El carnevàl sperémo sia carnevàl_LR Notissie

El carnevàl sperémo sia carnevàl_LR Notissie
El carnevàl sperémo sia carnevàl_LR Notissie
El carnevàl sperèmo sia carnevàl
Come ogni ano da un fraco de secoli, quando pensémo al carnevàl  de Verona se parla de Bacanàl del Gnoco. Nel 2019 in particolàr durante le elessioni del sire del carnevàl veronese, la politica l'è entrà a pié pari nel logo 'ndòe solitamente la dovarìa stàrghene distante e nel vènardi gnocolàr tolta par el cul, con la sàtira. Storicamente i pitòchi, deventa paroni de la çità par un giorno, inveçe se core el ris-cio che ci fa carnevàl ne la politica, el possa farlo anca nel giorno del popolo. Gh'è beghe tra le varie màscare e i comitati i séra baraca e buratìni parché no gh'è butèi che vol entràr nel mondo carnevalesco. El gòdarse dèventa polemica e catìveria ma pochi pensa a i buteléti che dovarìa èssar el futuro. Una solussión sarìa, che'l Comune no'l tirasse fora i contributi par questa festa e che ghe pensasse i sponsor. Forsi, sensa schèi sicuri dei contribuenti, qualchedùn nel carnevàl se darìa da far e farìa el carnevalante con passión, anca parché i sponsor i vién se gh'è un prodoto valido. In pratica se no gh'è schèi che gira, pochi i move la coa. Beghe in questi mesi, conti sbalà e magnarìa nei ani passà, ci pol investìr nel carnevàl? La sfilada che dura 4-5 ore fin a la note e l'organisassión fata a la bona nel tempo de l'internet, consà da tanta ignoransa soratuto storica, porta el carnevàl veronese a deventàr el "manestrón" del gnoco, ma a i butelèti gnissùn ghe pensa. Sperémo che'l vènardi gnocolàr sia 'na festa par tuti e no par pochi.... (Verona 01.03.2019 - El Diretòr)







Pin It