Curiosità storiche del carneàl

Le curiosità storiche del nostro carneàl a partìr dal 1650. Con queste poche righe te pol savér de le curiosità interessanti e anca cosa l'è sucesso a partìr dal 1650. El vénardi gnocolàr no sempre l'è stà festegià e in molti casi "ridotto ad un insipida farsa". G'avù tante rinàssite, quela più importante grassie al podestà Orti Manara nel 1838 e anca de le disgrassie. Ma quèl che vegnémo a savér l'è la verità sul Sire, che no l'era el protagonista de la Festa. Nel corso dei secoli segnalémo anca la visita dei Reali ne la nostra çità par vardàr la nostra manifestassión.



 
// Podarìa interessarte
Museo + Origini Corteo La Funsión + El Sire Curiosità Tre Màscare Libro

piassa dei signoriLa strage del Vènardi Gnocolàr del 1650
El Vènardi Gnocolar del 1650 l'è ricordà par un fato veramente incredibile. In Piassa dei Signori durante el famoso "Bogón", la sfilada del Vènardi Gnocolàr, el Capitàn Giacomo Venieri a la guida de 'na quarantina de òmeni armadi, vegnù fora da le vie che le sbuca ne la piassa, s'a butà in méso tra le màscare del Bacanàl e 'l Papà del Gnoco. I soldà con una vera e propia assiòn militàr de guera urbana, i à brincà quatro butéi de nobili faméje veronesi mascarà, copàndoli. Alessandro Turco e Alvise Nogarola colpì a la schéna da l'archibugio mentre Agostino Giusti e Francesco Nogarola lassadi in fin di vita àrente a le Arche Scaligere, andòe i s'à sconti. I soldà con Venieri a capo i è scapà sui caréti de le dame sparàndo su la zénte. Ne le antiche cronache del 1650 se parla de una "supplica" rivolta al Consilio Comunàl da parte dei genitori del butéi copà...."Lo spargere il sangue et il vedere caduti a terra questi in felicissimi giovani non mitigò punto la diabolica ferita del Venieri, anzi imperversando maggiormente contro i caduti et spiranti, sbarò scaricando le armi tre o quattro volte archibugiate, con spavento et orrore di chi ciò vide et osservò". No se conosse i motivi de sto grave fato de sangue e al Venieri a quanto par no ghe stà fato gnente. Purtropo el Comune no podéa far più de tanto, se non dirghélo al Doge de Venessia. Gnente giustissia par le faméje nobili veronesi; de 'sta storia, nei secoli, nissuni l'a s'avù più gnente.

Nel 1660 le novità del Doge
Nel 1660 soto el Doge D.Contarini e 'l Podestà F.Grimani s'à podù “'nàr mascarà nel tempo de carnovale, la qual cosa no l'è stà mai vista tempo indrio”

Partensa del Corteo nel '700
In uno dei carnevali del ‘700 se parla de partenaa del corteo “al’ora de nona”

Ferdinando I°
Nel 1778 Ferdinando I° de Borbone e Duca de Parma l'à vardà el nostro carneàl

el corteo da Piassa dei Signori a San ZenL'otosénto e i francesi
Come da le cronache, l'ultimo "Carneàl d'altri tempi" vén festegià nel 1796, ma gnente ne fa pensàr che el vento supià in tuta Europa con la Rivolussión francese el sia riussì a smorsàr zò l'alegria del Carnevàl Scaligero. Anca nel primi anni del'800, secondo quanto riportà da le cronache, vegnéa festegià el "Vènardi Gnocolàr". El pensiér "razionalista" nato dal'"Iluminismo" e con i francesi che a la fin del '700 i era deventà i paroni de Verona no i era riussì a cambiàr la mentalità de la çità. I Francesi par paura de un rebaltón popolàr nei so confronti, come sucesso nel '500, smorsà da Tomaso da Vico, i g'a lassà la tradissiòn ai veronesi.

Un carneàl costa 4.700 lire italiane nel 1806
Un particolàr interessante rilievo, come riporta Tullio Lenotti nel so libreto sul Carneàl veronese publicà da "Vita veronese", l'è nel Vènardì Gnocolàr del 1806. El vice ré Prinçipe Eugenio decreta: "Sposta per l'anno 1806 a disposizione del Prefetto del l'Adige la somma di Lire 6.000 per la festa del Venerdì Gnoccolare". E in più el Prefeto Pio Magenta, nel dar notissia del decreto, el dise come organisàr la festa "con tutte quelle dimostrazioni di esultanza che sogliono accompagnarla". Le 6.000 lire milanesi, (circa 4.700 lire italiane) i era quanto ghe voléa par realisàr l'evento a carico del Comune. "Per palco, palchetti, fontana e steccato, due portoni e statue, con ornati di pini formanti il marciapiedi, e compreso il vino che zampilla da una fontana, e il pane che si fa sortire da una bocca sovrapposta alla figura di Bacco: lire 1.000. Per 58 sacchi di frumento per fare il pane: lire 2.340". Tre sachéti de farina i servìa par far i gnochi da distrubuìr ne la giornada, co' un'altra spesa de 87 lire par 70 libbre de botiér, 87 lire par el formàjo e 787 lire par tri boteséle de vin. Con la farina che restava se faséa 5.350 bine, in pratica "due coppie di panetti di 22 once", 3.600 vegnéa dispensà ai vari invitadi de la contrà, 590 al capo dei Maccaroni e a la so comitiva, 110 al capo dei 100 Camisòti,309 al Gastaldo dei caréti e bine de pan, da butàr zò dal car trionfante longo el corso, 48 ai deputàdi, curato, paroco e 343 par altre persone.

I schèi del Bacanàl par la Gran Guardia
Nel 1812 el Consìlio Comunàl l'à cavà dal bilancio la voçe “sussidio de 4600 lire al Bacanàl” per completàr la fassàda carèto dei mestieri e de le corporassioni(facciata) de la Gran Guardia

El bilancio del carneàl 1813
a) Segnalémo la spesa par “el conservadòr de la testa in pièra che soltanto nel giorno de Festa vén messa sul busto de Tomaso Da Vico” b) L’ispessión de tuta la festa vén fata dal “Podestà del Comune” e “l’economico particolàr" da una Comissión Muniçipàl soto i so ordini”

tomaso da vico e i cavalieriEl podestà G.Orti Manara nel 1838
A l'inissio de l'800 el carneàl l'era messo mal, un "insipida farsa". Dal 1838 grassie al Podestà G.Orti Manara i è stà fate de le modernità:  a) La cavalcata de Tomaso da Vico con 24 cavalieri, b) i caréti Carnevaleschi de le varie corporassioni çitadine da zontàr a quel de la "Bondansa".

1839
Anca nel 1839 gh'è stà un grande sucesso del Bacanàl come i pol testimoniàr i documenti conservà negli Archivi Veronesi; disegni che i vegnéa portà a la comissiòn par un contròl, in caso fusse stà rafigurà un tema politico da censuràr. Nel 1843 scominsia la sfilada a tema-storico con el ritorno in Europa de Cristoforo Colombo dopo scoérta de la Merica. Nel 1848, con l'inizio de le guere de indipendensa, el Carneàl s'a smorsà. La sfilada no sempre l'è partì el vènardì. In caso de piova vegnéa spostà al primo giorno de sol (tra sabo e marti) come nel 1838. A volte a la dominica sfilava solo i càri.reali austriaci


I reàli austriaçi a Verona

Nel 1857 Ceco Bepe I e la principessa Sissi in visita al nostro carneàl

Coriere de la Sera nel 1877
Nel 1877 el primo articolo del Coriere de la Sera sul nostro Vénardi Gnocolàr: "Il carnovale Veronese ha subito la sorte che toccò o sovrasta ai suoi fratelli delle altre città. I classici Gnoccolari non sono più che una plendida quanto lontana memoria. Ogni anno si cerca di risollevarli, ma sono sforzi inutili. Anch'essi come ogni cosa, hanno fatto il loro tempo".

capo de macaroni e tomaso da vico 1869Novi comitati dopo el 1866
Dopo la liberassión de Verona dal dominio austriaco e dopo èssar entrà nel Regno d'Italia, nel 1866, el Bacanàl ritorna, a quel de un tempo. Grassie a la nàssita de noe màscare come el Duca de la Pignata de Santo Stefano nel 1882, e de novi comitati carnevaleschi ne le varie contrade come Santo Stefano e San Giorgio (comitato unificà), San Gioàni in Vàl e Santa Maria in Organo, altri ancora in piassa Erbe e in piassa Bra e via Nova.

Record del 1892
Nel 1892 el record de “càri trionfali”, 31

La rinàssita del 1923
Dopo un pochi de ani tra ciari e scuri, el Bacanàl rinasse nel 1923 con el concorso de la Reginèta de Verona; ogni rión dovéa presentàr la so candidata e la votassión l'era a la sera del vénardi gnocolàr al Teatro Novo con la proclamassión durante la festa mascherada al filarmonico del sabo de sera. Ne la rinàssita gh'è anca grandi personalità de la cultura e de l'arte come Renato Simoni, Angelo Dall’Oca Bianca, Berto Barbarani, Luigi Messedaglia, el profe Avèna, Nereo Vignola. Nel 1927 vèn istituì el premio par el più bel carèto realisà a tema, co' una poesia che vegnéa musicà

A cavàl de la IIa guèra mondiàl
L'ultimo Sire prima de la guera, l'è stà Giuseppe Simioni nel 1932.

incoronassiòn del futuro sireElessioni
Nel 1949 le prime elessioni del novo sire (Oreste Godi) dopo la guera, co' i voti dei capifameia del rion de San Zén, e no più nominà par via ereditaria, come par el Duca de la Pignata de San Stefano. Nel 1950 vién costituì vari comitati compreso quél d'onòr dal Prefeto e con presidente onorario el sindaco, Aldo Fedeli. El primo Sire co' elessión popolàr l'è stà Attilio Martini su' un s-ciào dep5 candidati indicà dai capi-famèia de San Zèn. e se vede l' introdussión de la figura del “galopìn”  Nel 1953 anche l'antico riòn dei Filipini forma un pròpio comitato, co' la màscara de "Reboano Dalle Carceri", impersonà par la prima volta da Berto Pedrazzoli. Nel 1955 anca piassa Erbe entra nel Carneàl, con el "Podestà" e la "Podestaressa".

El golpe
Nel 1957 durante le elessioni, un galopìn s'a sentì mal, magnàndo 'na salamèla ai feri de l'altro candidato. Un scherso de carneàl! Co' questa idea l'a vinto quèl che nel 1958 l'a costituì co' un "golpe" el novo "Comitato Libero di San Zeno". Dal 1960 al 2015 l'è stà Presidente del comitato.


 
// Podarìa interessarte
Museo + Origini Corteo La Funsión + El Sire Curiosità Tre Màscare Libro