Lunario 2018, 'na 'olta sul Garda _LRNotissie

lunario 2018
lunario 2018
Scarga el Lunario 2018, 'na 'olta sul Garda!
Anca st'ano el Lunario l'è rivà. 36 proèrbi, le fasi lunari e le cartoline del '900 sul Lago de Garda. Te pol stampàr du mesi a la 'olta sora a un foio A4, co' la to stampante e tacarlo via 'ndoe te vol. Se te vol savèr anca quando semenàr, taiàrte i cavéi o s-ciapàr una soca, la Luna podarìa darte una man. Quèl che l'è particolàr parò, iè le cartoline che te pol catàr anca ne la rubrica "'na 'olta Verona", in questo caso, iè tra le più bele e interessanti che val la pena mètar sul Lunario. I proèrbi, tri par ogni mese, iè curiosi e i te porta nel segno de la tradissión. Ma no finissa qua, anca el magnàr in tola; Do riçete gustose da cusinàr e magnàr in famèia. El Lunario de La Rena Domila el g'a tuto quel che serve, sensa butàr schèi par crompàrghene uno. In giro ghe ne sarà anca de mèio, ma questo, l'è presente da quasi vent'ani e l'è la tradissión fata a Lunario! L'è pronto par èssar scargà e stampà a casa vostra! (Verona 20.11.2017 - La Redassión) >> Scarga el Lunario 2018 del Garda! <<







Pin It