Basta cimento _LR Notissie

basta ciménto a verona
basta ciménto a verona
Basta cimento

Se vede qua e là, saltàr fora supermarcà come se ghe ne fusse bisón, come se la zénte la fusse drio a morìr de fame. La cosa tragica l'è, che anca palassi e case vién su come fonghi, tegnéndo conto che, ne la provinçia veronese, gh'è più de 70.000 case ude de cui solo 9.000 in çità. Se femo un par de conti, la classica media par capirse e calcolémo do persone par casa, salta fora 140.000 abitanti in più. In pratica te pol passàr da 900.000 abitanti a più de un milión, in çità sarìa come realisàr un altro quartièr. Quindi, i paroni de case, no i vol fitàrle o véndarle ma preferisse lassàrle lì. Tante i-è vece e da sistemàr, far manutensión costa schéi, fitàrle te pol verghe altre problematiche e forsi te pol guadagnàr qualcosìna ma no l'è proporsionà a la rotura de maroni de gestìr un inquilìn, parò ghe toca pagàr l'IMU par la seconda casa. Un bel casìn. Al Savàl se voléa costruir el quarto palassón da 20 piani, idea ferma par vint'ani fin a quando al so posto ghe sarà un supermarcà. Gnente verde ma solo çiménto tra i palassoni. El marcàtìn de quartièr l'è propio lì tacà a la nova costrussión e l'unica speransa par restàr in vita sarà véndar roba da vestìr con el classico "ruma ruma" e gnente fruta e verdura o roba da magnàr, no gh'è concorensa. Tra el Savàl e Parona, altre atività e forsi anca lì, se vedarà el terso supermarcà in 100 metri. Anca qua, casìn de auto, sensa marciapié e piste ciclabili, sicuressa no la gh'è. Posso far anca mi el sindaco o l'assessòr, par gestìr le robe in 'sta maniera........... Piero Marùgolo (Verona 15.07.2019)...


Pin It