LRNotissie: Vergogna! Rìole sensa museo

Vergogna! Rìole sensa museo
Vergogna! Rìole sensa museo
Vergogna! Rìole sensa museo
El museo de la prima guera mondiàl nato 17 ani fa drento al forte Wohlgemuth de Rìole, el farà "San Martìn" a Borgoforte nel Mantoàn. Questa l'è la fine de l'unico museo su la prima guera mondiàl de la provinçia veronese, una vergogna! Ricordèmo che' 'l Comùn l'à ricevù dal Demanio la costrussión a luio, 'desso cosa vol fàrghene? Ma femo un passo indrio. La Rena Domila nel lontàn 2004 l'avéa fato visita al museo, verto da pochi ani grassie a l'impegno de la famèia Rama. Se ricordémo le parole dei Rama, i sacrifici e tuto quel capità par vérzar el museo e 'verghe roba militàr da tuta Italia. El Siòr Giuseppe e so fiòl Massimo i è andà avanti con el progeto de dar un simbolo culturàl a Rìole. A tal proposito, e forse l'Aministrassión Comunàl la gà la memoria curta, Walter Rama fiòl de Giuseppe a cui ghe stà dedicà el Museo, l'era un bravissimo butèl, che èmo conossù, co' tanto entusiasmo che l'è volà in çièl, lassando parò el so laòro a la comunità. Dovì pensàr che ogni ano de qua, passava 3-4000 persone, la metà da le scole. Emo perso la nostra Memoria! Sui giornài se lèse el dispiasér de la Famèia, dopo al duro laòro e ai sacrifici 'desso se sèra baraca e buratìni. El Comùn cosa l'è riussì a combinàr? In questi ani no gh'è stà tuto l'aiuto che servìa nei confronti del Museo a quanto i dise, soratuto par farlo conòssar. La cosa più incredibile l'è, che ne la provinçia de Verona, a nissuni ghe podéa interessàr un Museo de 'sto tipo. Ci podéa far qualcosa l'è restà fermo a vardàr! Ne piasarìa savér dal Comùn come iè andà i fati e se veramente no se podèa far gnente





Pin It