19_10_2018_La nostra conferensa su Barbarani

I grandi poeti foresti
I grandi poeti foresti
19_10_2018 La conferensa del Diretòr su Barbarani

Tanti i crede de conòssar el veronese e in particolàr el so cantòr Berto Barbarani, in verità, quel che un veronese medio conosse, l'è solo el 2-3% de le qualità de 'sto grande poeta. Du ani fa el nostro Diretòr l'avèa parlà de la vita de Berto, faséndo védar un mucio de materiàl mai publicà. Staòlta l'impresa l'è molto più complicà. L'è riussì a catàr de le curiosità drento a le poesie, grassie soratuto al Museo Barbarani che pol contàr una colession privata de tuto rispeto, tuti i libri del cantòr de Verona. Una poesia in particolàr la catémo nel primo Canzoniere, ma nel libro de la Mondadori stampà 50 ani dopo l'è scomparsa; ma ne le poesie de Berto, se parla de giustissia sociàl, de la pora zènte, de la Verona de un tempo e de la violensa su le done. Un poeta completo che podì catàr ne la Conferensa del 19 otobre 2018  a San Roco de Quinsàn "Le curiosità ne la poesia de Berto Barbarani".

 

 






Pin It