Novità al Museo Barbarani _LR Notissie

novità museo  berto barbarani
novità museo berto barbarani
Novità al Museo Barbarani
(Verona 01.10.2018 - La Redassión) El Museo Barbarani pol contàr su tute le poesie de Berto Barbarani co' le du versioni del Giulieta e Romeo. Un qualcosa de unico nel veronese, co' tanto materiàl mai publicà finora. La Rena domila l'è el primo sito a far un impresa de 'sto tipo par no desmentegarse del so cantòr...>>> Canzonieri 

(Verona 28.08.2018 - La Redassión)
 El Museo Barbarani pol contàr su tute le poesie del primo e del terso canzoniere mentre el secondo e 'l quarto vegnarà publicà nei prossimi mesi. Un qualcosa de unico nel veronese..... 

(Verona 24.06.2018 - La Redassión)
Dopo tanta fadìga el Museo Berto Barbarani pol contàr anca su de le cartoline particolari. Partémo da quèle del grande pitòr Angelo Dall'Oca Bianca amigo del nostro poeta. I so quadri, deventà cartoline, utilisà anca come bilièti da visita e spedì a Berto. Una longa corispondensa su le sponde del lago de Garda 'ndoe salta fora un quadro regalà da Angelo a la cesèta del Vilàio. Curiosa l'è la poesia "Venessia" scrita da Berto su dièse cartoline e spedì a una so amiga. Du righe sul Museo Barbarani se pol catàrle anca nel sito del MInisterto dei Beni e le Atività Culturali. Le novità nel museo iè infinide e nei prossimi mesi se podarà catàr altro materiàl interessante. Par no far morìr quel tramandà da Berto, La Rena Domila grassie ai colessionisti, mete a disposission quèl catà a tuti i nostri letori, co' la speransa che no ghe sia sempre qualchedùn che ciava el materiàl sensa citàr la fonte. Grassie a ci l'à contribuì Roberto Fostini e Antonio Gioco e grassie a voiàtri se fasì conòssar tuto questo.  >>> Cartoline





Pin It