I grandi poeti foresti _LR Notissie

I grandi poeti foresti
I grandi poeti foresti
I grandi poeti foresti
Me son sempre dimandà se la poesia fora da l'Italia la possa èssar meio de la nostra. La risposta ghe l'ò avù dopo la tradussión in lèngua veronese de le poesie de Pablo Neruda, William Blake, Charlee Baudelaire e altri autori mondiali. Se vardo quel scrito dal nostro Berto Barbarani sicuramente l'era mèio dei foresti, l'unica difarensa, l'è, che'l nostro cantòr scrivèa in veronese, anca se, co' Trilussa e Testoni l'avèa girà mèsa Italia e quindi l'era conossù "al tempo de quando Berta filava". No digo che le fassa cagàr quele no italiche, ma no le riva drite al cor come faséa Berto nel nostro caso. Forse, noàntri, popolo de artisti, semo abituà in altro modo, l'è come métar a confronto un dipinto de Michelangelo e una tela con un taio e la malta de sora. Le cose bele savémo quali pol èssar. Ricórdèmose che le storie de Matteo Bandello no i-era conossù, mentre Shakespeare si; façile capìr parchè Giulieta e Romeo l'è popolàr in tuto el mondo. Giusto par no restàr dei mussi, su La Rena Domila podì catàr la tradussión de le poesie foreste, così podì capìr che l'erba del vissin no l'è sempre quela più verde. Tante frasi o aforismi che catèmo nei ciocolatini i-è opera de questi autori e noàntri ve regalémo le più bele poesie....>> Rubrica I grandi poeti foresti  -  Andrea Toffaletti...(Verona 20.08.2018 - La Redassión)





Pin It