Teatro e Musica nel ciostro de San Roco

teatro e jazz a san roco de quinsan
teatro e jazz a san roco de quinsan
Teatro e Musica nel ciostro de San Roco

Par ci vol passàr qualche ora sensa pensàr a rogne e magagne, Ve consiliémo do serate nel ciostro de la Cèsa de San Roco a Quinsàn a le ore 21.15, a gratis, teatro e musica. El 30 de agosto la compagnia “La Pocostabile” la ne porta ai primi del ‘900 francese co’ la comedia “Le petit cafè”. El 31 de agosto, Quinsàn in jazz & Soul jazz, un qualcosa de incredibile co’ la musica ges (Jazz), co’ la chitara de uno dei più grandi musicisti internassionali Peo Alfonsi, amigo del famoso Al di meola; grassie a la so bravura e a l’ispirassion del momento ghe sarà tanta improvisassion ne le so corde. Ne la seconda parte de la serata, quatro grandi artisti (Amos & Dennis Carli, Gianni Brunelli e Paolo Ballini) co’ chitara, hammond, bateria e sax i ne fa gustàr un ges del grande Jimmy Smith. Un evento volù da la cooperativa sociàl “Pericoti” che da 150 ani l’è presente a Quinsàn e da un pochi de ani se impegna anca par la cultura a Verona. Noàntri semo lì come al solito par un grande evento…........ 

Ore 21 a San Roco de Quinsàn
30 agosto - Teatro co’ la compagnia Pocostabile “Le petit cafè” 
31 agosto - Quinzano in Jazz - Quinsàn in Ges

Pin It