Diàoli del bruto _LR Notissie

Diàoli del bruto
Diàoli del bruto
Diàoli del bruto
In giro par la çità catémo i muri, anca storiçi, sporchi de scrite sensa senso, opera de ignoranti da strada. Se 'nemo soto al balcon de Giulieta te pol catarle sui quaréi de la casa grassie ai turisti. La cosa incredibile l'è, che se te ve fora dai confini italiani i te buta in galéra se te sporchi un monumento, ma qua se pol far de tuto. A l'arco dei Gavi i g'à messo de le sbare de fero tute intorno, quando in verità gh'era presente una telecamera de contròl. Parchè no se ciapa questi "diàoli del bruto" e grassie a un spassolìn da denti i neta quel sporcà oltre darghe 'na bela multa? No, questo mai, l'è meio patrocinàr inissiative par netàr quel sporcà. La prevensión no va ben e darghe 'na bastonà ne le rece ai "diàoli del bruto" no se pol. Parchè se tira avanti ne la bontà, inveçe de ciapàr decisioni vere? Un ignorante che sporca, pol far del so meio par sporcàr piassé, tanto el sà, che qualchedun-altro neta al posto suo, e no'l sarà mai condanà ma condonà.. (La Redassión 06.06.2018)







Pin It