Un bel regàl par el Museo _LR Notissie

Un bel regàl par el Museo barbarani notissie la rena domila
Un bel regàl par el Museo barbarani notissie la rena domila
Un bel regàl par el Museo
Cari amiçi, l'è con grande emossion che tegno in man un reperto ecessionàl, un libro de prose autografà da Berto Barbarani. Questo l'è un regàl de Elisabetta una veronese che varda el nostro sito, che l'a volù che'l tegnessimo noàntri, drènto al Museo Barbarani. L'unica persona che in vint'ani l'à capì quel che volèmo far par la nostra çità; mantegnér vive le nostre tradissioni e la memoria dei nostri veci. Questo gesto, par el sito, val de più de tante parole, no gh'è valòr economico, ma l'è un qualcosa che te dà sodisfassion. A 'olte basta poco par èssar contenti. "Bozzetti e fantasie - Natale e la neve" un poche de prose e fole, scrite in italiàn con qualche ponta de veronese, piene de fantasia, che porta el letòr nel mondo barbaraniano, fato de cose sempliçi. Quela potensa, quela forsa nel contàr le cose e portàrle drite nel cor de ci lèse, se vede anca in questo librèto de l'editòr amigo Albarelli. Come nel veronese, Berto, l'à mantegnù in italiàn la so sempliçità, che varda a le cose che pol valér de più ne la vita, la famèia e i amiçi. I particolari ne le prose, jè come quei che catémo anca nei quadri de l'amigo pitòr Angelo Dall'Oca Bianca, la copertina defàti l'è sua. Berto, no s'à desmentegà de Angelo morto nel maio del 1942. çinque mesi prima de la stampa de 'sto libro. Un piasér da lésar. Ringrassièmo Elisabetta par el regàl, che tegnémo conservà e che prima o poi vegnarà publicà sul sito par i veronesi.  Andrea Toffaletti...(Verona 13.07.2018 - La Redassión)





Pin It