saludi da Sebi

Caro Veronese che te ste lesendo queste du righe, spero de regalarte un poco de Londra 'ista coi oci de n'emigrante e magari, che ti, foto sebicon le to imeil te me fassi rivìvar l'emossion e l'aria de la me Verona. Son Sebi (come i me ciama a Verona) Son meso Veronese e son italianssta li dal '84 fino al 2000. Son vegnuo via da Verona parchè me sentìa che non gh'era possibilità de cariera e vedéa che le aziende che ho passà non le volea mia investìr. Cosi son vegnuo a Londra, che al livèl de laoro, l'è stà la me miglior decision mai fata. Ma.....La mancanza la gh'è soratuto dela fameja, montagne, lago e grande serate a briscola col fiasco de vin. E l'è par questo motivo che adesso son drio a çercàr altri veronesi a Londra, che i gà el me stesso interesse de catarse ogni tanto par na pissa o par bear un goto cantando e zugando. Sfruto sto sito de Verona par far un punto de incontro par i Veronesi a Londra e par racontarvi un poco la storia dei italiani che vivono al'estero.



Serve 'na màn?
- A Holborn nel quartier Italian i nostri emigranti i gà un ritrovo dove poder far quatro ciacole, zugar a briscola e biliardo. El punto d'incontro l'è sula Clerkenwell Road nela parochia de Holborn in una casa su più livei in stile rustico, come na baita de montagna. Al primo pian catemo i buteleti che zuga al calceto, al secondo pian el bar dove ghe i veci impegnadi con la briscola, mentre al terso " teenagers o butei" con el biliardo. El belo l'è che in questo ritrovo confluisse italiani de tute le regioni e l'è facile che un Veneto el parla con un Napoletàn o un Siciliàn con un Piemontese. La zente la fa amicissia sensa problemi e  jè disponibili a conosserte. E così anca se te si lontan da casa, te par de essar in Italia e la nostalgia la se fa sentir un po manco. Come se magna a Londra alora, la prima roba che vien da dir l'è che in generàl se magna mal.... ma solo parche' noialtri veronesi semo abitue' a magnàr gran ben! In realta' basta savèr dove andàr e sopratuto ...acontentarse! La bela roba sicuramente l'e' la siélta: caminando par le vie del çentro de Londra se pòl trovàr tuti i tipi de cusina de tuto el mondo, quindi se uno el se sveja na matina e ghe vien voia de magnàr libanese, par modo de dir, a Londra el pòl torse sto sfisio. L'unico problema l'e' che come tute le çita' turistiche magnàr in çentro l'e' piu' caro, e quando digo caro entendo, TANTO CARO. El costa meno prenotàr un volo con una compagnia aerea economica, végnar a Verona, magnarse una bona pissa e tornar endrio, che magnàr na pissa italiana a Londra. Ve vegnara' da ridàr, ma l'e' proprio cosi! Certo l'e' parchè semo fortune' che ghe la "Roia air" (sensa ofesa, l'e' la version veronese del nome dela compagnia...) podemo vègnar a Verona con piu' o meno 50 euro a testa, ma putropo miga tanti altri nostri conasionali che sta un po' piu' a sud i gha' sta fortuna. Comunque, dopo tante ciàcole sara' meio che ve do qualche consilio pratico se par caso ve capita de vègnar da ste parti (la me famea l'e' oramai esperta de tuti sti trucheti visto che i vien a trovarme de spesso). La prima regola l'e' se podi', evitar i posti piu' vissini ai posti famosi che se va a visitàr, Lester scuer, el Bi ben, Uestminster ecc., parche' ie' sempre pieni de gente, ghe poco spassio e anca sporchi dele olte. Ma se proprio g'avì fame i nostri ristorantini preferidi iè quei self service cinesi dove con sinque o sie' sterline se magna finchè se vol e la roba le' bona. Da proàr sicuramente i Fast fud, parchè secondo mi ie' piu' boni de quei veronesi. La pissa l'e' praticamente tuto trane che la pissa come la intendemo noialtri. La sara' alta almeno do' diei e la par na ciunga, l'e la pissa americana, ma anca quela con na diesina de sterline a testa la se pòl magnàr. Se dopo podì spèdar un pochetin de piu' sicuramente andì al pub, che l'e' dove se pòl gustar bire de tuti i tipi, amburgher e fisc end cips che ie' na maraveja. Eco me pàr che piu' o meno vo' raconta' tuto, fasime dir solo l'ultima roba, non stasì a magnàr italiano o pasta, parchè el ris-cio l'e' che non reste' mia contenti del magnàr e sopratuto che quando i ve porta el conto non ve resta piu' schei en scarsela! Viva la peara', i galani e la polenta, eco sa ve digo! Ilaria (la moièr de Sebi)