L'Àdese sbordèla, paura a Verona _LR Notissie

L'Àdese sbordèla paura a Verona
L'Àdese sbordèla paura a Verona
L'Àdese sbordèla, paura a Verona

Cosa sarìa Verona sensa el fiume Àdese, vècio brontolón che nasse in Crucarìa? Lu l'è el simbolo de la çità, ma, gh'è ci vorìa asfaltarlo, ghe ci vol farghe un parchegio che se cuna sora e ghe ci invesse ghe buta drento de tuto, frigoriferi, oio, plastica e sgaùie. Par lu gh'è poco rispèto, ogni tanto parò quando se desmissia, el fa veramente paura. In questi giorni piove a sece roèrse ne le tere dei Cruchi, i progni sensa vargogna i séita a regatàr tuto quèl che i cata longo la corsa drènto nel nostro fiume. L'Àdese se s-gionfa e sburta ne la so val, i ghe dise de 'nar nel lago passando drènto a la montagna, ma lu no'l fa quèl che dise l'òmo, no se fida, tira drito. A Verona, sbordèla de qua e de là urtàndo i ponti, riesse a infrinciàr el buso del Ponte de la Piera come una sartorèla co' fil e ucia. L'Àdese l'è rabiòso, co' i so domila metri cubi al secondo, e l'è sempre più infufà co' el passàr de le ore, cresse de tri metri al giorno, se porta drio tuto quel che'l cata, àlbari secolari che i-a lassà le raìse su i monti e le ànare che no ghe par vera de 'nar al mar in un par de ore. Lu el vol ben a Verona, ma no sempre noàntri ghe volèmo ben, un po de rispèto in più ghe vorìa, tegnèrlo netà sensa butàrghe drento la merda, forse quando gh'è le piene i pericoli i sarìa de manco.......  El Diretòr (Verona 30.10.2018) 

 

 






Pin It