OmoSignàpola e Pìtaro

La to çità l'è in pericolo? Qualche malvivente l'à cavà i semafori o s'à brusà la Pearà sul fogo? Te pol ciamàr i Paladini de la Giustissia, L'OmoSignàpola in compagnia del Pìtaro, i è pronti a sistemàr i problemi a Goto çity (Gotham çity). Se 'l Sindaco ordina, el comissario Cordoni risponde e ghe passa la bala al Tenente Arà che quasi sempre ciama l'OmoSignàpola che no bisón disturbarlo quando el varda la tilivisión da borghese, ne la so vila su le Toreséle soto el nome de Conte Brulé. Ogni riferimento a persone, bestie o cose l'è puramente casuàl e l'è fruto de fantasia!



LE STORIE DE L'OMOSIGNÀPOLA E DEL PÍTARO
omosignapola picOGNI MESE una storia diversa, ogni mese i Paladini i çerca de risòlvar i problemi a Goto çity. L'OmoSignàpola in compagnia del Pìtaro iè sempre vigili su la çita 'ndóe la Giustissia grassie a lori, trionfa sempre e la delinquensa pol 'verghe solo le ore contà. Cosa l'è sucesso a Goto çity? Storia del mese

OMOSIGNÀPOLA

OMOSIGNÀPOLA
omosignapola
Cosa dir de Omo Signàpola el Paladìn de la Giustissia de Goto çity? Se gh'è rogne el çerca de risòlvarle (quele dei altri nel limite del possibile). Se'l pòl laoràr sensa sfadigàr, sarìa mèio, ma el Sindaco e 'l Comissario i le fa tribulàr. Col so compagno Pìtaro, gira in lungo e in largo la provinçia, par el ben de la comunità contro i delinquenti. No sempre le cose le pol 'nar par el verso giusto, ma le solussioni le va drio a la famosa frase: "mèio el tacón del buso". Par lu la giustissia la deve trionfàr sempre, l'importante l'è no rimetarghe schèi... Batman > Uomo Pippistrello > Omo Signàpola

EL PÌTARO

EL PÌTARO
PìTAROEl Pìtaro, fedele compagno de l'OmoSignàpola, sempre a difesa de la giustissia, El çerca de risòlvar i problemi de la çità ma no sempre le so idee le va ben. Par 'sto motivo, el conta sul servo Alfredo de la vila del Conte Brulè, che vista la so età e la so esperiensa l'è in grado de darghe sempre dei boni consilii. Parò l'è un brào butèl anca se preferisse el stile de vita del Michelasso, magnàr, béar e 'nar a spasso. Robin > Pettirosso > Pìtaro

EL CONTE BRULÈ

EL CONTE BRULÈ
brulèMe racomando de no dirlo a nissuni, ma in verità el conte Brulè l'è l'OmoSignàpola. Quando gh'è rogne el deventa un Paladìn de la Giustissia. Nato da una faméia de imprenditori del nord-est, vive ne la vila su le Toreséle e par scomessa el s'à portà in casa da i campi, un butèl de nome Dino Gresón par farlo studiàr e deventàr 'na persona de tuto rispéto. L'importante l'è far beneficensa par farse notàr da la comunità e tegnér alto el nome de la casata co'l minimo sforso. Bruce Wayne > Conte Brusa el Vin, Brulè

DINO GRESÓN

DINO GRESÓN
dino gresónNato a Minerbe da 'na faméia de contadini, 'ndoe l'à laòra nei campi de la "casata" del Conte Brulè, da un pochi de ani el vive ne la vila su le Toreséle. Nel tempo perso el studia e fa el mantegnù, ma nel momento del bisogno el devénta el famoso Pìtaro, uno dei Paladini de la Giustissia de Goto çity. Dino l'è brào butél, anca se la vòia de laoràr l'è poca. Quando el g'à un segreto el va dal servo Alfredo, che ghe prepara una bona Pearà. Dick Grayson > Dino Gresón.

EL SERVO ALFREDO

EL SERVO ALFREDO
SERVO ALFREDOAlfredo l'è el servo del Conte Brulè, el brasso e la mente de l'OmoSignàpola. Grassie a la so esperiensa de vita el cata sempre de le bone solussioni par el ben de Goto çity. El so desiderio sarìa de 'nar in pensión ma el conte preferisse tegnérlo come tuto-far e pagarlo poco. Grande cogo, custode de la riçèta originàl de la Pearà el fa da magnàr da vero chef. Alfred > El servo Alfredo

COMISSARIO CORDONI

EL COMISSARIO CORDONI
COMISSARIO El Comissario Cordòni de la Questura de Goto çity, l'è la Giustissia in persona. Dopo ani de laòro par le strade de la çità, preferisse la gestión de le rogne da drio a 'na scrivania. Cossita ciama l'Omo Signàpola par risòlvar problemi de trafico, par 'nar drio ai delinquenti o par farghe la spesa. 'Desso el vorìa 'nar in pensión, ma ogni ano, grassie al so impegno, l'è obligà dal Prefeto a restàr al comando de la Questura. El so fido consiliér l'è el Tenente Arà dei Vigili urbani. Commissario Gordon > Cordòni

TENENTE ARÀ

EL TENENTE ARÀ
TENENTE ARA' El Tenente Arà, da ani l'è el servo del Sindaco de Goto çity, par lu, la Giustissia la vién par seconda ne la scala dei valori dopo i schèi. El varda sempre che tuto quèl che'l primo çitadìn dise, vegna fato. Cossita ciama, obliga e delega el so laòro a l'OmoSignapola. El so piato preferì l'è una bona Pasta e Fasòi brustolà, in quanto la ghe riesse sempre cossita e no l'è un brao cogo, ma a l'amigo Comissario ghe piase. Tenente O'Hara > Tenente Arà 

OMA SIGNÀPOLA

OMA SIGNÀPOLA
OMO SIGNAPOLA Questa l'è una butéla d'oro, cressù in una faméia de polissioti. Quando no l'è vestì da Oma Signàpola l'è la fiòla del Comissario Cordoni, segretaria in uno studio legàl. Anca se no par, ghe piàse el Conte Brulè ma èssendo una de l'Associassión Feministe Vegane la se scontra sempre co' lu. L'importante l'è che la Giustissia la regna a Goto çity e anca èla la vol dar el so contributo, parò so pare l'è contro l'idea far laoràr le done ne la Polissia. Batgirl > OmoSignàpola

ZUGATOLÓN

ZUGATOLÓN
zugaUno dei più grandi delinquenti de la çità de Goto çity. Ghe piase schersàr e organisàr rogne, par far deventàr la çità un posto sensa sicuressa. Grassie a le so conossense e a le so origini del sud, el vièn ciamà "Giocattolone" da la malavita. L'è in grado de comandàr al Sindaco, de stamparse schèi falsi e de smorsàr i semafori de la çità par creàr un bel casìn. L'unico problema se ciama Omo Signàpola che riesse sempre a métarghe el bastón tra le rue. The Joker > Zugatolón

MASTRO INDOVINÉL

MASTRO INDOVINÉL
mastro indovinelAnca Mastro Indoinèl l'è un delinquente ma de quèi che no se fa problemi a far del mal. Ghe piàse far schèrsi e far tribulàr el poro Omo Signàpola. Le solussioni a le rogne che se inventa i è sconte drio a l'anagrama del Cruci Verona de La Rena Domila. L'Omo Signàpola no riesse mai a rìsolverle par questo motivo se fa giutàr dal servo Alfredo, fedele "abbonato" The Riddler > Mastro Indovinèl.

LA GATÀRA

LA GATÀRA
la gatàra La Gatàra l'è una bèla bùtela, pecà che dopo la morte dei so genitori l'à preferì darse a droga, fumo e prostitussión. Dopo l'incontro con Zugatolón e Mastro Indoinèl la s'à specialisà in rapine e a come far cascàr a i propi pié, politiçi e imprenditori. Ghe piase i gati, in quanto par éla, i ghe soméia, fedeli quando serve. L'è incredibile, come no la sia mai stà ciapà da la polissia e a finìr al Canpón, ma la so furbissia nei ani l'à contribuìdo a tegnérla in vita. Cat-woman > La Gatàra

 

BATMAN 1966 FANS CLUB VERONA

BATMAN 1966 FANS CLUB VERONA
The 1966 Batman TV Tribute Site - Batman 1966 Fans Club Verona // I personagi presenti ne le storie jè ciapà da la serie Tv Batman 1966 de la ABC Television. Non se vol sassinàr l'imagine de nissuni. Ogni riferimento a persone, bestie o cose l'è puramente casuàl. Testi a cura de Stefano Toffaletti, grafica a cura de Andrea Toffaletti. n.b. Batman e Robin in léngua inglese, Uomo Pipistrello e Pettirosso in italiàn mentre OmoSignapola e Pitaro in veronese. La scrita www.larenadomila.it che se vede su le vignete, la segnala solo che La Rena Domila l'è propietaria dei testi scriti ne le vignete e de le foto de sfondo veronesi, no par i personagi e i screenshot. Questo sito vol valorisàr 'sto grande telefilm ambientandolo ne la nostra çità con la speransa che qualcuno ne daga 'na man par risòlvar i problemi e fasendo conòssar a le nove generassioni el vero batman. Un giorno sarìa belo 'edar el seguito....

 

Serie Tv Batman 1966
El Magnifico telefilm durà solo tri stagioni, ma che l'à lassà el segno anca a distansa de molti ani. El vero Batman.

"Batman" l'è el titolo de una serie televisiva conossuda nei ani '60, che se ispira a i fumeti. La serie l'è andà in onda su la ABC dal 12 genàr 1966 al 14 marso 1968.

-Stagioni: 3
-Episodi/puntate: 120
-Durata: 30' (ogni episodio)
-Colore: color
-Audio: mono

-Creatòr: William Dozier Creatori dei personagi: Bob Kane e Bill Robinson
-Sénegiadura: Lorenzo Semple Jr., Stanley Ralph Ross, Stanford Sherman, Charles Hoffman Produssion: William Dozier, Howie Horwitz

-Atori:Adam West: Bruce Wayne/Batman
* Burt Ward: Dick Grayson/Robin
* Alan Napier: Alfred Pennyworth
* Neil Hamilton: Commissario Gordon
* Stafford Repp: Capitano O'Hara
* Madge Blake: Zia Harriet Cooper
* Yvonne Craig: Barbara Gordon/Batgirl
* William Dozier: Narratore (voçe, non acredità)

Fotografia: Sam Leavitt, Jack A. Marta, Meredith M. Nicholson, Howard Schwartz, Charles Straumer, Ralph Woolsey

Montaio: James Blakeley, Hugh Chaloupka, Byron Chudnow, Ronald J. Fagan, Newell P. Kimlin, Sam Levitt, Bill Murphy, Frank O'Neil, Robert Phillips, Homer Powell, Leon Selditz

Musiche: Warren Barker, Neal Hefti, Nelson Riddle

Sénografia: Franz Bachelin, Jack T. Collis, Ed Graves, Serge Krizman, Russell C. Menzer, Frank T. Smith, Jack Martin Smith

Costumi: Jan Kemp, Andrew Pallack

> El DVD te pol catarlo e cromparlo su Amazon.com
Forum in inglese Batman 1966
> Batman Fans Tribute Site in inglese


Pin It