Condomini e convivensa _LRNotissie

condomini e convivensa - stalker
condomini e convivensa - stalker
Condomini e convivensa
Te pol catarte in situassioni strane che no te riessi a spiegàr a nissuni, o meio le rogne iè tue e l'è meio starte distante. Da ani, mi e la me famèia semo vitime de un stolcher (Stalker), che sensa motivo, el passa a tiràrte drio parolasse quando la te va ben, fin a rivàr a métarte le mane adosso. Te si tegnù soto contròl, no te pol far quel che una parsòna normàl riesse a far tuti i giorni. A 'olte, entràr in casa o ussìr devénta un impresa, no te sé mai cosa pol sucedarte. Magàri in piena note, questa parsona malà te sona el campanél e posso assicurarve che no l'è piacevole. Iè quele cose, che te vedi solo nei film, ma 'ste parsone malà de testa o con gravi disturbi, le se crea de le storie e iè convinte de subìr dei torti par tacàr rogne con ti. El resto del condominio conosse 'sta storia, ma no move pàia, i te dise solo de starghe distante. Si g'o el teletrasporto par entràr in casa? Più de 'na 'olta me bupà le andà a finìr par tera, ciapà a pugni e me fradèl se ricorda el colpo de frusta. I carabinieri i pol solo dirte de far un esposto o denuncia, ma al "mato" el sganàssa, in quanto, la Giustissia la pol darte torto a ti parché te si riussido a difendarte. Intanto parò l'esposto l'è rivà nei so confronti, visto che gh'era i testimoni, ma la cosa no ferma ci l'è malà. In questi ani me son sempre dimandà, parché nel condominio se verificava dei eventi strani, vandalici, su parti comuni. Prima roba, l'è dar colpa a i ospiti dei ufissi del primo piàn; ora che i ufissi iè udi, te scominçi a capìr, che'l "stolcher" colpiva no da 5 ani ma da 10. L'è fadìga a 'olte no rispòndar a le parolasse, l'è quel che'l vol. Ma se mete le mane adosso a i to genitori che i s'à crompà casa co sacrifici e no te pol far gnente, te gira le bale. La léngua te devi métarla parò in méso a le ciàpe, parché te ris-ci la vita e no te devi reagìr, par quanto te voressi. El problema l'è, che la so famèia ghe tién rasón, anca parché, dipende tuto da cosa el và a contarghe, passando par vitima. La so testa, la séita a inventarse storie diverse. Ma tuto questo par no 'verghe fine. Questa l'è la storia del nostro létor, che publichémo, dedicà a tuti quèi che subisse le problematiche de 'sto tipo, perdendo ogni giorno la speransa de èssar aiutà.  (21.01.2018)

A questa storia, posso zontàr anca la mia, ieri sera son stà minacià co' grosso tajerin  soto casa dei me genitori dal solito stalker. La situassion la va avanti da ani e par no 'verghe fine. Se par sbaio no dovesse esserghe più La Rena Domila savì el parchè; no sempre el cul l'è da la me parte el ris-cio le quotidiàn. Te vien incolpà de robe mai fate, giusto par seitàr a romparte le bale. Se qualcuno g'a una solussion pol scrìvar a la redassion.  (El Diretor 27.07.2018)

In data 18.08.2018
 ore 18:15 el stalker pena l'à visto el vostro Diretor, el girava come un moscolo par el borgo in auto, fermandose soto casa
In data 27.08.2018 ore 18:08 giro turistico del stalker soto casa del Diretor in auto (vicolo stupà) 
In data 06.09.2018 ore 17:41 al stalker ghe piase el palasso del Diretòr, el s'à fermà in auto soto casa par 30 secondi in mezzo al'incroso 
In data 09.09.2018 ore 20:15 stalker cerca Diretòr par el cortìl de casa dei genitori, dopo averlo visto passàr. Diretòr zà in casa.






Pin It