La testa tra le nùgole _LR Notissie

La testa tra le nùgole - La Rena Notissie
La testa tra le nùgole - La Rena Notissie
La testa tra le nùgole

Un butél dovéa publicisàr la so atività de parapendio a Malséŝen (Malcesine) sul Lago de Garda, co' i so volantini par le vie del paese. Cosìta el g'avù una grande idea, lassàr la fiola sentà in machina e co' le ciave nel cruscòto. El problema, l'è nato quando el pare, l'è tornà co' el so amìgo, dopo un'ora, sul logo, 'ndoe in teoria el gà lassà parchegià la machina, sensa parò catàrla. Un rapimento l'à pensà el poro omo. Cosìta, l'è partì l'elicotero de i Carabinieri dal Trentìn, contròi a i porti, a l'aereoporto, su strade e autostrade, parfìn sul confìn co'l'Austria da parte de tute le Forze de l'ordine. Un spegàsso. Dopo parò gh'è vegnù in mente, che forsi, l'auto l'è stà lassà da un altra parte, difàti el gà catà la fiola e la machina. La denuncia l'è rivà da parte de le Autorità al pare, co' la testa tra le nùgole. Disémo che sicuramente no'l vinse el premio come pare de l'ano!.... Mario Marnìga da Brensón (30.04.2019)

Pin It