D.A.M. - 156 Gh'era 'na 'olta

d.a.m.
d.a.m.
D.A.M. - 156 "Gh'èra 'na 'olta", un tempo a pochi passi da Dolçè.....

Dal Pasteléto, montagna no tanto granda a du passi da la contrà Paroléto, i nostri eroi, torna verso casa. Ma le problematiche incontrà nel sentiero 237 mete a dura prova le condissioni psico-fisiche dei D.A.M......e zò par 'na gola, par un sentiér streto  tra sassi, laste drite, pière e macioni de spinarati. La natura salvéga magna le piante, scancéla el sol fin a la val. Le gambe sempre piassé strache par avér frenà par un ora, se incioda de colpo denànsi a i àlbari tajà de bruto. I du resta sensa parole, i àlbari spampanadi sensa criterio e sensa carità par la val, ghe fa bàtar el cor fin a Dolçè
 

 
// Podarìa interessarte
D.A.M. Menu + Lista storie dal 1999 + Storie del mese

156 02
Mi: L'è da un ora che freno
Lu: g'o i zènoci in gola
MI: no ghe la fasso più
Lu: progni, sassi, piante....
Mi: varda là....
Lu: cosa?
Mi: gh'è tri caùci in crose
Lu: una cosa mai vista
Mi: va ben, tajàr i àlbari par far legna... ma l'è massa!
Lu: varda in fondo, segà tute le piante, spampanà
Mi: el sentièr no gh'è più
Lu: come femo?
Mi: se pol rampegàr sul costón
Lu: ma se sbrissia, gh'è restà solo tera
Mi: salta nel progno seco
Lu: Se piove vién zò tuto
Mi: no gh'è raìse, ma tera remissià
Lu: i podéa métarghe un cartél de laòri
Mi: te vol massa


156 01
Mi: Là in fondo el paese
Lu: ghe l'èmo fata!!!
Mi: qua l'è normàl netàr el bosco cosìta
Lu: par sicuressa?
Mi: eh si, ma se no i sistema, l'aqua porta zò tuto
Lu: dìsito?
Mi: te vedarè che i le fa....
Lu: in çità el çimento querse i progni
Mi: quel fa più paura co' la piova
Lu: quèl sassina la natura
Mi: beh anca le cave sbrega i monti 
Lu: ognuno el suo, ognuno le propie rogne
Mi: ognuno varda l'erba del vissin
Lu: ma nissuni varda in casa propia
Mi: beh noàntri savémo come l'è in casa nostra
Lu: ma da 'ste parti?
Mi: tasi e magna un toco de pan
Lu: Dolçè l'è lì.....

 

 
// Podarìa interessarte
D.A.M. Menu + Lista storie dal 1999 + Storie del mese

Pin It