16 ani del Canton de le Monàde _LR Notissie

canton de le monade
canton de le monade
16 ani del Cantón de le Monàde

Nel lontàn 2002, ne le serate tra goti, risoto co' tastasal e poesie, l'è nata una rubrica tra quatro-sinque amiçi. De tute quele vacàde, gh'è tuto conservà, filmati de ore e ore. Cosìta l'è nata la rubrica El Cantón de le Monàde denànsi a un fogolàr, publicando sul sito el mèio del "mato veronese". Dovì pensàr che quél dito, l'è vegnù fora in maniera 'bastansa naturàl, quindi se pol parlàr de "artisti de la vacada". A  'olte parò, se fasévìmo de le dimande sensa 'verghe la risposta e a distansa de ani semo ancora drio pensarghe. Cosìta nei ani, letòri e amiçi i n'à spedì pensieri e soratuto cartoline da ogni parte del mondo come quela da Caucia in Spagna o da Cunel in Francia. Quante sganassade! Questo l'è el spirito del Cantón, passàr càlche minuto in alegria.Ultima cosa, Ve consilièmo el nostro Dotòr, ve dirà come risòlvar i vostri problemi, o mèio, in qualsiasi caso i-è cassi vostri...... > vai al Cantón

 

 






Pin It