LRNotissie: El verde restà l'è quel del formàio

El verde restà l'è quel del formàio
El verde restà l'è quel del formàio
El verde restà l'è quel del formàio
Secondo el comùn de Verona, gh'èmo 3,45 milioni de metri quadri de verde che noàntri veronesi podémo gòderse. Parò el verde presente in tochi e tochéti de tera i è longo le piste ciclabili, ne le piasse e nei giardini par un totàl del 40% mentre un bon 35% l'è ne le scole, nei parchi zugo e nei impianti sportivi. Quindi, quel messo a disposissión de tuti, ma pròpio tuti no riva gnanca al 50%. Par superàr questa perçentuàl, bisognarìa sistemàr el verde longo i forti e i bastioni co' un bon 12,5%. I vari investimenti par el Parco de le Mura iè ancora pochi, valorisà come sempre dai volontari. El problema che segnalémo l'è anca quèl de la sicuressa, 'ndove pochi parchi i g'a un "ocio" da parte del Comùn. El verde dei veronesi l'è poco, parché seitàr a costruìr case e supermarcà l'è de vitàl importansa par qualsiasi aministrassión. Secoli fa, se parlava anca del Parco de la Spianà, ma no se vede gnente de novo. Al dì de ancó l'è difiçile mantegnér i parchi, a volte gh'è de le cooperative che ghe pensa mentre un tempo solo nel parco de le Colombare se podéa contàr anca 10 giardinieri del Comùn. Se vol far un parco nel scalo dei treni, ma bisón sentìr le Ferovie mentre quel che se podarìa far subito no'l vién fato. Chi vivrà... vedrà 


Pin It