La cripta de San Benedeto _LR Notissie

La cripta de San Benedeto
La cripta de San Benedeto
La cripta de San Benedeto

Arènte a piassa Erbe, denànsi al vècio Monte de Pietà, catémo la cèsa dedicà a San Benedeto. In questi giorni iè finidi i laòri de restauro de la cripta de l'XI° secolo, che un tempo faséa parte del complesso dei monaci benedetini, de sicuro dipendente da l'abassia de San Benedeto de Leno fondà dal re longobardo Desiderio nel 758 a.C. In pratica l'è stà sistemà l'ipogeo, creà un passàio con la césa de sora co' el recupero dei scalini, lustrà el tempio pagàn dedicà a Giove, Giunone e Minerva, tirà fora el posso da la pavimentassion e par finìr netà le decorassioni e le volte. Un qualcosa de unico par Verona e soratuto de una çerta importansa, che grassie al restauro te fa restàr a boca verta. Dal de fora, la ceséta de San Benedeto al Monte, modificà nel 1617, te par una costrussion no de granda importansa, ma el segreto l'è drénto, come in altre cèse de Verona, basta pensàr a come se presenta Santa 'Nastàsia. Val la pena far un salto ne la cèsa, vardàr le volte e le decorassioni de la cripta, un toco de storia de la nostra çità soto ai nostri pié. (El Diretòr 15.05.2018)






Pin It