Tempo e Pàja

Tempo e pàia, la rubrica, del meteo e del mondo contadìn. Come semenàr ne l'orto e nel giardìn mese par mese par tuto l'an. In più un poche de proèrbi e un dissionario che parla de la "tera". Tuto quanto va a fòndarse con altre rubriche presenti nel "Capitolo Tradissioni", come "Ménego Maistro" che parla de le piante e "Proèrbi e modi de dir". No te resta che sapàr el campo e semenàr.....
Lési

Ménego Maìstro Mediçina

La rubrica de la mediçìna alternativa che te spiega come un tempo se podéa curarse in maniera naturàl e fantasiosa. Questa l'è una guida de fine '800 da consultàr come documento storico e no par curarse. Dizionario Botanico Veronensis e DIzionario Corpo & Salute i completa la rubrica
Lési

Ai tempi de me nono

Ai tempi de me nono la rubrica dei ricordi de vita vissuda su internet, un qualcosa de importante da tramandàr a le future generassioni. La memoria l'è quela che pol insegnarte a far meio e a no far le stesse vacade. I veronesi in questi ani iè riussì a far un qualcosa de veramente ecessionàl co' noàntri e piàn piàn l'è saltà fora una rubrica veramente interessante. Se parte dai ricordi e se passa a le filastroche e a le conte che se faséa da buteléti par finìr coi dizionari dei mestieri/laòri e dei soranomi.... Lèsi e prepara un fassolèto.....
Lési

El magnàr in tòla

La Renga la rubrica del magnàr in tòla, se parte da i piati de la tradissiòn veronese e se passa par i risoti, i dolsi, i secondi de carne o a la polenta. Grassie a una colaborassiòn col Ristorante XII Apostoli, un pochi de Consorzi e i nostri letòri, l'è stà realisà 'sto cantón su la cusìna nostrana. Cosa se pol dir de più, gnente! Te devi métarTe la grembiàla, farte su le màneghe e scominsiàr. Tuti questi piati iè stà provà anca da noantri con boni risultadi. No te resta che provàr anca ti e se te riesse ben, scrivi una meil a la redassiòn e vegnémo a catàrte.....
Lési

Far Filo'

El Filò Una de le tradissioni piassè antiche e importanti del veronese, l'éra quéla nel periodo invernàl, de catàrse a la sera, dopo disnàr, ne le stàle "a far filò", 'ndóe un tempo faméie, corteséle o contrà intiére, dal nono al neódo, i ciacolàva al ciàro de 'na lintèrna
Lési

Proerbi e modi de dir

Proèrbi e modi de dir, la rubrica de la tradissión veronese. I più bei proèrbi veronesi e modi de dir sièlti su un archivio de oltre 10 mila
Lési