LRNotissie: Conferensa su La Migrassión Veneta in Brasìl

conferensa migrassion veneta
conferensa migrassion veneta
La Rena Brasìl "La Migrassión Veneta"

Dopo el grande sucesso de la conferensa del nostro Diretòr Andrea Toffaletti la "Grande Migrassión", finalmente drento La Rena Brasìl, se pol catàr tuto quel che l'è stà contà. Un qualcosa de veramente unico e importante, Da la rivolussión industriàl al dì de ancò passando par le cronache dei migranti. El tuto, con un poche de foto e documenti. Un ringrassiamento a l'amigo Benè de la redassion brasiliana, che quasi vint'ani fa, l'è riussì a dar el propio contributo a le riçerche anca se distante e al grande Fra Rovilio Costa che ne varda dal çièl, sensa de lu, la léngua 'Taliana sarìa morta.....vai in La Rena Brasìl (Verona 18.12.2017 - La Redassión)

-----------------------------------------------------------------

(Verona 06.11.2017 - La Redassión)
Vendri 17 noémbre ore 21 a San Roco de Quinsàn
l'è el turno del nostro Diretòr Andrea Toffaletti ne le serate culturali. Nei ani scorsi l'à presentà el "Carnevàl Veronese" e "Berto Barbarani", st'ano "La Grande Migrassión Veneta in Brasìl". Più de 100 slaid (slide) le vegnarà proietà durante la conferensa. Par realisàr 'sto evento gh'è volù 2 mesi de laoro, in quanto, el Diretòr, pol contàr su 20 ani de materiàl catà su, qua e là in Italia e in Brasìl. Métar tuti i so studi insieme l'è stà un impresa e la sarà piassé complicà, contarlo a voçe in poco più de un ora. L'argomento l'è interessantissimo, e vegnarà fato anca un confronto con el flusso migratorio che ai giorni nostri riva da l'Africa a l'Italia. Ne la conferensa se farà riferimento ai ani che va dal 1874 al 1915 quando quatro-çinqueçento veneti iè migrà in Brasìl costruendo paesi e çità co' le propie mane. Molto del materiàl no l'è stà mai publicà altro el vién dal Brasìl. L'è giusto analisàr e contàr le cose viste da i do stati, quel de partensa e quel arivo. Grassie a i esperti brasiliani semo entrà in possesso de certificati e documenti storici come quel che documenta el sbarco a Sao Paolo dei bisnoni del Diretòr. La Rena Brasìl l'à contribuì a métarne in comunicassión co' i veneti del Brasìl, cosìta podémo contarVe anca i sogni, dei neodi de ci l'è migrà, e se sente Veneto. No ve resta che presentarVe a San Roco de Quinsàn par viagiàr co' noàntri da Verona verso la Merica, vegnéndo a conossensa dei sacrifici dei nostri Veneti a cavàl del '900.
 

(Verona 17.11.2017 - La Redassión)
Grande sucesso de la conferensa del nostro Diretòr Andrea Toffaletti. El publico l'è riussì a impenìr la sala culturàl de San Roco a Quinsàn, restàndo fin a la fine, co' tanto entusiasmo e atensión par un argomento molto triste e interessante. Vint'ani de riçerca storica del Diretòr in poco più de un ora, co' 100 schermade proietà, co' foto, curiosità, spiegassioni, poesia e tanta ironia che no manca mai ne le so conferense. Quel che conta, l'è, che la zènte presente l'à capìdo el messàio de questa serada e che forsi i profughi un tempo èrimo noàntri. Le dimande dei presenti e le propie esperiense portà, come quel de un Missionario in Brasìl, iè stà la classica sirésa sora la torta.... .  







Pin It