La poesia "Al Calmiere" _LR Notissie

poesia al calmiere
poesia al calmiere
La poesia "Al Calmiere"
Se te si un poeta in erba e te piasarìa declamàr una to poesia denànsi a un poche de persone o stàr tra la zènte e scoltàr, no te resta che végnar "Al Calmiere" ne la sala culturàl de la cooperativa sociàl sora a l'omonimo ristorante a San Zèn in Via Broglio. El Diretòr Andrea Toffaletti in compagnia dei altri moderatori Alverio Merlo e Roberto Nizzetto, ve speta el secondo vènardi de ogni mese da le ore 21, par passàr un par de ore in compagnia. I butèi, pol presentàrse anca el secondo mèrcoli del mese a le ore 17. De solito iè presenti 60-70 persone e par ci dise la propia poesia l'è un emossión catarse denàsi a cossìta tanta zènte. De lì iè passà tanti novi poeti e ci g'avéa sconta nel canto una so poesia, l'è deventà co' el tempo un grande artista. A fine serata se stà in compagnia a bèar e magnàr do robéte grassie ai volontari de la cooperativa, giusto par ciacolàr de poesia. In questi dòdese ani, piassé de 5000 poeti de cui 250 che no i àvea mai visto un publico de 'sto tipo, iè stà presenti a le serate. Nùmari da record, i primi a Verona par presense. W la poesia, italiana, veronese e foresta che sia!  (La Redassión)





Pin It