Provincia In

La storia e le curiosità dei 97 comuni de la provinçia veronese. Un opera dal grande valòr storico. Se parte da la preistoria fin a le belesse artistiche che podèmo vardàr ai giorni nostri, le manifestassioni, e tuto quel che pol valorisàr ogni singolo comùn del veronese. Un qualcosa de grandioso, come ne dise le statistiche, parole scrite 106.416, carateri 362.609, presenti 38 foto, ore laorade 465 e riçerca storica 390 par totàl de 898 ore.


Curiosità

Afi La popolassión l'è quasi tuta conçentrada tra el comùn e le contrà de Cà Orsa, Le Coche, Castèl, Incafi. La parte storica del paese l'è carateristica par le so vie e le case in pièra....Albaredo l'è posissionà 'ndóe el progno Alpón el se buta ne l'Àdese....El nome Angiari secondo i esperti el deriva dal latin "in glareis" ne la giara, molto probabilmente trasportada da le aque de l'Àdese.... Arcole, famosissima nel mondo l'è la batàja combatù nei giorni 15-16-17 noémbre 1796 tra le trupe Napoleóniche e quéle austriache. Par ricordàr 'sto evento l'è stà posissionà nel 1810 un obelisco arènte al ponte su l'Alpón...Badia Calavena El 10 dugno del stesso ano, Papa Lucio III scapà da du ani da Roma e rifugià a Verona el consacra personalmente la cèsa de San Piéro fondà nel teritorio de la Calavena, la val che da Tregnago la menàva fin oltre l'atuàl Badia. Nel 1287 el Vescovo de Verona Bartolomeo de la Scala el ciama dei boscaioli-cimbri"Tzimberer" originari del Sud Tirolo, dàndoghe dei tochi de tera in Lessinia par abitarghe e disboscàr in parte...Bardolìn, secondo 'n'iscrissión scoerta su un antico sarcofago, le origini del toponimo le deriva da Bardàli, fióla del Re Aulete, fradel de Ocno, forse fondatòr de Mantoa....Belfiòrmolto curiosa l'è l'origine del nome de 'sto comune che molti secoli fa el se ciamava in un modo no massa elegante, "Porcile"...Bevilaqua, in località Castèleto l'è nato l'antico çentro de Bevilaqua ai tempi de romani, 'ndóe ghe passava la "Strada Vicinalis" che la univa Ostiglia a Este....El nome Bonaìgo el vién, secondo alcuni, dal longobardo "Botanicu-Boto", mentre par altri documenti, del 959 e del 1041, i parla de "Vicus Bonadicus"...Boschi Sant'Ana l'è passà a le dipendense de la Serenissima, nel 1455 el Bosco l'éra contrólà dai "saltàri" guardaboschi, «necessarissimo al nostro arsenale e alle fortezze»...Bosco CèsaNóa l'è un importante Comùn de la montagna Veronese, ciamà dal scritòr Antonio Fogazzaro "la perla de la Lessinia".... Bovolón, par ci ghe piase le curiosità, secondo tradissión, l'antico nome de Bovolón "Bodolonem" vól dir "Tera de le Rane"... Tra le curiosità Brensón, gh'è la famosa "pièra de Castèlét", un lastron de l'età del brónso con relative incisioni de 4550 ani fa nel palasso del municipio a Magugnâ...Bussolengo, in epoca romana l'éra ciamà "Buxumlongum", da la presensa de boschi de bossi (bot. buxus sempervirens) lóngo l'Àdese..A Bùtapièra. ne la frassión Bovo (da l'òmonima faméja provensàl) un tempo gh'éra un castèl butà zò da Eselìn da Romàn nel 1234 e a ricordàrlo gh'è ancora un obelisco... Caldièr l'éra conossù fin dai tempi dei romani come "Calidarium" con le so magnifiche terme, costruide dal console Petronio... I documenti piassé antichi de Casaleón i è del XII secolo, quando, ne la bóla Papàl de Eugenio III del 1145 vien ricordà tra le altre la Ecclesia Casalavuni... El nome Cassàn el deriva da “Cadianum” o ”Gadum”, parola tardo-latina par indicàr un lógo de cassa (caccia) e boschi o da la "gens romana Cassia" mentre Traméa da “Vallis Terminea”.. Nel periodo romano a Castagnaro la strada consolàr Emilia-Altinate la travèrsava la zona e i abitanti i éra specialisadi ne la produssión de quarèi.... Quasi sicuramente Castèl d'Assàn l'éra traersà da la via Claudia Augusta e come ne dise la toponomastica el nome "Azzano" el deriva da la faméja romana de la "Gens Attia"...Castèlnóvo l'è caraterisado da la presensa de la tór con orolojo posissionada su l'antica roca, resto del castèl costruido a la fine del XIV secolo da Giangaleazzo Visconti e butà zò nel 1530...Cavaión dal pónto de vista storico un documento del 1111 el ne porta a la scoerta de le origini del nome del paese, citando "Cavalion", secondo lo studioso Olivieri, Cavaión vól dir: "pagliaro a due spioventi, cui si sia forse per estensione, attribuito il senso di collina a schiena di cavallo", mentre altri i fa riferimento a le cae de pièra del teritorio...A Cavrìn iè passadi ànca i Etruschi sconfiti dai Celti e sucessivamente i Galli Cenomani e i Galli Boi. Ne l' 89 a.C. i è rivà ànca i romani che dopo resistensa con la popolassión local jè deventà paróni de la zona riedificando "Caurin" solo nel 16 a.C. valorisandolo come çentro de lavorassión e de racolta del fero catà a Ferara de Monte Baldo... Cologna con tuta probabilità l'è la "Colonia" scrita da Catullo nel primo capoverso del Carme XVII "O Colonia quae cupis ponte ludere lóngo", presente ànca nel stema comunàl... Colognòla dal toponimo "Coloniola o Coloniola ad Colles", infati, in 'sta zona s'à fermà i veterani de l' XI Legión Claudia Pia Fidelis formando 'na "Colonia" con relativo "vicus"... Su l'origine del toponimo Concamarise podarìa derivàr da na conchilia del mar "Choncamaris"... S'à pensà inissialmente che'l nome de Costermàn podesse derivàr da "Castro Romano", ma secondo i esperti el toponimo l'è de origini longobarde, in latin medievàl, "Costa Arimannorum" che'l fa riferimento a la presensa dei "arimanni", òmeni libari...Dolçé nel medioevo l'éra conossù come "Dolcetum" e g'avéa un castèl de cui se pól amiràr i ruderi...Erbé se cata sul confìn col mantoàn e traersà dal fiume Tión. Abitado fin da la preistoria e ocupado dai eserciti longobardi, 'sto borgo el vien segnalà a partìr dal IX, come la ne dise la prima citassión su "Vicus Erbeto" del 28 majo 846... Erbéso o Arbédo, l' è un antico comùn cimbro posissionà su l'altopian dei Monti Lessini ne le prealpi veronesi. El so teritorio che'l parte da quota 700m e l'ariva ai 1.765 de Castèlberto l'è inserido in gran parte nel Parco Naturàl Regionàl confinando a nord col Trentin e serà a est dal Vajo de l'Anguila e a ovest dal Vajo Falconi......El nome de Ferara el vièn dai giaçimenti de fer che i romani i sfrutava ne la val, ma le origini i è ancora più antiche......El nome Fumane podarìa végnar da l'espressión "a le fumane o fumare", lógo 'ndóe se produsèa el carbón de legna forse sul Col Fumana...El nome Garda el deriva probabilmente dal Longobardo Warda, (gh'è ci dise ànca dal tedesco Warte) che vól dir guardia, come podarìa èssar stà nel caso de la Roca....No l'è impossibile pensàr che'l nome de Gressana el g'àbia 'ste origini; s'à pensà a un tempio dedicà a le Grazie o dal nome de 'na persona Graecius o Gratianus forse propietaria de un pochi de teréni ne la zona. A Romagnàn dal latin Romanius, i è stà rinvegnude de le luserne e do iscrissiòni romane. El nome de Lumiàgo forse deriva da "Aemilius" più suf. -ACU, Lotràgo da "lotterius" più -ACU, Sago dal nome del patrissio "Attius", Lugo da Lucus (bosco) e Stalavena da "stallum avenis",...El çentro abitado de Gazo el nasse de sicuro nei primi ani del VIII secolo come feudo de l'Abasia de Santa Maria in Organo de Verona che la g'avéa giurisdissión su la zona fin a l'epoca Scaligera e citado par la prima 'òlta nel' 864 "in loco qui dicitur Gaio". ànca el toponimo l'è de origine longobarda, da "gahagi" che vól dir lógo, bosco recintà, ven. antico "gazo"....Ilàsi, sicuramente 'sta zona l'éra abità fin da la preistoria, ma le origni del paese iè probabilmente romane come pól dimostrarne, scrite, tombe, monéde, tochi de muri e de grandi colone funerarie come quéle che le faséa parte de un monumento funebre de la faméja dei Sertori, conservade al Museo Mafeiàn de Verona... El teritorio de Isola de la Scala se cata nei primi documenti del X secolo compare el nome de Insula Cenensis dal latin caenum "fango"; in pratica l'éra 'na zona isolà con intorno le "Paludes Tartari fluminis" descrite da Tacito e Plinio, corispondenti a le atuàli "Grandi Valli Veronesi"....Isola Rissa nel 1872 su decisión dei abitanti el nome l'è cambià da Isola Porcarizza in Isola Rizza (vr. Rissa) mentre el stema comunàl co' la roia (scrofa) con in boca un massolìn de spighe de riso l'è ricomparso nel 1932 dopo avérlo cavà....A Lasìse el 7 majo 983, Ottone II de Sassonia l'à concesso a questo comune el dirito de riunirse e fortificarse oltre a importanti autonomie militari e comerciali con dazi par ci pescava ne le aque del lago che bagna el paese e par ci passava da quéle parti, mantegnude ànca sóto la "Judicaria Gardensis", un teritorio con sistema aministrativo e giuridico del'area gardesana, deventando cosita el comune piassè antico d'Italia....L'origine del nome Lavagno no l'è sicura, ghe ci dise che possa végnar da la parola latina "labes" frana; da la voçe "lava" riferendose a la presensa de un vulcan sul col de San Brissio; da un nome latin de un çerto "Lavanium"; probabile l'origine retica "Lavaniu" e no romana del nome....Legnago ciamà nei secoli ànca "Lemniacus" e "Lignago", ne le varie epoche storiche l'è stà 'na ecessionàl fortessa militàr, partendo da l'Epoca Barbarica, passando dal Dominio Vescovile ai domini del Comùne veronese, dei Scaligeri, dei Visconti, dei Carraresi, dei Venessiani, dei Francesi e par finìr Austriaçi... Malsésen, gh'è ci dise che possa derivàr da Manes Scilices "sepolcro dei morti" come scrito ne l' 844 da Arcidiacono Pacifico nel so testamento o dal latìn medievàl Mala Silex....A Maràn 'ndóe 'desso gh'è el Santuario de Santa Maria Valverde, se vede i segni de un tempio romàn dedicà a Minerva, in pratica l'éra un importante çentro pagano e religioso no solo de la val ma de tuta la Valpoleséla, in quél tempo "Pagus" dei Arusnati...Minerbe la g'à origini pre-romaniche e 'l so nome el deriva da "Vicus Minervinus" par la presensa de un tempio pagàn dedicado a la Dea Minerva...A Monteforte nel X secolo a causa de le invasioni dei Ungari, el grande Re Berengario l'avéa concesso la costrussión de un opera de difesa...Quasi sicuramente l'origine del çentro abitado de Montécia l'è romana, come pól testimoniàr i tochi de costrussióni, lapidi e iscrissioni catade nel teritorio de la vècia "Monteculeta"...El toponimo Mossecàn el vièn da un çerto "Mucio Cane", che l'éra riussido a farse dar in concessión dei teréni dal Comùn de Verona nel 1202 ne la "Campanea Maior"....El toponimo Negràr podarìa végnar dal tardo Latino nigrarius, "lógo con tera nera" o da nux=nosa....A Nogaróle nel 1277 Antonio Nogarola l'è stà copà nel tentativo de difèndar Mastino De la Scala da un imboscada e par 'sto motivo che l'à dimostrà l'assoluta fedeltà dei Nogarola ai Scaligeri i s'à imparentà;..El toponimo Nogara i dise che, con tuta probabilità, el vegna da Nucaria, Nucula, Nux, lógo coltivà da albari de nose che un tempo i querzea la zona fin al medioevo...Fin dal Neolitico l'òmo l'è presente a Opeàn, che anticamente l'éra quertà da grandi foreste, come pól testimoniàr el nome de la frassión Cà dei Opi che'l deriva da Domus Oppiorum "Opio", albaro de la faméja dei "aceri" usà nel medioevo come sostegno par le vigne....Palù l'è nato quando el Comùne de Verona l'à creado un consorsio con 400 iscriti composto da nobili çitadini con lo scopo de bonificàr la gran palude Palus Comùnis Veronae tra Zevio, Opeàn e Ronco....Pastrengo l'è conossù in Italia sóratuto par un fato sucesso el 30 april 1848 durante le guere de indipendensa tra i soldà piemontesi e i austriaçi; re Carlo Alberto el s'éra catà spiassà davanti a un mucio de soldà austriaçi durante l'avansada dei so soldà, ma tri squadroni de carabinieri a cavàl comandà dal magior Negri de San Front i s'à lancià in 'na furibonda e vitoriosa "carica" contro el nemico in mèso a le trincee austriache...Le prime testimonianse storiche su Pescantina jè de epoca romana come da reperti vegnudi a la luçe: al Nassàr un pilòto de marmo de Marco Tenazio Labeone, a Pescantina el pilòto de Lucio Tenazio Varo, a Arçè un poche de scrite su pièra e a Setimo un altàr... L'òmo l'è presente a Peschiera fin da l'Età del Bronso (conossù come orisonte cronologico Peschiera-Zeit) mentre in epoca romana l'éra l'importante "Vicus Arilica"...L'origine del toponimo Pojàn vién da "Popilius", un militàr romàn, conossù come Caio Popilio Lenate de la Gens Popilia, che nel 172 a.C. l'à travérsà el Po con un esercito de Liguri che i avéa ricevù la libertà e 'l parmesso de coltivàr tere da 'ste parti...Pressana l'è comparsa par la prima 'òlta su 'n documento del 903 e sembrarìa che 'l so nome de origine romana el possa derivàr da Persana de Persus nome de persona propietaria de un "fondo"...El toponimo el vién dal Roarè pianta classificada come Quercus Petraea de la faméja de le fagacee; da l'antico nome Roboreto risulta Rovereto e da la contrassión g'avémo Roverè...Roarédo un tempo 'sta zona l'éra quertà da boschi de "querce farnie" che a l'epoca le vegnéa ciamade "robur" (róvere, róaro) e de conseguensa un bosco "roberetum" l'à dato el nome al paese oltre al fiume Guà che passa da 'ste parti... A Ronco nel'alto medioevo l'è scominçià l'opera de bonifica come pól testimoniàr el nome de Roncà, toponimo che vién dal verbo "runcare" che vól dir disboscàr, remenar el terén tirandoghe via la gramégna par poderlo coltivàr... A Roncà iè vegnudi a la luçe fossili dei moluschi del Eocene Medio de circa sinquanta milioni de ani fa, periodo che dal pónto de vista sientifico l'è conossù col nome de "Orisonte de Roncà"....A Roérciàra pròpio par la presensa del faro del porto che faséa luçe su l'Àdese de note, i dise el vegna el toponimo de Roérciàra "Ripaclara", ipotesi che vien scartà par quèla piassé credibile, secondo la quàl, podarìa derivàr da la parola tardo-latina "rubecularia" o "rubeclara" campagna piéna de spini, de "rubus" rovi, ànca se nel stema comunàl catémo la pianta del "roaro" difusa un tempo nel teritorio....'Na data famosa se ricorda a Rìole in tuto el mondo l'è el 14 genàr 1797 quando gh'è stà la batàja tra francesi e austriaçi: 15.000 soldà de Napoleón insieme ai valorosi generai Joubert, Messena e Berthier, çircondà da 27.000 austriaçi guidà dal generàl Alvinczy, i è riussidi a rebaltàr la situassion portando la Francia a la vitoria.....Salìne, par ci se dimanda da 'ndóe vegna el nome, se pól 'vérghe più risposte. Se pensa da la selci laorade "Salàin" che in questo teritorio tra le altre jè stà catade o dai depositi de sal utilisadi par pagàr i mesadri ai tempi dei Scaligeri; un sacheto de sal par conservàr la roba da magnàr in cambio de la manodopera....Secondo la toponomastica el nome Salissól el podarìa végnar da una de le piante de la foresta mèsa impaludà che anticamente querzéa la zona, in 'sto caso el "Salgàr" (Salice); in pratica un terén piantà a "Salix" come i disea in latin; ànca el toponimo de origine longobarda "Engazà" ne ricorda che 'sta frassión faséa parte anticamente de un gran bosco che'l se catava a "Gazi et Hengazate Nogarie"....A San Bonifacio da visitàr assolutamente l'è l'Abassìa de Vilanoa costruida nel VIII secolo e rifata nel XII secolo, con campanìl scominçià nel 1131 par opera de l'Abate Umberto dei Conti de San Bonifacio... San Gioàni Larión, conossù par la gran produssión de sirèse de qualità e del vin Durel. In epoca mediovàl conossù come San Zuàn de la Rogna e fin al 30 diçembre 1923 faséa parte de la provincia de Vicensa.....Su l'origine del nome de San Gioàni Lupatoto gh'è varie versioni come quèla che catémo in un documento del 1178 "Sanctus Johannes ad lupum totum", lógo 'ndóe gh'éra la presensa dei lòvi (lupi).....Probabili i è infati le origini romane de San Martìn come ne dimostra el cippus romàn catà arènte a la cèsa parochiàl un tempo pagàna e dedicà al Dio Bono Evento....Par ci l'è curioso, el nome Morubio ne la Bassa, el dovarìa derivàr dal latin "rubus" rovo o da la faméja Rubbiani che la vivéa in 'sta zona mentre documenti medievali i parla de Moruiolo, Morugio o Moruggiolo....In Valpoleséla secondo i storiçi el nome Cariàn, che l'è ànca 'na contrada arènte al paese, el par vegnér dal tardo latin Carilianus, terén de propietà de Carilius... A San Zèn de Montagna molto importante l'è la festa marón ai primi de noémbre, con mostra e marcà del prodoto tipico de 'queste zone....Sanguinè secondo la toponomastica el possa vegnér da la pianta ciamada "Corpus Sanguinea" dai rami color porpora o rosso scuro e coi fruti neri che no te podei magnàr...Nel a zona de Sant'Ambròso de epoca romana iè le iscrissioni sacre dedicade a Cuslano, a la Dea Fortuna, al Sol, a la Luna e a Vesta, vegnude a la luçe a San Giorgio (castrum romanum), de la popolassión pre-romana dei "Arusnati" o "Arusnates" de origine forse reto-etrusca che in Valpoleséla g'avéa el so "Pagus Arusnatium"...Interessanti a Sant'Ana iè vilài fortificadi colegà tra lori, de l'Età del Bronso, conossudi come "castèlieri" a San Gioàni, sul Monte Loffa, a le Guaite, a Ceredo e Fosse che nel corso dei secoli fin ai romani i s'à sgrandà pian pianin...A Selva ne la frassión de Giassa, l'è stà creà el Museo Etnografico con una bèla biblioteca sul folclòr del popolo cimbro, atressadure, materiali fotografici e tuto quél che pól èssar utile par tegnér in vita 'sta lengua...El Sèro l'è un tipo de quercia, in precedensa el se ciamava Silva Alferia, più popolarmente Alfera come ne dise numerosi documenti: Silva Alferia nel 969;...In epoca romana Sona 'isto la so posissión strategica l'éra un bèl pónto de contrólo su le vie de passàio, par 'sto motivo, nei secoli l'è stà teatro de guere de 'na çerta importansa....Soave i dise sia stà fondà in epoca longobarda, nel 500, da 'na tribù de Svevi vegnù in Italia con Alboin e che de conseguensa el nome el possa derivàr pròpio da lori "Suaves", "Suevi", toponimo cambià in "Soavi" e par finìr in "Soave"...A Somacampagna dopo i franchi e i longobardi, nel 930 el paese el se cata scrito su de i documenti che parla de 'na donassión al Monastero de San Zén, col nome de Summacampania (o Summa Campanea)...Nel 928 Sorgà la vien confermà come feudo, tra i possedimenti del Monastero dei Benedetini de Santa Maria in Organo da Ugo Re d'Italia...Teràzo nel XII l'éra stà costruido un forte a difesa del teritorio con tanto de tóri e de queste ghe né rimasta una, simbolo del paese, infati el nome el deriva da Turracium....El toponimo de Traénsòl l'è de origine romana, podarìa vegnér dal nome de un çerto Trebentius...La zona de Tregnago l'èra abità prima dei romani; quando jè rivà el primo colono, l'a fondà ne la parte sud al confìn del teritorio de la Calavena l'atuàl Tregnago e da chi, secondo alcuni, el nome podarìa végnar da "Terminiacus" tera de confìn....Tóri, sóto la Republica Venessiana questo comun el deventa con Malcesine sede de la Gardesana del'Aqua, federassión de 10 comuni con compiti de repressión e de ripartissión dei oneri fiscali...Valéso secondo la toponomastica el nome Valéso dovarìa derivàr da "vallensis", abitante de la val del Menso e ghe ci dise dal latin "Valles de(or)um" deventà "Valedium" che vól dir "Val de i Dei" forse par la presensa de templi pagani. Mentre el nome del fiume el deriva dal latin Minctio "scolo, deflusso"....Mentre el nome Velo l'è de origine latina come scrito nel documento del 1287, "Vellus sive curia Vellj", dal Vescovo de Verona Bartolomeo de la Scala par la concessión e la gestión dei teritori de la Lessinia ai cimbri;..L'antico nome de Veronèla fin al Regio Decreto del 23 genàr 1902 l'era Cucca. In epoca preistorica l'Àdese el passava par Desmontà-Veronèla-Sabión deviando verso Albaredo-Legnago dopo la famosa "Rotta della Cucca" del 589 d.C....El nome Vigàsi o Igàsi podarìa vegnér da Vicus Attii, çità dei Atti, nome de la gens romana con a capo un çerto Attus presente ànca ne la vissina Castèl d'Assàn "Aciano"....El teritorio de Vila Bartoloméa l'è abità fin da la preistoria come pól testimoniàr le 38 tombe messe su du piani, catade in Cà Franzine Noe nel 1968 de l' Età del Brònso;...Nel XII secolo Vilafranca dipendéa dal Comùn de Verona ma l'era lìbara da le tasse, "vila" nel senso de borgo o vilàio e "francus" no tax area....A Véstena ne la frassión de Bolca, da visitàr assolutamente l'è el "Museo dei Fossili" 'ndóe podémo catàr i reperti fossili ne la "Pesciara" con didascalie, disegni e ricostrussióni che spiega i fenòmini de la zona de 50 milioni de ani fa come l'avelenamento naturàl dele aque del mar che le querzéa la zona...A Zarèa a l'inissio del '900 grassie al "Marangón" Bepi Merlin de Sparè che g'avù l'idea de trasformàr un mobile vècio e carolà in un mobile in stil, Zaréa l'è deventà la capitàl ne la produssión del mobile d'arte, prinçipale fonte economica del comune e in gran parte de la Bassa Veronese....A Zevio, da 'édar gh'è el "castèl" che in un documento del 920 l'éra de Re Berengario, passà ai Lendinara e nel XVIII trasformà in residensa da la faméja Sagramoso....El toponimo Zimèla se pensa che'l possa végnar da la legione romana dei "Gemina" che da ste parti nel 68 d.C. la s'éra fermà, come ricordà dal grande studioso romàn Tacito.

Cartina Comuni


cartina provincia

Bibliografia

Bibliografia essensiàl - Libri consultadi par realisar "Provincia In" // Annuario Storico Zenoniano (serie completa) // Notiziario BPV (serie completa) // I Segni della Verona, romana, medioevale, scaligera, veneziana, ottocentesca, novecentesca Cassa di Risparmio // Verona e i suoi comuni S.Fascetti // A pelo d'Acqua F.Occhi-A.Garau // Civiltà Cimbra G.Volpato // Valpolicella Guida Turistico Informativa F. Quintarelli ed.Damolgraf // Miscellanea di Toponomastica Veronese G.Rapelli // Descrizione di Verona e della sua provincia G.B. da Persico,Verona 1820 // Toponomastica Veneta Olivieri 1961 // La Provincia di Verona e i suoi vini, Franchini Verona 1900, perez G.B. // Serie Enotria "Il Territorio, i vini, i prodotti tipici e la cucina" Morganti Editore 2005 (serie completa) // Articoli giornale L'Arena E.Cerpelloni // Siti internet Comuni de la provincia de Verona // Verona e il suo territorio CDrom 2001 // DATI ISTAT CENSIMENTO 2016



Pin It