El Grande Museo Barbarani

El grande Museo Berto Barbarani, una de le più importanti rubriche del sito, segnalà anca dal Ministero dei Beni e le Atività Culturali. Le poesie, i libri, el dizionario, la biografia, la biografia e tante curiosità che le parla del poeta veronese più importante. El materiàl vegnarà publica un poco par 'olta, in quanto l'è veramente tanto e unico, par colessionisti.
Lési

Corso latino-veronese

Verona l'è stà un muniçipio romàn. Domila ani fa, come i parlava ne la nostra çità? La tradussión a cura del Diretòr e de Tolo da Re, de una de le prime léngue mondiali al veronese, con frasi, modi de dir e i "Carmi" del grande poeta Valerio Catullo. Anca 'sta rubrica l'è curiosa e val la pena lésarla, in maniera così sinpatica se pol imparàr un poco de latìn, lèngua parlà in tuto el mondo ma da pochi. Nihil sub sole novi, gnente de novo soto al sol? Buta un ocio prima de criticàr e fa un salto indrio nel tempo...
Lési

A scola de dialèto

El primo corso de dialèto veronese su internet, co' le spiegassioni su la léngua, i vari dialèti, la gramatica co' agetivi, pronomi, articoli e le coniugassioni de verbi. L'è un corso molto interessante e ben spiegà, tanto che, molti esperti i dise che sia uno tra i piassè bei e precisi che se possa catàr in giro e tra l'altro a maca sensa spèndar schèi. No l'è stà lassà gnente al caso, l'è un bon punto de partensa e de riferimento par el studio de la lèngua veronese e dei so dialèti.....
Lési

El Canto del cor

La Rubrica dei grandi poeti veronesi e de quéi foresti. Se te piàse la poesia, questa l'è la rubrica che fa par ti, che pol farte capìr quanto i nostri cantori i-è piassè bravi de quéi conossù a livèl mondiàl. Se Prévert o Baudelaire i avesse parlà in veronese secondo ti, sarìa riussidi a deventàr famosi o i sarìa stà invità a béar un gòto in ostarìa par desmentegàr quél scrito?
Lési

Corso Etimologico

"Ètimo", le raìse de la parola,  l'è un Corso Etimologico de alto livèl che ne buta drénto ne la storia de la çità.
Lési

Corso veronese-Inglese

L'è un Corso veramente interessante, nato così par far quatro sganassade e deventà nel tempo, un punto de riferimento par tanti studiosi de lèngua a l'università. Vién ciapà una parola in particolàr come riferimento e analisà in tuta la provinsia veronese. Esiste parò in molti casi, altre parole che le dà el stesso significado es, tortòr e periòto par dir imbuto, questo dipende da la zona de origine. Se passa a le tradussioni in 15 lessioni par un totàl de 250 parole da l'Italiàn a l'inglese passando par el veronese. Un rubrica da vardàr, veramente interessante
Lési