La "Funsión del Gnoco"

La "Funsión del Gnoco" l'è un qualcosa de molto importante. Par farve capìr de cosa parlémo bisón pensàr a i primi e veri cortei carnevaleschi. Par darVe l'idea de la "Funsión del Gnoco", portémo l'esempio del 1807 da Piassa dei Signori a San Zèn. Ci gh'era nel corteo e le vie da andòe passàva. Questo l'era el vero corteo, el sire no l'era el protagonista de la festa (ciamà Capo dei Màcaroni), ma Tomaso Da Vico.




 
// Podarìa interessarte
Museo + Origini Corteo La Funsión + El Sire Curiosità Tre Màscare Libro

baldachin par dispensàr el gnoco a san zen
La "Funsión del Gnoco" del 1807

Da San Zèn l'è partì una delegassión mascarà de Sanzenàti verso i Palassi de Piassa dei Signori, par invitàr el governadòr o podestà e le massime autorità:
a) 36 Macaròni, el Capo dei Macaròni sul musso, 48 munàri (mugnài) a cavài, i torcolòti, 100 camisòti, Pompeo, 48 Butèi de la contrà a cavàl
b) una banda musicàl
c) el càro trionfàl tirà dai bò

Rivà la delegassión in Piassa dei Signori i s'à postà tacà a i muri, intorno a la Piassa mentre el Capo dei Macaròni co' el so musso l'è andà su par le scale co' i Macaròni che i urtàva la bestia. L'invito vegnèa fato in Macarònico (volgàr veronese e latìn) al governadòr.  

Dopo l’invito l' partì la bela delegassión co' la zònta de le carosse de le autorità faséndo tri giri intorno a la Piassa a forma de bogón.

El ritorno, longo l'atuàl Corso Porta Borsari, Cavour, Castélvècio e Regàste S.Zèn co' tanto de soldà armà par mantégner l'ordine e parchè no ghe fusse casìni.

Rivà le autorità a San Zèn, el rapresentante çitadìn, l'è andà su par i scalini del "baldachìn dei gnochi" (vedi foto) 'ndóe a 'spetàrlo gh'era el Capo dei Macaròni, pronto, a métarghe in boca, co' el pirón, i gnochi fumanti e ben consà.

Nel locale Abassia i daséa fora el pan, vin e farina a le famèie de la contrà.

Intorno a la piassa gh'era dei palchi, co' presenti tute le classi sociali 'ndóe i daséa el pan e vin a fontane al popolo"

Nel logo de la statua de Tomàso Da Vico, un giro de tòle per darghe da magnàr ai pitòchi.

Finìa la "Funsión del Gnoco" le autorità le tornava indrio ai Palassi, compagnà dai "butèi" a cavàl. El corteo el passàva longo le mura fin a Porta Nòa e a i Portoni de la Bra. I se metéa su do file, una lato volto San Luca e l'altra lato Citadèla. Do “cuccagne” i era posissionà, una in Piassa Bra e l’altra in Corso Porta Nova, co' festa, teatro e magnàr


 
// Podarìa interessarte
Museo + Origini Corteo La Funsión + El Sire Curiosità Tre Màscare Libro