Una tassa par Giulieta _LR Notissie

una tassa par Giulieta
una tassa par Giulieta
Una tassa par Giulieta

No capisso 'na roba, forsi g'o la testa dura come el marmo de Sant'Ambròso, ma parché noàntri veronesi dovémo pagàr 10 euri, par védar el balcón de Giuliéta che l'è un falso o 3 euri par lustràrghe la teta? I turisti, l'è giusto che i paga, anca parché se nemo in altri posti in particolàr fora Italia te paghi molto de più par 'verghe de manco. Qualche euro in manco, sarìa meio. In pratica, se entra dal palasso Armani li tacà, se fa un giro fin al quarto piàn nel museo, con robe multimediali, te passi dal balcón e te finissi nel cortìl par 10 euri. Se inveçe te vol vardàr dal basso el balcón, i-è 3 euri compreso la palpada a la teta. In teoria, i dise, che se cava le file de turisti e tuto vién controlà e sistemà. Sul discorso "sistemàr" ghe vol poco, gh'è ciunghe, cadenassi e scrimacià da partuto, un spegàsso! Se parlémo, che grassie a la sistemassión del logo se cava la processión in Via Capèl, podarìa èssar la strada giusta, complimenti. Visto el costo del biliéto ghe va manco turisti e te cavi la fila par forsa! Forsi no s'a capìo, che, se te meti la tassa par i bus turistici e 3 euri par lustràr 'na teta, i turisti tira drito, i sparàgna e i va a Venessia. A ‘sto punto parchè no far la statua de Romeo o Lomeo par i giaponesi? Magari a le done podarìa farghe piasér no lustràr più la teta.... Giani Carpenea da Vilabartolomea (Verona 29.04.2019)

Pin It