La guera del Pandoro _LR Notissie

La guera del Pandoro
La guera del Pandoro
La guera del Pandoro
Dopo quasi 125 ani, el pandoro Melegatti sèra baraca e buratìni con 350 dipendenti butà in strada. Questo l'è el triste destìn de la gloriosa asiènda veronese che l'à inventà el Pandoro, dopo la decision del giudice par el falimento. Intanto un poro dipendente el séita a missiàr el lievito mare, co' la speransa che'l stabilimento vegna verto da novo. In questi mesi qualchedùn l'à tentà de crompàr el storico marchio, parlémo de asiénde anca 'bastansa grosse, ma dopo avér visto el buso nel bilancio iè scapà de corsa. I dise che tuto 'sto bordèl l'è nato, da vari problemi de famèia de la propietà, una vera e propia guera, che l'à contribuì a scancelàr la mitica Melegatti. Come al solito ghe và de mèso ci làora, magari, quele persone che da generassioni, co' tanta passión, i n'a fato passàr un Nadàl nel segno de la tradissión. (La Redassión 04.06.2018)